已經諗左幾日喇…
始終無辦法可以將 tatter tools 同我既其他部分融合起黎，
遇到好大既困難…
本來已經諗好左好幾個新既改版 layout ，
都係因為呢個 blog 嵌唔到入主題而要放棄。
唔通我真係要放棄用 tatter tools ，
走番去用 movable type ？
好頭痛添。

[##_1R|649655.gif|width="250" height="333"|Waiting 俾我o既手信 _##]　而家隻左手無哂力，仲陰滋陰滋咁痛，好無奈。
　一訓醒又兩點三咁濟，完全唔想迫自己，臨返學前姑且完全放任自己吧。雖然而家日日都俾阿媽”哦”，我又懶到連解釋都無喎，但係我想o黎個 complete o既 relax 嘛！俾我做幾日阿源【隱蔽青年】喇！唔知阿爸阿媽點諗？希望佢o地唔會諗埋一邊，以為我放任係關 lovely waiting 事吧。
　訓醒覺同阿媽食飯後，我就自己去o左打破傷風第二支針喇。睇見個 nurse 左攪右攪咁，攪極都攪唔完，都幾擔心o下：「佢新o黎o架？會唔會拮錯針o架？」不過佢臨拮前都問過對面個 nurse check 過哂所有o野先同我拮，都算放心o的。拮完唔覺有乜o野，不過而家 feel 到左手好唔自然。
　唔知係未o的藥影響，待家時成日都在睡眠之中。之後一支公去拎 lovely waiting 送俾我o既一條手信去改短，改到個褲腳咁怪o既！我即刻擔心起上o黎，返到屋企就同阿媽講點算，好彩佢解釋到一個好滿意o既答案俾我：「褲腳洗多幾次就會淺色返o架喇。」擔心到我丫…
　成日都係訓覺，隱蔽o左兩日了，好似好耐無同人講過o野。

　睇完細妹個日記，今日又跟住去o左食朱古力火鍋，食到想嘔…同食到好濟…不過真係好過癮，乜都走去點o下o的朱古力，食落去就會唔同味o架喎。而見到對方依起排牙個樣就好好笑，好似有爛牙咁。
　叫o左o的焦糖燉蛋就驚，記憶猶新，上次 lovely waiting 食到要攬住個馬桶訓【佢係嘔完先再訓o既~ haha~】。不過真係好好食，我食o左兩細碗先停。
　最後叫o左兩件 New York Cheese Cake ，又話一人一件喎，俾人拋棄o左添。我食到有o的反胃o既感覺先食得大半件。 haha~