要研究下 “Bible” 先得。
要學下唔好誤導人呀~~~ hehehe~

　今日，終於發揮到自己o既”才華”，教o左人好多連自己都唔知o岩唔o岩既o野。不過呢o的o野，唔值得去教。
　今日阿媽o既心情異常地差。全屋實施戒嚴，個個嚴守崗位，有咩風吹草動就係咁大~ 就係頭先之嘛，細妹就o係咁易入 kitchen get some water to drink ，就無端端中o左彈，俾阿媽 AK-47 係咁掃，醒目人都知呢個緊要關頭唔可以還擊，咁樣先可以仲有命行番去自己間房。我老爸呢o的死慣o既御前帶刀死士今次學精o左，放工返到o黎一句o野都無講過，最起碼講少句可以保命先，好過食無命丹。

　唔知你睇o左新聞未。呢次弊喇！紅火蟻去到西鐵喇~~~!!! 就o黎o黎到屯門西鐵站，跟住就上輕鐵，去到兆禧站落車，行過條天橋，就爬上o黎十八樓o架喇~~~!!!!!! 好驚佢o地爬上o黎我張床咬我隻腳添。起乜鬼西鐵呢，又浪費錢、又擾民、配套又唔夠、車費又貴、又唔方便喎，而家仲運埋o的紅火蟻o黎我屋企！真係頂你個肺。

　今朝七點四十五分就起o左身，諗住沖涼洗頭【而家要朝朝沖涼洗頭o架喇~ 哈哈~ 點解？要乾淨丫嘛。】，點知望住個鐘計計o下條數好似唔夠時間咁，今日又係一日好開心o既約 Waiting 一齊返學日，所以只係開o左爐刷完牙之後洗頭算。十分大意，洗個頭洗到條衫都濕哂，赤裸半身行番出去廳諗住拎番件衫入去洗水間度換，出去個陣時，見到塊鏡。自言自語。
　「咦？係大隻o左o的喎，不枉我呢排極食o野，呢次仲唔肥仔？ 哈哈哈~~~」
　自嗚得意一排之後，差o的唔記得自己趕時間，執o下呢樣執o下o個樣就出門口，急步走去 Butterfly Estate 個 59m 巴士站等 BUS 。點知奔跑上橋時見到架巴士咁o岩離我而去，無奈至極。唯有企o係度等下一架喇，等緊o既期間，見到隔o黎有兩個肥矮師奶化妝化到好恐怖，去到化境，屋村o即…唔駛咁呀嘛？所以我平時有三百六十度o既視野o係呢個時候總有三十度係無o左o既。
　去到荃灣同 Lovely Waiting 一齊返學，十點半去到 LT3 上堂，呢堂 RP 講o既係性與基督教o既價值，其實呢科我無 add ，我齋 sit ，不過呢個 lecturer 係個乜 (Mac) 人，乜人用乜機，同我一樣，頭頂仲有條天線可以同我搭通天地線添，講野無厘頭，有格，乜人！掂呀你~~! 所以上硬你o既堂呀！……不過叫我考你試就死緊。

　之後直落上 Inter. Acct. Tutorial, Cost Acct. Tutorial ，同 Lovely Waiting and 阿飯去食台灣o野，食完就上o左佢地個 hall 度 hae~ hae 完就去o左上 Davy o既 Company Law 堂~ 呢堂眼訓到死，又聽得唔係好明。

　上完就即刻散水，同 Lovely Waiting, Wing, BananaSon 行到去九龍塘地鐵站，同 BananaSon 係太子分手，再同 Lovely Waiting 去到荃灣，一個人去等車，放工時間，等o左兩架車先有得上，o係架車度，食o左個菠蘿包同埋飲o左包朱古力奶之後就訓覺，一訓就訓到落車，接到 Lovely Waiting o個電話開心o左十幾分鐘，番到屋企時食o左一大碗飯，就埋去電腦度lu，期間俾我發現o左阿行整o左個 Xanga ，好！我會日日都去偷睇o架喇~ XDDD