庇護 + 開會
今日都無咩好做，原本今朝十點幾約埋婉婉去旺角簽約，不過因為合約內容要修訂，所以最終要延期，其實我應該要多謝呢次延期，因為尋晚行山行到成半晚三點咁濟，四點幾先訓，十點出到旺角好似無咩可能囉，我實遲到，以後應承人既野要小心衡量一下自己既能力先得。
其實無論今日簽唔簽約我都已經決定左要返浸會坐下架喇，因為仲有唔少 sponsor 既野要幫手，出得一分力就出多一分力喇。好唔想自己懶起上黎，今日真係熱到死咁濟，返到 soc. 房就不停涼冷氣喇，之後諗住上七樓 Computer Center 玩下電腦，寫下日記咁，點知又因為 freshmen 既 workshop 俾人 book 哂o的房，好無奈之下行番轉頭，無端端擰轉頭就見到 Rosina ，乜咁o岩呀~
返到 Soc. 房見無咩好做，就開始做庇護喇，入哂o的 coupons 落個 files 度，之後婉婉都返左黎lu~ 因為佢要陪阿行今晚七點開 O'night 既會呀。
其實今日我返去既主要目的係想參與埋呢個 O'night 既會囉~ 我地 O'night 會 joint Computer Association 同埋 Magic Club 三個學會一齊攪，唔知點解呢，開親呢個會都會非常開心囉，每個人提出黎既意見都天馬行空，好好笑好好玩架~ 兩次都係咁，開完個會之後自己就會特別多野講，諗野特別快，心情都會變得特別好囉。非常奇怪。
