好耐都寫野喇，再唔寫雖然唔會好似免費日記咁俾人 cut account ，不過對我呢個咁無記性既白痴黎講，如果唔再寫日記好快就會有一段時間好似失左憶咁架喇。
　呢兩個禮拜就係忙到嘔咁濟，做 project, report, presentation 忙到無晚有覺好訓，樣樣都好想做到最好最好，或者我可能真係責任心太重喇，一答應左既野就算犧牲自己都要做好佢，不過我唔知點解，我覺得自己咁做先會過到自己o個關，人地點做人地既事，我想做到既係當我回顧番一件事時，我要自己係無愧於心囉，但係而家程程大個仔，做野再無咁簡單，我而家既要求係要既無愧於心，亦不會犧牲到自己，因為我覺得自己已經唔再單單屬於自己喇。有好多人都關心緊自己【尤其是 Waiting 喇，其他人見唔到架喇，佢地緊係以為你任性發脾氣，不過如果唔係程程咁唔錫身先，點會有人發脾氣呀，所以佢地見到既係只係程程剩係識得o係度哦哦哦咁俾人鬧。】，我而家要兼顧既唔單止係自己一個人喇。
　好甜好甜，唔會咁好彩唔多食甜品既我都會因為而家咁甜中到家族遺傳性糖尿病呀嘛？突然間好鬼鐘意唐老鴨既o即~ 哈哈~
　仲有十二日就考試喇，考完試仲住唔住宿舍好呢？我唔捨得改變而家既一切添…

　好多野要做添…
　忙足一個禮拜之後，尋日終於頭暈暈咁，一上完堂、傾過 Law 既 term paper 要點攪同埋搬展板上李作權大道做完苦力之後，返到宿舍諗住執野散水都唔夠力喇，二話不說就爬左o係張床度，一訓就訓左兩個幾鐘，好彩期間有幾個電話打黎，如果唔係訓到第二朝都似，番唔到屋企食飯喎~
　唔~ 不過愈訓個頭就愈辛苦，頭昏腦漲應該就係呢隻喇，做左隻機械手臂咁，剩係做到o的 routine 既野。返到屋企即訓，食完飯、執下野上下網之後又訓，今日起身好似好番左o的咁，不過一陣我又要去訓下。
[#M_ more.. | less.. | 　令到 waiting 擔心添… (T.T )

　雖然今個禮拜除左功課之外，都係功課。不過有一件事好重要，就係要結算我個兩星期增磅計劃。
　星期二晚，我倆挽手漫步至阿飯間房結算既期間，我不停係咁呻：「唉…慘喇，邊有可能架，兩個禮拜要重十磅…呢次死得喇…唉…煮飯就煮飯，都要諗定整咩餸架喇，其實重十磅一早已經無乜希望喇，我個目標只係調底到唔好輕過兩個禮拜前既一二七個半jar~ 係喇…唉~ 」”好好人”既 waiting 可能受唔住我煩人既說話喇，俾左個 new offer 我~ 「拿~ 好喇，俾多個機會你，就俾你o係間房入面借 acct 書拎住上磅喇！不過都無用架喇，Tina 唔會借俾你囉，我就一定唔會借俾你架喇，秀嗡就出左去食飯，而阿飯就返左屋企，就算有哂書o係檯面你都借唔到~ haha~」古惑既程程一聽到呢個 offer 就即刻”nur”飯應喇~ XDDD

　結果，我一入到去，見到 Tina ，不過都知 Tina 唔會借書俾我架喇，因為佢同 Waiting 太熟喇，我就一”鼠”閃左去秀嗡間房，上天無遺棄我，哈哈~~ 秀嗡已經返左黎，當然我緊係要趁 Waiting 未黎得及解釋既情況下借左本 intermediate acct 書先喇，之後我都算精靈喇，打左個電話俾阿飯，問阿飯可唔可以借本 acct 書俾我幾分鐘，阿飯認真好人囉，成功拎住左兩本書喇，不過我份人就係咁謹慎同小心架喇，老死都借埋本o岩o岩俾我見到既 principle of acct 書喇，率之最後我好小心咁拎住四本 acct 書上磅， Waiting 好無奈咁望住我，哈哈哈~

　What a terrible 既數字，計返條數係 154lbs ，唔止達標，已經爆哂標添喇~ 耶~~ Give me five, guys~ 終於解決左呢件事喇~~ haha~

　不過之後都要磅一磅返有幾重喇，嘩~ 原來都有 132lbs ，兩個禮拜食野食到重左五磅咁濟，都好犀利喇…
[#M_ more.. | less.. | 　Waiting 真係好人既o即~ XDDDDD

　黎緊既考試，我要做得更好，無乜時間剩了。我唔要次次都係考完試之後先埋怨唔夠時間溫，夠唔夠時間溫都係自己要考慮既因素之一，唔係籍口。

　全新梁汝程出籠~ 有幾 Fresh? 試過就知喇。無花無假，唔係換湯唔換藥架。

　今朝一早八點就起左身，涼風吹拂下既 N924 特別舒服，但係我寂寞難耐，唔想再留o係呢間成個監倉咁既房入面…入面得四面牆，我又只係開左書檯燈，一張床，打開度門就係廁所，又唔想出去搵人傾計喎，去親 common room 就好似趕人走咁，多麼淒冷，好似過緊o的鐵窗生涯咁。尋晚我拎住罐前晚o係九龍城百佳買o既 Coke Light Lemon 對住遙遠既李作權大道不禁唱起詞來。

「春花秋月何時了，往事知多少。
小樓昨夜又東風，故國不堪回首月明中。
雕闌玉砌應猶在，只是朱顏改。
問君能有幾多愁，恰似一江春水向東流。」

唉~

阿森~ 你幾時返黎呀~~~ 我今晚又要對住部電腦lu…