BB
尋晚放完 GPA ， OK 失落…算喇，無謂提。盡力唔盡力自己心裡有數。
早幾日有人肉降落傘，今朝又火燭，攪乜？索o左兩啖煙之後見燒唔到自己，又走去訓過。今日懷住混沌的心情返工，去銅鑼灣力寶禮敦中心對數、寫 schedules ，一有唔明就 hold 住先，等o的 clients 行開一邊先至問 Susanna ，其實做落都 ok ， audit 都算只係煩，而未算難。索o左o個兩啖煙攪到喉嚨好唔舒服，點攪好？感覺到個喉嚨開始發炎添。
放工以為無得見 waiting o架喇，因為佢話約o左朋友食飯嘛。但係搭搭o下地鐵忘然緊o既時候 waiting 打電話俾我話佢個朋友未放工，同唔到佢食飯喎。o個一刻我都驚訝o左起上o黎？「咁我未有機會囉？」「你幾時都有機會架喇。」答得好呀，my sweetheart~! haha~
一齊約o左o係荃灣愉景新城天橋口等。可能我太 tired 同埋尋晚失落o既 GPA 既關係，心情麻麻，精神仲好差添。但係見到 waiting ，都唔知點解人就會 cheer up 起上o黎。同佢一齊去o左食上海米線，叫o左兩碗麵一個小食，好抵食，味道仲好好添。 Waiting 走o左之後，我都有可能放工會一個人o黎呢度吃個下午茶o既。
我o地食到中途o既時候，隔離檯o黎o左一對新婚夫婦加一個好趣緻o既 BB ，個 BB 俾爸爸抱住係咁望住前面o既電視機輕輕拍檯，不過個樣好 cutie o架。我同 waiting 坐o係隔離都不其然將視線搬移o左去佢度，o係度研究緊o個個 BB 究竟係男係女。我估女，waiting 估男。當 BB 媽咪都留意到我o地望住 BB o既時候，我就問 BB o既性別喇。結果當然係我估中喇！ BB 女先會咁可愛o既o即。 haha~ 之後我o地就同 BB 玩鬼臉喇， BB 開頭好鬼 cool ，望住我o地一陣，又睇陣電視。不過最後o係 waiting 鍥而不捨o既「努力」之下， BB 終於笑o左出o黎喇。我就o係旁邊煽風點火，係咁話「睇下佢！睇下佢！佢喊喇，你嚇親佢喇。」 haha~ BB 一笑之下就係咁成日望住 waiting 扮鬼臉喇。 Waiting 成功o左！ haha~ 我o地走o個陣仲同 BB say byebye 添。
今日有係一日好 sweet o既一日。
