今日一起身發覺有o的唔妥，我諗應該係o尋日曬得厲害得濟lu…攪到好似有o的感冒咁。不過我呢個病君都已經無有怕lu，經常都係咁：「一放假就會病」，甚至而家都可以唔駛點樣睇醫生都已經知自己有o的咩o野病，到o左一發覺自己成身骨痛就知患有外感呢個神秘境界。
　訓醒o左就即刻出門口返田家炳幫手，因為小蓉話佢要幫學校整中文科教材，有o的印刷排版o個o野唔多明白，要我幫一幫手咁話，既然我考完試到而家都無所事事，就好爽快咁應承o左lu。
　返到去就同小蓉食 lunch ，傾下傾下先知原來佢又係 Miss Fung 叫佢幫手返學校做o野，又係有錢收o個隻，真係爽呀，無端端有暑假o既洗用，不知幾開心呀。我好佩服佢呀，因為佢申請o左遲o的去北京實習普通話，俾著我一定唔敢做，唔知點解，會好抗拒囉。
　小蓉人真係唔錯，好識得為人著想，做朋友一流。
　返到田家炳，我讀o左三年都係第一次入去o個間教職員室咋，入面無我想像中咁嚴肅，個個 Miss 阿 Sir 都好 nice ，如果我將來做o野都係o係呢個環境工作就非常好喇。
　係入面一教就教o左兩個幾鐘，整o個本書仔都唔係好難o即，複雜o既封面 design 都唔需要，剩係用 Microsoft Word 都已經夠用，不過 Word 入面o的 function 原來我都唔係太熟，自己都係摸摸下先開始掌握到。不過教到佢明我都已經非常滿足。
　返到屋企就繼續開波整o個個 ACIS Website 。順便仲要寫埋份 resume 寄去o的公司 apply for summer job，睇到自己 semester 1 o的成績就唔開胃，都唔知好唔好寫埋落去 resume 度好…寫o左落去似乎弊多於利bor…
　份 summer job 多少人工都無所謂lu，只要兩個月內可以搵夠錢住 hall 同埋學到一o的辦公室文化就已經足夠。

　睇o黎我好快就變身成功，變成黑人阿程，愈o黎愈黑…愈o黎愈黑…充滿陽光氣息呀！好似林心如話齋：「我要同吳剛玩遊戲~~」
　o尋日都唔知發咩搵，攪到成五點半都未訓覺，沖完涼出o黎就已經天光喇，我都知o架喇，雖然呢幾日我都得閒無o野做就係屋企同阿爸阿媽”申”由屯門搭車返學好遠呀，最憎o個條屯門公路，成日塞車，都係唔得喇，都係住 hall 好【到重點喇 ^^】。不過佢地學精o左，無反應，唔 show 我。 (▔. ▔;) 無計喇…鬼叫自己個 record 差咩，屋企有人看住都可以唔駛訓，一條友 on 居居對住部電腦等天光，又成日唔食o野，唔飲水。睇o黎我要住 hall 真係困難重重。
　五點半六點開始訓，但係我又較o左鬧鐘八點半起身睇 NBA 呀，訓左兩個鐘就睇波就係唔係好掂，所以睇到十點幾就頂唔順再訓過lu…再訓就訓到十二點，唉，約左人今日返去 BU 打波，又要急急腳執野出門口，飯都無食就去o左九龍仔打波喇。
　今日陳壞人約左唔少大隻佬o黎，個個都有番咁上下料到，打得都好開心呀！不過一點鐘打波真係唔o岩時間，曬到丫，打一陣就要叫救命咁濟，不過我諗番起以前中五o個時，小小既太陽，微弱o既陽光又點可以將我擊倒！鬥o左場三打三之後，我就 hide o係一邊係咁練射波喇，點解要咁練？因為屎波囉，係完全接受唔到o個隻，單練o左個幾鐘，終於有番o的成績，到再三打三時，都可以射得兩野，不過距離我完美o既狀態仲差好遠呀，首先隻腳又唔夠力，mark 唔到人，jump shoot 又唔夠高，騰空時間太短瞄唔到籃喇，first step 唔夠快，最弊係唔夠氣，可能之前唔夠訓攪到咁，真食屎…
　曬到我返到屋企先發覺成身都黑哂，如果打多幾次呢o的波，曬多幾次，就會變成炭精阿程lu，愈o黎愈黑，愈o黎愈瘦，哈哈~

　真係好 Q 佩服自己，成日專門搵o的o野o黎挑戰自己。
　今日開波整埋 ACIS 網站o既第三份二o個 part ，開始之前就羅起簿同筆度下個網站o的資料先啦。

　首先，諗下網站o既對象同埋形象，因為 ACIS 第二部份係專 for 番莊員自己o既，所以呢，形象可以親民o的，講o野o個 tone 可以 informal ，即係玩味十足ga la~ 另外我亦都諗過個權限問題，因為 n@board 可以 set o個個網站o既權限，所以我諗呢一 part 係唔會對外開放 lu~ 全部都 set 到 high 權限先俾入去睇內容，即係只有莊員先睇得。
　之後我就開始諗網站o既內容，個架構諗左無耐就分左 5 個 categories ，再細分 total 8 個 items.
　到構思o既最後一部份，就係最重要o既 layout 喇，畫上面o個個 draft 足足用o左三四個鐘o架~ 度o個o的 size 、 編o個o的位置安排都要做到一絲不苟。

　今日就係攪上面o個o的o野就攪到 PM 11:30 lu…
　而家先可以正式開工！