今日真係超無奈，因為聽日要開會，而下午又要跟奧寶車幫佢搬Hall喎，咁咪諗住今晚留o係 hall 度宿一宵，一嘗宿舍既生活，點知在勁失望之下，漏夜敗走回家！
　今日一訓醒就跟埋阿森去同 兩個中學同學 【阿森約既，又點會係男仔呀？】去食 lunch ，因為之後都要同阿森跟奧寶車搬野入 hall 呀，就咁去左市中心食大姆指，廖燕X【我唔鐘意響人全朵架喎~ wahahaha~】唔通只係見過雞翼一次就俾佢傳染左o的禽流感!? 叫野食叫得咁奇特o既…「唔該要個基扒烏冬丫~ 」我因為坐o係最出面，就即刻留意到個男 waiter 頓然變得神情嚴肅，面旁滴汗，裝作慢調斯理咁翻閱張餐牌，聚清匯神咁【我諗應該可以話若有所思咁】注視餐牌中既每一隻字。我好同情佢，我明白佢，我理解佢既感受：「o下!!?? 乜有個咁既扒既咩？我黎左呢度都唔夠三日，我唔想咁快俾人炒呀，我屋企仲有一家大細要養，屋企仲有四個妹等緊我今個月份糧開學架~~~~ 點解會咁架，呢隻係咩扒黎架~~~ 唔通美國o個邊o岩o岩科研左新既基因改造扒？無奶油架，尋晚我先同o個邊既扒王o爹完o黎，同條粉腸咁熟佢唔同我講出左隻咁既新扒咁大獲？呢次 人卜彳圭亍 喇…」X燕霖，你唔應該咁做，你知唔知你呢一句話會令一個大好青年既前途毀於一旦架，我諗咩，原來阿森早已一清二楚，我諗佢都好同情呢個 waiter ，就好大膽咁破壞左廖X霖既計劃：「其實呢塊只係一塊普通既雞扒。」睇見個 waiter 即刻鬆一口氣之後，滿心歡喜咁準備餐具既時候，我同阿森都對望而笑。及後我只係say 個 hi 叫佢幫個忙拎一拎樽 honey 黎，佢就成支箭咁 bill 去拎，我欣賞佢！佢呢種有恩必報既行為好值得我地學習，我會記得你架，靚仔 waiter 哥哥【縱觀全場最靚仔o既 waiter 係佢架喇。】~~~
　之後熱到丫，今日都唔知咩天氣黎，又濕又熱，奧寶搬好野落樓之後，我就即刻彈番屋企【Nike 廣告話彈係快過行既~ 】執埋o的輕騎野跟佢車喇，只不過係順手執埋個鬧鐘o即，你地班人駛唔駛話我可愛呀…可愛呢個 term 真係可圈可點呀o下~~ 拎到成身濕哂，又up又臭，真係難頂到極，就o係 hall 沖個涼喇，好正呀，個花曬，開盡水喉完全可以 feel 到佢既壓力，今日最 like 呢個花曬！
　佢地走哂 lu ，一個人留o係 hall 度，好 free ，但係又唔知做咩好，唔係既，咁多 facilities ，點都會有一樣o岩我玩o既…坐o係張床度…好熱…開下部冷氣先…咦？我張學生證呢？係喎，俾左宿生堂攪 check in o的o野，咁一陣先去拎番再開冷氣喇。唔掂…愈坐愈熱，又無野好做，無人講野，好悶添。好彩呢個時候奧寶整個還魂 call 黎，跟住就同佢去左食日本野，我非常之珍惜呢個可以講野既時刻，勁講野…之後，我唔想一條友就咁上房對住四面牆過埋呢幾個鐘先訓覺…我諗可以去 CC 玩下 ICQ 玩到半晚兩點先訓覺o既~ 就跟埋佢去左 R7 ITSC 玩電腦，就o係我o岩o岩開左 ICQ2Go 既時候，個巴基難坦籍實Q 同我地講：「你地好執野喇，今晚呢度九點鐘就關門，聽晚先至係兩點鐘架。」無奈， really 好無奈，算喇，天涯何處無電腦，實Q叔叔你玩得死我咩？就算無電腦又如何~~ 之後要同奧寶分道揚bill 喇，因為佢要返佢間房抹野同執野入櫃。
　我去番 hall can 問拎得番張學生證未，不過佢同我講：「未呀…o個邊做緊野架喇，不過睇黎仲有好多張卡要攪，我諗你要聽日先拎到喇。」弊…
　一支公去左一樓既電腦室，死心不息咁要開番個 ICQ2Go 向個實Q叔叔示威，不過真係PK… 呢o的究竟係咪電腦黎架？以我一個咁好老脾既人黎講，都要頂唔順發脾四，關機走人。算囉~ 唔玩電腦你估我會死咩~~ 行去電視房諗住睇電視，開左個電視諗住o禁下台唔睇有線電影台精裝追女仔既時候，個 remote control 原來 short 既…無奈，行左幾個圈，全部野都無人玩o既，就上番房諗住聽下歌，睇下之前拎既宣傳單張咁等訓覺，唔掂好熱…唉…跟住就執好野行出出面既 common room 睇下電視雜誌同埋睇下同層會唔會有人黎講下野咁喇，無架，就咁一個霸左成間 common room 成個鐘，入面燈火通明，我 shut the door ，o係入面望住個電視睇皆大歡喜。我好想形容下呢個環境，一見呢個環境我就諗起周星星o個套叫回魂夜既戲，戲中講周星星o係個痴線佬，被困青山醫院。我既分身好似出左呢間 common room 咁，由門出面唯一既玻璃位望番入去：「點解有個傻佬困o係間房出面望住個電視呆坐o既？哇~ 仲坐左成個鐘都無變個個動作添喎，佢會唔會突然間彈埋度門樹嘩嘩聲咁嚇我架！？」諗起入面既經曲對白：「大佬呀，唔該你唔好痴線喇。」當家燕姐又唱佢既片尾曲既時候，我唔掂喇，我頂唔順喇，我要離開呢個地獄，無電腦，無所謂，無人，無所謂，無冷氣，我真係頂唔順~
　結果我就係咁敗走回家，歸家寫呢篇野，回家的感覺真好。

