今日要返 BU 呀，返去既原因係為左見 Daniel 【一個出名教得好既 Tax Professor，做事很認真的。個人覺得成個 BU 最有料係佢。】，因為我夥同左蕉仔、阿wing同秀嗡佢地去參加o個個大陸稅法既比賽，o個個比賽係全國性架，不過會分開三個區域，勝出區域性比賽成為頭兩名之後，先可以去北京參加全國大賽架。都 OK 有趣咁，因為 Waiting 呢兩個月會去美國做野，所以我諗我既空閒時間將會多得很呀，所以我要將自己忙死先可以無咁掛住 waiting 定喇。
　一個人早到左，成間大學靜到水靜河飛咁樣，自己一個去左新校 canteen 食飯，食完飯就上七樓見 Daniel 喇，原來都有幾多人。 Daniel 一開始就介紹下個比賽，叫我地唔好抱太大期望，但係爭勝既決心當然要有咁。因為有太多人想參加比賽喇，所以我地要分組。分組既方法係…？居然係抽籤，o係一個我到而家都唔明既方法之下，阿 Wing 抽中左，我地可以去參賽呀！
　我既隊員有：天娜、秀嗡、蕉仔、雞翼wing、Vicky 同埋我。
　講好左我地之後既會面日期同埋我地要做既野之後，我地就解散喇。
　去完影印之後，我就去搵 Lovely Waiting 喇。相聚只係短短 15 分鐘：一齊搭車去荃灣城市中心陪佢去補習。不過呢短短 15 分鐘就好 sweet 同溫馨，把臂同遊呢~ 哈哈~
　當我一個人行返地鐵站既時候，個天o岩o岩好開始落雨喇。
　今次坐巴士，我坐第一個位，出面落雨落到好似倒水咁，連窗出面既野乜都睇唔到。我聽住音樂睇住o的雨打過黎，滴滴撻撻咁，突然間好感觸，覺得自己有 waiting 錫住好幸福好幸運。我會好珍惜呢一段關係既~
　去左總站，轉左條新路返屋企，全身而退，無乜點濕身，勁~! haha~

　今日 Lovely Waiting 又再次入左黎屯門呀，今次活動既地點鎖定為曾被阿森定性為「鍛鍊」既蝴蝶灣海灘。不過o個次只不過係因為天寒地凍去行海灘先咁講o即，今次合時呀嘛？哈哈~

[##_1C|920154.jpg|width=354 height=500|我同Waiting 一起走過的日子？(A.A) _##]

　話說呢排 Lovely Waiting 做左良家煮婦，得閒o係屋企整蛋糕、煮飯、抹地同摺衫喎。咁程程當然好想欣賞一下佢o的手藝喇，就同佢講可唔可以俾o的我試下o即，佢就整多左一個細既俾我喇，而呢一日，佢就順便拎黎俾我喇。
　今日一起身，個天黑媽媽，心知不妙，同 waiting 去約定既時間係蝴蝶村 59m o個個巴士站等，大家一齊行去喇，點知佢落多左個站，去左好鬼遠，其實係我錯…我想佢落車既係叫「兆山苑」站，係我俾錯指示佢既；而咁o岩之後o個個好鬼遠既係叫「蝴蝶村蝶聚樓」站，佢就係度等我。當我去到「兆山苑」站時，等左一排都唔見佢既，而且都開始落出雨喇。就打電話俾佢：「你去左邊呀？」「未蝴蝶村站囉，有間麥當勞o係隔離o既。」「下？咁好喇，你唔好行開呀，等我黎搵你喇！」程程帶住又興奮又無癮既心情擔住把細細把既遮仔連行帶跑咁去搵情人喇。興奮係：waiting o係我最有記念價值既地方出現；無癮係：我地今日既活動係去沙灘，而家行鬼行馬咩。
　去到巴士站，見到 waiting 塞縮一角係個巴士站底避雨，o個一刻好鬼有 feel 架，原來佢遲一個站落俾我o係雨中跑住去搵佢仲 happy ，haha~
　我得把遮仔，我地又好 close 咁行喇【雖然佢都有遮，不過理所當然叫佢唔好拎出黎喇，唔係我帶把咁細既遮出黎把鬼咩？haha~】，之後就順便行去麥記食個餐先，食食下既時間，我既目光都係不斷望住 waiting 同埋出面漸放光明既天色。實在太好喇！而我地o係麥記最後因為一條蟲而散水。
　因為我地拎住個 cheese cake 既關係，我地首先去左我屋企落底個蛋糕落我個雪櫃先。我地好鬼崇咁，因為我阿爸係屋企訓左覺，阿媽落左街食飯，我地既行為表面上黎講有o的似偷情…逗留左一段時間之後，我地就好一致咁急急腳落樓喇，哈哈。
　之後就精采，我地路經一個我阿媽成日去食飯既大排檔，我同 waiting 就對答敢唔敢去見下我阿媽呢？佢有九成機會係呢度出現。之後我發現阿媽真係o係度，哈哈~ 我諗我同waiting 當時都係各懷鬼胎喇。我本來想準備得好o的先搵阿媽，但係無諗到 waiting 一o的抗拒都無喎，咁是但囉，就算真係見到我可以做o的乜呢？不過我都想有個好o的既 plan ，但係之後見阿媽起身埋單走人喇！我都唔理得咁多，心諗住呢次死就死喇！就首先一個人去左搵阿媽：
「媽咪~」
「咦？你點解o係度既？你唔係去左沙灘既咩？」
「個女仔黎左，o係出面呀。你想唔想見佢呀…？」
「下？佢o係出面，唔通唔去見佢咩！？」
之後就急急腳同阿媽一齊行出去，當時係沉默既，因為我地都無心有所度。haha~
　出到去見到 waiting 聽緊電話，打左個突，我地三個企左係度一陣，hahaha~ 之後waiting 就收左電話，waiting 稱呼左一聲之後，我阿媽就連珠爆發係咁講我o的衰野出黎喇。我好佩服阿媽o係呢段咁短既時間裡面諗到咁多野講。Waiting 都無得插嘴。當阿媽講到話我唔飲水又夜訓之裡既野。 Waiting 扮左個嬲咁既樣，o個一個表情我記得好清楚，好 lovely~ hahaha~ 之後我以為阿媽俾我嚇親喇，搵o岩位就返屋企喇。我咁突然咁搵阿媽出去，大家都好客氣咁，不過比我想像中好好多呀！大家都有傾有講。haha~ 不過見面得好突然。對我黎講，過左一個驚天動地三分鐘。

