好耐都無寫野係度喇。
　不過都係迫於無奈架，因為我o的生活真係非常之充實，我都未試過可以係呢個禮拜度預計到下一個禮拜所有既時間安排會係點，每一刻都會諗有無咩野做漏，正所謂「人人有頹法」，我要慢慢開始脫離硬膠筷子之列。不過有一點仲係未改善到既，就係我又係度怨，一定要改左呢種壞習慣先得，以後做野一切都要處之泰然，要俾人既 image 係做得大事既人！唔打得都要睇得ma。
　我已經成個星期無上過大堂，又無做過任何功課喇，不過我係全心全意放係個莊度架，我好希望我呢支莊可以做得更好，識到一班有心既朋友，但係我始終覺得我地仲未係好熟，可能相處時間少喇，而且一見面就係講莊務，我覺得我地除左做野之外，其實可以有更多話題的。今日成個人都變得好鬼”支力”，有時間都係去左訓覺，最弊係今日一上架 59x 番屋企，就當堂昏迷，訓左個幾兩個鐘，訓到成手都係口水…連屯門公路塞哂車都唔知tim，不過我知道呢一種生活先至係似一個 businessman ，遇到的問題真係唔係上堂讀書可以感受到既，可惜我仲未做到最好，好多 organise 的工作仲未清晰，contact 人o個時又側重左去一邊，要努力o的去做得更 balance ，圖書館應該會有o的相關既書可以參考下。
　聽日應該會有 soc. 房既鎖匙喇！睇黎以後我都反鎖自己係個房入面做自閉仔，過o的天氛地暗既溫書生活，因為我既新目標係要搏到盡入大四。
　今日仲收到阿姨俾我既大型海報，聽日 soc. 房就會有野玩lu~ wahahahaha~
　有句野要 remind 一下自己：「請保持笑容，無論你開心定唔開心既時候，無論你好”支力”定唔”支力”既時候，都要保持笑容，唔好成隻喪屍咁，猛口猛面、流哂口水【對某一種人而言only】，攪到人人都唔敢接近你，仲嚇走哂o的人tim…其實其他人都無乜野，唔好諗咁多，懶係小心咁，咁樣做只係會攪到動作遲鈍，神情呆滯…」

一定要讀好o的書…
因為 PricewaterhouseCoopers 真係好正…

有番個目標，個人都充滿幹勁。

　有間 Soc. 房，歸屬感大o左好多，攪到而家成日都心思思返學，因為 Soc. 房有o的人流，唔駛成日屈o係屋企執行火星人探索計劃。
　人o地話：「放工返到屋企，伸個懶腰，成個人都鬆哂。」
　我話：「返學去到 Soc. 房，棟直對腳，成個人都爽哂。」XDDD

　我要 promise 自己，將 soc. 房變成一個我創作o既園地，你o地知唔知呀？我中六o個時個個禮拜都有去學校圖書館睇「雅舍」，o個陣時不知幾想有個地方俾我玩埋室內設計，利用一下 soc. 房o既資源玩下o野，一樂也~

　o尋日玩o野o係 soc. 房掛左張咒怨輪迴o既大海報，不過無人識欣賞，最後都係拎o左番房企，放o左係床尾，好o野都係自己收埋慢慢睇。 (^++++^ )