我而家o係 BU 呀，對住部電腦，就忽然諗起好唔好o係其他地方寫o下日記咁呢？都廢事諗咁多之下就即刻寫o係o野上o黎。

　今朝都係失敗o左，做唔到第一個入去長沙灣政府合署o個個人，不過都盡o左力喇，晨咁早就起o左身，八點幾就出門口，只不過屯門公路、同埋葵涌o個度塞o左一塞車，攪到我遲左幾個字先到，真係完全估唔到咁早都有咁多人，無喇喇咁就 waste o左成兩個鐘等 confirm o的 grant loan form ，好無聊呀，咁就十一點。

　用o左九個字行o左一陣，由長沙灣行到去太子o即，係喇，之前話過要搵加德士加油站食 lunch o架嘛，o係太子逛o左一陣就搵到架 17m 小巴踩上九龍城 St. Teresa Hospital ，對呢個地方好陌生。 　喂~ 殺無耳，原來o個度真係有個令女o架，聽日我o地約埋又去過囉~ 哈哈哈~ 弊…好似講錯o野添…

　加德士加油站扮哂忙咁，我偷睇過佢三次做o野都係行行企企，好明顯呢份係優差o黎喇，一係佢就成日偷懶。今次我衰o左一早打o左電話俾佢約左佢食飯，攪到佢有哂防備，我要搵日神不知鬼不覺咁偷影o的罪證俾大家睇o下佢有幾識偷懶先得。哈哈哈~~

　跟住就搭架 25m 返 BU 幫 Oboe 攪佢網站o的o野，不過就偷o左o的時間出o黎o係呢度打字，哈哈~

　翻到屋企再補番之後o的o野喇。因為o尋晚又眼光光到天光，係咁不停諗o野，真係諗o左好多好多o野，有排寫。搭巴士整理o下o的資料就寫出o黎，我諗會長過前日o個篇o野囉。

　好喇，而家呢o的都係o係屋企寫o架。估唔到 Oboe o個網咁快攪掂，五分鐘都唔駛就攪好。之後去o左 soc. rm 執o左o的手尾，然後就上o左七樓，上七樓做咩？入定水以備賤行。係喇，之前行o左九個字之後意猶未盡，又想行過，今次既目的地係旺角新世界，決定由九龍塘浸會大學行去旺角。耳朵載住耳塞聽住「快樂時代」，手腳學哂吳日言既 MV 咁行到彈o下彈o下，幾好 feel 。由九龍塘開始，途經又一城、城市大學、藍山村、石峽尾、行落深水"土步"，去到欽州街，就除o左個眼鏡行，好想試o下究竟香港對o的失明人士既照顧去到邊度，我帶住五百幾六百度既近視行出長沙灣道，真係伸手不見五指，哈哈哈~

　不過行行下發覺有o的唔對路，點解好似似曾相識咁o既，我堅決唔載翻個眼鏡，不過再行多陣終於知道發生咩事…我行錯左方向，本來係o係深水步黃金附近架嘛，而家我就處於今朝去過既長沙灣政府合署，my god… 哼！賤行者偏偏就係咁賤架喇，去唔到旺角咪去美孚！驚行得死我呀？一腔熱血衝昏頭腦，就開始左今日漫長既旅程，長沙灣、寧靜閣、荔枝角，今日點解咁熱架…曬到黑哂，去到荔枝角尾，終於俾我遙望到美孚喇，好想休息o下，好熱。點解要叫賤行呢？因為我一直都係沿住長沙灣道行，沿途都有好多 59X 既巴士站，而我行緊既時候，o的 59X 亦都o係我身邊經過，咁車錢呢？一樣…無論係旺角上車、抑或美孚，都係收港幣十個二，夠唔夠賤？哈~

　無喇喇咁就行左兩個幾鐘，咁就四點幾，入到美孚新村，好威咁唔去 7-11 、百佳買野飲，行到山卡啦咁遠既 welcome 買，十蚊三支 first choice果汁，好難飲…especially 提子汁同埋橙汁…

　上到車又訓到死左。

　賤行好爽。行到散哂，我唔信今晚會訓唔著！

　尋晚諗o左好多o野，不過唔想公開 lu ，決定 save as private ，你o地睇唔到o架喇，我諗今日打o左o既字有前日既 double。

This entry was posted on Tuesday, July 13th, 2004 at 8:39 pm and is filed under Life whereas tagged with nothing. You can follow any responses to this entry through the RSS 2.0 feed. You can leave a response, or trackback from your own site.