尋日返工一路做野一路同同事傾計，傾左好多野，我講我個人好灰，諗野好 pessimistic ，我一講佢就即刻話係喇。haha~

　我諗呢度每一個人都咁樣覺得架喇，可能際遇關係，攪到個性格係咁，我知有問題，好想改變，想笑多o的，日日都好似好開心咁。但係笑笑下覺得自己好似係度扮緊笑咁，我成日一o的開心既感覺都無o既，尤其是呢排，真係o即都笑唔出。成日都咩住好多包袱咁，好多野要兼顧，成日失眠，第二朝又無精神，自然事事不順。

　我好想係呢段對話加插一o的輕鬆既氣氛喇，就講o個次同阿行去街，兩個人講到幾悲壯呀，一陣一齊走去自殺都唔定~

　佢就好認重咁同我講：「真係要小心o的，一陣間睇唔開呀。」唔會o既…我仲好理性，知道邊o的o野可以做，邊o的o野唔可以做。而且問題到而家都未有解決唔到既，只有做唔到o既o即。

　諗野 pessimistic ，我都諗到辦法解決呀，未睇得開o的、離o的咁，咁就見到而家既問題只會係一個 minor 既人生交差點。我知點做，但係有無可能做到呢？日日返工都好 energetic 咁，笑哂口咁同人打招呼、吹水、嘻戲，但係當做完野返屋企時就頹哂、木哂，坐巴士上層左手拍窗位，望住個窗，抬起個頭，望住o的雲【夜晚就望住o的街燈】，再發呆。呆足最少半句鐘，大家都唔好煩我。返到屋企乜都唔講、乜都唔理、乜都唔諗，或者呢個先係真既我黎。討厭但係又過得好自在。

　同事有咩回應俾我？佢講左佢個故仔。佢今年考 QP 今日知道原來又肥左，佢一早知，都諗定六月再黎過。佢係佢 workshop 考 module A 既時候，佢老公同佢講佢出面有第二個女人。一個五六十歲既男人同個五六十歲既女人講佢出面有個女人【我唔明一個男人點解可以咁X街，我最憎破壞家庭幸福既人，做人點解可以咁自私？最憎o的想自己可以過得開心o的而傷到人心o既人。】 同事話佢今年離婚。 考 module A 既時候佢返拉記溫書，佢讀公開大學時既同學大部份都咁o岩上哂大陸，一個人既時候見到牆真係想一野撞埋去就咁就算。之後好彩諗開左，搵到個唔係熟既同學都傾左出黎。就好過好多咁。

　係既，我仲有排捱，見得幾多大風浪o即？我太細路仔喇。

　唔唔，係喇，我而家又覺得好悶喇，雖然我而家唔可以令自己開朗o的，但係我無亂諗野，諗到灰野。

　p.s. 各位田家炳同學，頭先我睇六點半新聞…聽到羅詠君把聲、見到個好似羅詠君既人o係個電視出大頭、仲諗羅詠君報到新聞之類，唔知我有無思覺先調呢？乜佢而家去左無線報新聞呀？仲報六點半咁把炮？愈黎愈覺得自己好細個添，乜解有人行得咁遠架…

This entry was posted on Saturday, August 13th, 2005 at 9:06 pm and is filed under Life whereas tagged with nothing. You can follow any responses to this entry through the RSS 2.0 feed. You can leave a response, or trackback from your own site.