係無得修補？定唔想去修補？我都唔知道喇。

呢幾個禮拜發生左好多事，唔知點解又無乜心機去寫出黎。
今日開始！做我既 2006 全新網站！我要活潑！我要可愛！我要醒目呀！

2005-12-20 同蕉仔去左吳多泰爆房！點知唔識開佢度門，真係要爆房？又俾蕉仔見到我同 lovely waiting 傾電話時個 lum 樣，怕羞死人喇~~

2005-12-21 今朝一早就起左身，聽蕉仔講而試左人生既第一次…飲左支力寶健，去新 can 食早餐等考 AA 時，竟然發覺唔少人都飲禁藥去考試？！ 十五個月紀念日，同 waiting, 阿森, 阿pi 去左飲茶， waiting 極速考完試，我地兩口子就去左又一城行街喇，買左個夫拉圈…haha，諗住呢個就係聖誕禮物黎架喇！最後 join 埋羅細妹就一齊食煎讓三寶就返屋企喇。力寶健…真係令人精神三個鐘，就頹足三日…

2005-12-22 今日我同 waiting 去左尖沙嘴行街街呀~~ waiting 打扮得好好睇 (A.A) 我地去左買衫、係對方面前各自買對方既聖誕禮物，哈哈，夠新穎哩？因為我地太纏綿喇，各自各去買禮物既時間都無添。我收到一個大家都會”啤”一聲既禮物，哈哈。之後我地去左影相，第二年一齊o係呢個地方影相喇！ yeah~! 對比番， waiting 又靚左、程程又醒目左，哈哈~

2005-12-23 今日我同 lovely waiting 一齊返左去 BU 攪 Honour Project 既野，到六點半，佢去左同屋企人食飯，我就去同莊mates gathering 喇~~~ 今次真係多得 Phoebe 先搵得到咁多人同埋有地方去 gathering jar, 地方真係唔錯 bor~ 有間房仔俾我地聽住歌，講大家最幸福既 moment ，haha~ 今日爆得最多料既係~~~~ Rosina~! haha~ 之後我地一齊去左海港城影左相就各自走喇，又係海港城…？

2005-12-24 今日平安夜，我又同 lovely waiting 一早返左去 BU 攪 Honour Project 喇，攪到圖書館關門，我地就去左荃灣睇戲同食飯喇，睇左「四眼雞丁」，我同 waiting 真係覺得呢套戲好好睇，好好笑喎！我最鐘意係…「其實我一直都覺得你好靚~~」跟住一啖錫落去！真係估你唔到！哈哈，之後就返屋企，等今晚一齊再出過去喇。
到差唔多十點幾，我同 lovely waiting 就去到尖沙嘴【又係尖沙嘴…？】 join 埋阿飯、秀嗡、 tina 、Dickson、阿wing、Carmen同埋Carol。我地咁多個去睇尖東既燈飾同埋倒數喇！不過我地掛住去影相，無乜點倒數到添，哈哈，不過都 ok 呀，比想像中少 d 人，好多謝阿飯既聖誕禮物呀，我地仲見到阿 roy 同佢女朋友添，俾 lovely waiting 見到仲唔發番一次威？「你呢排唔得閒打波哩？」 haha~ 真係心靈相通架！我都係諗起呢樣野，不過我唔好意思加把嘴落去之嘛~ haha~ 到差唔多一點鐘，我同 lovely waiting 就要走先喇，因為我地今朝都好早起身，太 tired 唔玩得太夜呀。

2005-12-25 25 號o係屋企過，因為玩左好多日喇~~ 不過夜晚都同熙去左小丸度玩左一晚通宵！呢一晚通宵發生既事…嘿嘿…

2005-12-26 訓到好 late 先起身，hae 左一日。

2005-12-27 今日都 hae 緊，夜晚同芳姨、姨丈、表妹同細妹去阿姨度睇 Harry Potter ，入面有一幕講請人去晚會…覺得好好笑，同感覺好親切，哈哈。

2005-12-28 諗住今日可以返去搵 raymond ，點知佢咁 late 先 reply 我話佢今日成日都o係 bu ，玩我麼？

2005-12-29 無喇，搵唔到 raymond ，都要返去 bu 搵下資料既，同 lovely waiting 返左去，我終於定好個題目。之後同 waiting 去左銅鑼灣食印尼下午茶同去左阿貓地灘玩貓貓！好㊣，之後拎埋飛我地就歸家了。

