ILLOGICAL
今朝都無乜事，
但係兩點幾食完個三文治之後，
開始唔係幾舒服。
但係兩點幾食完個三文治之後，
開始唔係幾舒服。
個人好支力，
半邊膀頭好似 move 唔到咁，
行路好似企唔穩咁，
前面好似搖黎搖去咁，
又熱又濕，
最憎呢o的天氣。
個肚又唔舒服，
個腦又諗唔到野，
又肚餓，
食唔到藥，
個口飲極水都好乾，
其實今日唔應該帶 con ，
對眼勁 tired ，
已經訓左七八個鐘都仲係咁。
返屋企時，
搭巴士迫自己去訓著左，
無哂所有感覺，
落左車，
個人又飄飄下…
全日都希望扮到無野咁，
強裝o的笑容出黎，
諗住好似今日面試咁，
但係扮唔到，
亦都笑唔出。
一早就應該返屋企休息下，
但係好想見多 waiting 幾面，
我諗咁樣應該令佢更唔開心。
令到好多人擔心。
唉…該死！我真係無用。
呢排都神智不清，
所有 decisions 都錯哂咁。
我幾時先變返正常？
或者周圍o的壓力迫得我好緊。
迫到我病？傻？
究竟係心”支力”？定係人”支力”？我諗兩樣都”支力”…
唔知自己做緊乜都唔理住喇，
我要溫左書先，
返多一日學，
就擔心多一樣。
