第一日返工就出 job
今日係我第一日返工呀，而家出尖沙嘴返工，朝朝要六點幾起身，梳洗沖涼就執o野，就已經七點，我一定要七點三個字出門口，趕住行去搭七點半開車o既村巴。
坐村巴前先知自己無零錢、八達通又無銀，好彩見到羅太，佢幫我俾o左錢。去到尖沙嘴唔識路呀…始終都係一個未出過省o既鄉下仔。行o左幾轉先搵到穜o野，刻意唔想行得太快攪到本身已經又焗又熱o既西裝入面變得更焗更熱，但係無計呢，慣o左行得快。 見早o左好多，所以我就走去食個 M 記早餐希望精神o的喇，食野o個陣時，俾我o係 M記見到隔離檯兩文三語？幾個用唔同母語o係度交差對話，睇見佢地就覺得 odd 喇，無o野好講都要搵o野o黎講……我幾年後係未都要咁呢…？
食完o野我就好準時咁就九點正去到公司門口，點知我係返到去最早o個個，個個都未返……企o左o係度等開門。 企o下企o下，逐一見到我o地三個做 summer intern o既都返齊哂，傾o左兩句，介紹o左一輪，佢地叫 Kenis 同 Sherry 。
終於等到搭半，有個 staff 返到o黎開門，我o地三個入到公司去o左 conference room 度等安排喇，o個個 staff 叫 Susanna ，係間公司o既 Senior Staffs o黎o既，佢俾o左幾間公司o既 folder 我o地自己 share o黎睇，話等o下o個個安排我o地o黎o既同事返o黎就會知有咩做o架喇。其實都 ok 無聊之下坐o左一個鐘。我同 kenis 就已經被安排o左跟 susanna 出 job ，先去 Poly 出面o個個巴士站搭車，當然我襯呢o的機會係咁問我想知好耐關於呢行o既問題喇。去o左九龍城碼頭…原來去一間叫金城營造o既公司做 audit 。我好簡單咁俾 Susanna 教o左要做咩之後，就開始對 voucher, 落 Marking 同埋 Check error 喇。就咁係咁飛 folder 同擰頭， Check 單 check o左個幾鐘就放 lunch ，時間過得 OK 快囉。 Lunch o既時候，我o地三個一齊去o左大家樂。
之後再 check 單，咁就 5:30 返屋企。
今次我又衰o左…無喇喇話 waiting 好似圓o左，唉…本來 waiting 已經悶悶地，而家俾我攪到已經唔開心添喇~