Take the Online Dating Profile Quiz at Dating Diversions

　無報到 KPMG 返大陸既 intern ，本來好想報，因為就算黎緊呢年無 big4 都好，展轉一年之後，再報時都會好睇好多。但係有兩個原因支持我唔去報：一，主要原因佢話做左要 defer 個學位；二，一月二日就要開工，一月三日我唔去得…同埋…咁樣我就要遲一個月先開學，我想珍惜見面既時間。
　立定決心決定左，但係之後聽番黎既結果係…一，defer 學位變 delay 學位；二，原來差唔多 apply 親既都有得上去做。
　聽完突然間好失望，點解我決定既野都無次可以唔後悔既呢？我既心理真係好弱，弱係因為無人 appreciate 過我【一間又一間連 further 既 consideration 都無，係會令人發瘋既】，攪到我都唔輕易 appreciate 人，因為一直都 look down upon myself, 覺得自己無資格去評論人地。
　o個日刻意唔諗，走去溫書，第二朝起身仲係耿耿於懷，始終有心事唔講出黎唔好，各自各做野時就同阿媽講兩句，將事情始末交代一次後，先發覺搵錯對象傾訴，當堂俾人大罵一頓，佢讀得書少，但係佢明白我。「你成日都係咁架喎？決定左既野又要後悔，諗都識諗喇，又話自己間大學唔出名，而家有機會報名入大公司做野你又唔去報，你究竟想點o即？你成世人都係咁架喇，優柔寡斷，咩都決定唔到架喎！………」鬧得好，我就係想俾人鬧下，等我知自己一直以黎都係咁失敗，咩都決定唔到。同意佢既說話，一直以黎我意識到自己呢個缺點，但係就唔肯去面對現實，當聽完之後，我好燥，因為佢真係不留情面咁數我，但係一方面我又找到共鳴，原來真係有人咁覺得。
　好無心情，要改呢種習慣唔係一朝一夕既事，我改唔改到？一路行去輕鐵站去自修室溫書，我就得出兩個目標要達成。我要我既性格裡面有 decisive 同埋 driven 呢兩種特質。
[##_1L|304968.jpg|width="300"|阿程：「各位！跟住我後面！大家一齊努力呀！」
程程眾：「係！！」 _##]　去到自修室溫 FM，灰灰地但係心中有火，溫起上黎特別快，集中對我溫書黎講好重要。但係就係因為心中有火，我就同 lovely waiting argue ，我覺得自己今日俾人鬧夠喇，所以對其他既意見入唔到耳，就係咁，一個惡性循環出現，我將梁家無賴式既抱怨同漫罵表達哂出黎，而受害者就係 lovely waiting ，佢自己都有好多野好緊急要做，我知道佢有好多野覺得同我講會唔開心而無同我講，所以收埋左。而家無端端受我氣，心情肯定差到漏。我話過唔會鬧人，我咁講係我一直以黎都無鬧過人既，但係人愈大，好似控制唔到自己，胸襟仲好似愈黎愈細，反而肥膏就愈黎愈多，今日細妹問我做咩塊面圓左咁多？！唔知係肥定係腫喇…總之我係一個違背諾言出爾反爾既臭男人。首先而家信用破產係要受下，遲o的睇黎仲要錢債破產添。哈哈~~
　經過一輪理性既討論【waiting 好理性，but I am not…】，我仲要做到 tough 同埋 care 。
　Wow… 人無完人嗎？not probably. 對自己要求要再高 d 先得。

[##_1R|086247.gif|width="250" height="200"| _##]　呢幾日計左好多數，但就唔係 fm ，我計下黎緊會唔會仲有好多整網頁錢收到呢？又計到截至考 FM 前，我要科科都 A 我 gpa 先有得過三。而家無野求，要 driven 自己，唯有考好 gpa ，求其搵到間公司就算，因為而家我未夠班！但係唔好睇少我既潛力！假假地，雖然 cheap o的【間中學既網站係咁 show off 】，我而家先承認我間中學出黎既學生唔係垃圾，【我一直認為自己間中學好一般，無咩特別，講出黎都無人知。」有兩個入到 Cambridge 讀數【點解傻佬余教數，會教到有人入 Cambridge? 百思不得其解！】，年年出五 A 六 A ，有時仲有九 A 有八 A 。同一個”檔口”出既都唔係太差既，我相信。