其實我都係想打份工啫。我係有問題，但係事實上做咁耐野真係有彈有讚，會唔會只係人夾人緣咋？但係老實講，就呢件事黎睇，佢做得一啲都無錯，而且comment真係好需要，如果唔係，我係永遠唔知自己係做成點。

再睇翻個事實，我係唔係仲適合係度？呢個問題做咗咁耐都唔係而家先諗，我個career path係點，唔係做一隻job就清楚哂。

既然話我會升到，而到時做唔做到大家都話唔定，始終成個job duty 都唔同哂，我會全力以赴，做到最好，邊個係天生就識哂所有野。點解我唔升咗之後再答你呢個問題？

睇見而家梁振英做o野希望改組政府，雖然特首選戰已經曲終人散，我仍然覺得選一個做事醒但係奸o既人，比一個睇落係忠但係蠢o既人好。不過政客同埋老闆又有邊個會係忠o架，知咁多內幕消息同利益衝突，唔奸無可能順利解決到問題。
有得揀o既話〔行精英主義o既香港，睇o黎做精英先會有生存空間。係我睇o黎，平等只算係一個口號……〕，選一個做o野o既奸人，大家 monitor 住佢，有乜唔對路就跳船。係正路丫？

今日再次同 lovely waiting 去左一次 wedding exhibition。不過今次去就真係明正言順，而且目標亦都好明確！就係要去度 budget。

會場係係九龍灣，比起上一次真係小型好多，而且人流亦都無咁多。不過某o的展商同樣地比較不禮貌，就係度所見，都係台灣同大陸既比較差。就係呢個因素就足以唔想揀佢地。係會場入面，比較有好感既係 Joseph photo, 同一o的場地 decoration 既 counters，好可惜既係見唔到去關島影相既報價灘位，不過我翻到屋企上網都做到資料搜集，有一o的 airline holiday 有提供呢種 tour比專去影pre-wedding 相既 couple，所以都唔係幾大問題。但係最大問題係 lovely waiting ban 左我話 ceremony 要用鮮花呢個提議囉！咁我諗住要係草地攪 ceremony ，無鮮花點做到有味有畫有聲呢種感覺呢。

翻到屋企再 update 埋個 budget，send 埋俾 lovely waiting 參考，之前話唔駛 $80萬做準備，但係我諗唔到可以邊度 save 到o的錢出黎喇……