無論大人定細路，在夏天都很難抗拒雪糕的誘惑。當雪糕製造商絞盡腦汁發掘新口味吸引你的同時，原來不同的雪糕口味能測出你的性格，只要憑直覺選出你喜歡的味道，就知道你的性格特徵了。

你最喜歡哪一種雪糕味道？
1. 雲呢拿味
2. 士多啤梨味
3. 綠茶味
4. 芝麻味

[#M_ 選好了嗎？選好就按下吧！| 收埋佢喇。 |
雲呢拿味　性格樂觀
想法樂觀、正面，擁有遠大理想，對自己寄予很高的期望，並且完全相信「一分耕耘，一分收穫。」所以不停鞭策自己，認為自己最終可以達成目標，出人頭地。擇偶審慎，亦只會和結婚對象談戀愛，不會浪費時間在一些曖昧關係、霧水情緣。理財方面十分有計畫，有儲蓄的習慣。

士多啤梨味　為人率直
你個性率直、樂於助人，一旦認為正確便會堅持到底，甚受朋友擁戴。為人十分慷慨，故此很少積蓄。遇到難題時，你會找朋友分憂，又喜歡自己解決，令人感到你難以觸摸。感情方面，每每對於過去的戀情放不低，因而錯過眼前人。

綠茶味　好勝心強
凡事講求條理分明，有條不紊，做事細心，不會忽略任何細節。好勝心強，所以喜歡刺激、競爭激烈的運動，總想和別人一較高下。有領導才能，在工作方面追求權力，亦富有正義感，公私分明，受到下屬尊敬。不過在愛侶面前仍抱批判的性格，不夠體貼。

芝麻味　內心脆弱
性格急進，給人一種粗枝大葉的感覺。有決斷力，工作效率高，受到老闆賞識。雖然工作表現優越，但感情方面則較脆弱，不善表達自己的想法，常常感到受委屈。渴望伴侶的關懷及愛護，要求另一半比自己有更成功的事業。理財方面有長遠計畫，會作適量的投資。 [#M_ 我揀o左邊個？咁八卦o架你~ | 收埋佢喇~ |
我揀o左雲呢拿味：
「一分耕耘，一分收穫。」所以不停鞭策自己；擇偶審慎，亦只會和結婚對象談戀愛。 :P

有些人食雪糕除了要揀味道之外，更要伴上多種不同的食品才高興，其實這正是你性格的反映，到底你又喜歡伴上甚麼呢？

1. 伴朱古力
2. 伴脆筒

[#M_ 好喇，又睇睇佢點講~ | 收埋佢喇。|
伴朱古力　喜歡熱鬧
口才了得，受到異性的愛戴，亦常常成為人群中的主角。不過一旦遇到心儀的異性，會展開熱烈追求，並且十分專一。害怕刻板的生活，喜歡熱鬧，所以循規蹈矩的日子很快會讓你感到厭倦，熱切尋求突破。懂得生活上的小情趣，是一位體貼的情人。理財方面，因喜歡享樂，所以較少積蓄。

伴脆筒　佔有慾強
害怕寂寞，喜歡與朋友一起，但同時很容易墮入情網，每當談戀愛時，就會「重色輕友」。妒忌心重、佔有慾強，但其實對愛侶十分體貼、細心、愛護有加，令他/她對你又愛又恨。理財方面十分保守，穩妥是第一原則，不會冒險投機。 [#M_ 我揀o左o的咩？| 收埋佢喇~ |
今次我揀o左伴脆筒：
「重色輕友」… =.=;
講下你揀o左o的咩丫~

[##_1C|664173.jpg|width=286 height=425| _##]　熙o個然無介紹錯， The Girl Next Door 果然係一套好戲o黎，雖然有唔少意識不良o既鏡頭，但係而家真係好少有戲係完全估唔到個結局o架喇， The Girl Next Door 好o野！俾個 Good 你~~

你最近做過最大膽既事係咩呢？
　唔…係喎…我都唔知自己最近【或者可以講係生平】做過最大膽既事係咩呢？成世都無行差踏錯咁，係好事定係壞事？總之，我會做自己認為正確o既事就得喇。