放榜日
放榜日係永遠都唔會開心o既，即使已經係上年o既事，但係今日係每一個朋友都憂愁o既日子。
一訓醒就好想打電話問o下人田家炳o既成績考成點？問番o的今年 repeat o既同學考成點，聽講話都係考得麻麻，唔，又係放榜，最討厭放榜，討厭一個主宰一切o既遊戲，討厭一個影響一生o既抽籤。
唔鐘意俾人話我上o左岸就講風涼話，我都係一個放榜失敗者，我都係曾經被上帝忽略過o既落籤者，放榜都曾經對我造成永不磨滅o既傷痕。
二千年中文科考題「旅遊迷途記」、二零零三年中化科口語考題「你遺失了友人的手提電話，請當面向他道歉。」「中國人無論紅事白事都喜歡吃，請以一樣東西代替之。」
以上就係我o既傷痕，我之後並無做過任何重新翻查資料o既工作，因為以上o既題目已經伴隨住我多個晚上了，每一隻字都無忘記過。
我唔能夠忘記當日我出o左 cert 之後走走踢踢，為前途奔喪；我唔能夠忘記當日晚上我九時許就上床，抱住張被流下十年都未出現過o既男兒淚，一直到天光。
我經常都記住自己失敗o既經驗，所以我都講我絕對係一個悲觀o既人。但係如果唔記住自己o既失敗，又點樣從失敗中得到教訓？又如何從失敗中獲得啟迪？我無時無刻都希望自己做得更好，做一個更好o既人，我並唔係信口開河的，無人教過我可以點做，我只有在每一個晚上都自我反思，所以我好容易失眠，o尋晚，我又訓唔著lu。
Be a Better Man, guys~
