TIRED
‧星期二 Waiting 病o左請o左假o係 hall 訓o左成日，最衰我要早走…
o個堂 R.P. 真係谷鬼氣，兩個鐘o既堂，諗住半個鐘就走得o架喇，分組之嘛。點知分組都可以分成個半鐘，又話要咩自由、公平咁，吹漲~~! 我呢o的經商o既，無你諗得咁複雜，我剩係講效率o既o即。First come first serve, seller's preference, owner's decision… 大把呢o的 skills 俾你揀喇，又要玩咩投票之後睇o下有無人反對咁，都痴孖筋o既，幾十人玩乜鬼投票呀？阻住哂我o的時間，雖則話我無李嘉誠咁把炮，一秒鐘就賺到 $5000 ，跌o左錢都唔會執，執一執，彎一彎腰就無o左幾萬銀，但係我o的時間係無價o架喎，阻住哂我趕去睇 Waiting ，俾個「食」字你。
‧星期三又要怒上六個鐘，之後去o左接 Waiting ，俾我o係 St. Teresa Hospital 見到大佬曾，小學同中學o既同學，好耐無見佢喇，不過以前一直都係無咩兩句，但係都傾o左唔少o野。原來佢要入院…話心臟有o的事喎，希望佢早日康復喇。
之後我o地食o左o的o野之後，我無 join 秀嗡, Tina, 飯, 行, Waiting 佢o地食晚飯就搭車返屋企喇，好唔開心添，愈黎愈掛住住 hall 時o既生活。o個陣時好想同佢o地一齊食o野、吹水同玩o下咁，不過我住得咁遠，唉，放棄吧，梁汝程，返屋企食埋你o的屋企o既冷飯菜汁喇，不過o的冷飯菜汁都係自己羅o黎o既，有新鮮時早又唔返去，其實屋企飯係好食好多，健康好多，屋企人食飯之前仲要留飯俾我，而家我仲要要求o的咩？做人唔可以咁貪心，要記住知足常樂。但係而家無o左以前可以嘻嘻哈哈時o個種開心，總有o的覺得可惜。不過都係o個句喇，有得必有失。
呢個禮拜一o的都唔睇少得，要做哂所有 subject o既要求果然係一o的都唔易，好”支力”，”支力”成點？可以從我呢兩日發生o既事件中睇得出o黎。
事件一：尋日由九龍城搭車去荃灣轉車時，路經地鐵站旁遊人如鯽o既通道，神不守舍下踩o左o的唔知咩o野，滑潺潺一舊咁都唔知係乜o黎，單腳腳跟就咁踩住呢舊o野滑行了五秒之久，係我差唔多要仆之際，本能下雙手揮動以保持平衡，終至不落於尷尬之境，但係我都係唔理三七二十一，頭都無擰轉、鞋都無檢查就急急腳繼續向前行走，費事俾人發現我咁肉酸喇。玩溜冰咁，上到第二程巴士時 check o下隻鞋又唔係踩o的好污糟o既o野喎…究竟o個舊係咩o黎o既呢…？總之好彩無仆喇…但係已經見到我當時行路已經唔帶眼喇‥
事件二：今朝搭巴士時，我習慣搭上層o既，因為唔想o係下層同o的企位迫丫嘛，我到站落車o既時候，穿過條樓梯，距離下層仲有三級樓梯時我叉錯腳，又係咁滑行o左三級樓梯，今次真係平衡力再好都無得救，個人已經後傾四十五度，好彩我仲有一隻敏捷o既右手尾指及時挽住扶手，先可以平安著陸，但係隻尾指就整親，指甲都有爆爆地，好痛！又係一次目光呆滯，神情彷彿o既見證。
事件三：頭先上完 PK Fransis o既 Intermediary Accounting o既堂，我成個腦都長哂雜草，二十二歲o既弱智兒童對住o個個 Fransis 愈睇愈唔順眼，閃過一個念頭想打佢幾o野【打到佢好似秀嗡咁爆哂缸】，拆o左佢個台，剪斷佢支咪。睇o黎我個人散到開始發癲喇。
事件四：同 Acct 人o係九龍仔打完波之後，搭巴士返屋企，隻腳o係個幾迫o下o既位度無喇喇抽筋，我又拎住多o野放o係大脾喎，隻腳伸唔直，拉唔到筋，成程車，我都含住眼淚咁安慰我隻可憐又可愛o既左腳：「唔駛驚o架，好快就到o架喇，你要頂住呀，唔好死呀！你仲有咁多o野都未試過？你甘心就咁去o左o架喇？」落車o個一刻，拉一拉就舒服哂，但係行番屋企要”吉”o下”吉”o下先得，大脾筋酸痛。唔夠訓，唔夠力，唔夠精神就唔好做劇烈運動住喇~~! 所以我打o左無耐波就走o左，頂唔順喇。
係喇，上面呢幾件事，我真係咁大個人都無試過/諗過，我知我未試過好似而家咁眼訓囉，唔知點解o架，我諗應該係好掛住 Waiting 掛，因為我呢個學期個 timetable 同佢o既差好遠呀，我又 quit o左 hall 喎，見面突然間少o左好多好多好多，好唔習慣，亦都好唔想習慣，可能成日係咁咁樣讚牛角尖諗計諗辦法，攪到自己失眠，就算早訓同好眼訓都訓唔著，但係由此至終都係諗唔到辦法。
P.S. 蕉仔, 秀嗡, 雞翼呀o下~~ 今日玩我，今日根本就咩事都無發生過，咩左手去用人o地右手o既 mouse 定唔知咩手咩 mouse 咁，你o地唔好攪錯呀，我都不知幾規矩呀~~! 目不斜”邪”視，規行矩步，以禮待人~~無你o地諗得咁邪呀。不過你o地講咩都無用， Waiting 又體諒又聰明，先無你o地咁樣一般見識，哈哈哈~~ 最衰都係呢個無聊o既阿森，連我o地講咩都未知，就o係度煽風點火，驚死個火去得唔夠勁咁，因住太猛火燒親你o個邊呀！哈哈哈~~~ 講笑o即，無乜o野o既，你o地放心去玩喇，我都俾人玩慣o架喇，因為好多無奈o既事總會追住我o黎發生，無奈o既事點都好過不幸o既事o既。哈哈~
January 22nd, 2005 at 1:51 am
廿二歲仔咁快變虧佬???
January 23rd, 2005 at 5:41 pm
咩呀…咩虧佬呀…
大家咁話o即~
係虛o的，仲有得救o架喎…haha~