　阿媽返左去之後，我先鬆番一口氣，我緊張到呢…我同 waiting 之後就拖住手仔行去沙灘喇，話題當然係頭先o個三分鐘喇。
[##_1C|727563.jpg|width=462 height=238| _##]
　去到沙灘，好正呀，今日居然得好少人喎！我完全 expect 唔到，個天色仲好好添，個天真係對我唔錯呀！我地去到就鋪哂地下就開始消消閒閒咁傾計喇， Waiting 換左條短褲，我諗無咩人見過短褲既 waiting~ XDDDD
　我地坐o係度，傾下計、周圍”目及”，我係咁望住一個麻勒佬激凸，係度笑、又玩下沙咁，堆左個二級B趣味既沙堆，但係 waiting 黎沙灘曬唔到太陽，因為俾我遮住左喇。 hahah~
　就咁坐下、玩下、無聊下，o的時間過得好快呀！真係無耐就 5:30 ，我地就執野去行下海邊喇，因為赤腳行沙灘，所以行左無耐我地好合拍咁不約而同嫌腳痛要返歸。行去用水沖腳既時間，我借左對拖鞋俾佢著住黎沖，唔知點解呢，佢著左我對拖鞋，我心中又試沾沾自喜，喜甚麼又說不出口喎，感覺好似好親密咁。haha~
　沖完腳我地就去屯門碼頭送 waiting 搭車喇，佢上左車，轉出路口時係上層望到我，見到我好失落咁喎。咁緊係喇，都話 Love Autually o個幾句對白好貼切、好㊣架喇：「每次同你分離都係我最唔開心既時候。」同埋「To me, you are my everything.」
　事情仲未完架，返到屋企，就俾阿媽同細妹發現左個 cheese cake ，俾佢地話 Waiting 今日係發手信黎，錯有錯著，都好丫。個 cheese cake 好好食呀~ Thank you ar, Waiting~!
　今日好開心呀。

[##_1C|529005.jpg|width=300 height=424| 今日係舊同學聚會呀！_##]
　好耐都無見過尹仔、山羊、阿宇佢地喇，今日就約左佢地去新屯門打波，由三點打到八點，我就弱喇，打唔到一半就支撐不住，要坐埋場邊休息！o的體能差到呢… 佢地就厲害喇！今日我地都 win 左唔少呀【我都有少少 contribution 既…】，人地好認真咁打波，我地都仲 win 到！呢種感覺 good 呀！場邊休息時我地講左好多野，但係個個都好似好 tired 咁，無左Form Five o個種嘻戲係又笑唔係又笑o個種 feel o既，或者我地都大個左掛，講既野正經左，或者太耐無見，講野入唔到題既。但係今次總算唔錯喇！我知只要咁樣 keep 住既話，我地唔會 lost contact 架。不過開心之餘總有o的遺憾o既，如果少文同阿熙黎埋，就更加好喇！
　打完波我地去左體育館換衫補給【呢段時間影左上面o個幾張相，之後再出發去市中心搵野食。期間我地好無聊咁打電話俾係葵涌既林達，同o係沙田既吳子豪，問下佢地黎唔黎 join 我地喇~~! 不過我地其實心知肚明架喇，haha~ 係喇，太遲約，應該黎唔到架喇，不過下次都要約埋你地出黎先得！
　我地去市中心行左陣傾搵咩食好，我地隻隻恐龍餓到留哂口水咁濟，又口渴，都唔知食乜可以 fit 到我地胃口。[##_1R|567877.jpg|width=250 height=353| _##]卒之我地去左間酒樓等到八點半入座打邊爐，任食任飲都係 $75 ，OK 抵食架！我地真係成群蝗蟲咁，一張紙，一大堆野食黎，一jar jar 咁倒哂落個窩度，數分鐘又清哂，其實我地食得最多既係三文魚刺身…寫親紙入去都十碟八碟咁，黎就黎得四五碟，不停咁叫；汁又係咁，一陣間又一jar, 又叫waiter 要另一 jar …食到我地呢…最好笑既係，尹仔叫左碟雞，打邊爐叫雞…又拎左每人一隻雞蛋，佢無神神放左隻雞蛋落個窩度，俾小丸話佢唔衛生，佢話勁無奈，勁搵人同佢同流合污咁，hhhhhaha~ 不過o個一刻無人 show 佢~ 笑死。跟住無喇喇，黎左碟蕃茄，都唔知邊個叫既，打邊爐…生蕃茄…？都唔知點食好。
　Anyway, 今日真係好開心~ 希望遲o的呢班人一齊打攪「鳳凰山之旅」、「MK cafe gathering」、「麻 luc 佬 camp 」喇~~ haha~~!