俾人盤
今日第二日返工就唔駛去尖沙嘴總部返工，話直接去九龍城碼頭等一齊入去金城營造度出 job 咁話。因為 Kenis 住青山公路o個邊，話要去九龍城都係勁唔方便，同我一樣要去屯門市中心轉車搭 61x 已經係最方便。咁就約o左佢(正確o的o黎講應該係佢約o左我，我都無諗過同佢一齊返車喎…)o係市中心搭車出九龍城碼頭(我仲 puzzle 緊九龍城碼頭係未就係土瓜灣，講真，第一次去呢個地方。)。
上到車真係無咩兩句，感覺上，呢個女仔性格同 waiting 有o的似，有信心同埋好清楚自己做緊乜o野，將要做o的乜o野咁，不過有時覺得佢過份自信，變o左有o的 too proud 咁。我一上到車就勁眼訓，而且好唔慣同個女仔兩個約埋去搭車返工，所以我話好 tired ，訓陣先，最後尾我o地都各自訓著o左。
落車就o係白宮冰室等埋 Susanna 一齊去公司度。
今日又係對單，落o下 marking 同 supporting 咁，同樣地，我又問o左勁多勁多呢一行o既o野。
可能困o係一間房仔度，不見天日，時間過得特別耐喇！但係同我o係青松觀時比，真係舒服得多。期間佢地問我有無做過暑期工喎…青松觀應該叫做咩工種o黎呢？不過當時收入確係唔錯o架喎。
今日做o野，我對o左太多單，落o左 enquiries 出去俾個 client o的 staffs 改番o岩o的o野佢，但係有一o的一時醒唔起為o左乜落o左 enquiries 喎。佢地唔明所以三個人入o左o黎我o地三個人間房度問有咩問題咁，我醒唔起，之後我再對過又唔見有問題喎，勁尷尬…經一事長一智，學識o野以後唔會再出錯。你o地三個盤我，下次我就會準備清楚o黎質問番你。
放 lunch 、放工搭車、腦部休息期間，就無神神將所有o野都聯想到 waiting 添。好掛住 waiting… 仲諗埋o的無謂o野… 因為內容太肉麻， public unacceptable.
