[##_1C|324659.jpg|width="200"|(A.A) _##]

　唔知點解我地呢三個賤行友一行埋，就會不其然咁賤行o係上o黎，我拎住我腳架，熙著住件畢業袍，丸拎到成身行裝，我地就咁o係 HKU 影相都影左四五個鐘，不停行不停搵景點，好傻。當我地擺埋o的騎呢 pose ，俾隔離個媽媽笑住【媽媽都笑你X】時，熙講左句：「我地加埋都成七十鉤喇…仲咁硬X既。」可能我地加埋二百歲，都可能仲o係咁…好事黎既~ 哈哈哈~
　今日一行人十點鐘就約埋樓下等，上巴士就聽小丸聽佢 KP interview o的”奇趣”事，果然又堪呵又無奈呀。坐到去西隨口前落車，轉新巴過隨道…咁樣搭呢程車真係貴，成廿七個幾。
　去到 HKU 就去左學生會前面整理下先，我整件腳架，點知我一抆長佢，就俾我抆斷左…我地呢三個大男孩就咁運用各方既專業知識去研究呢條腳可以點樣接支，跌左舊膠出黎，攪左我地半個幾鐘，最終靠隔離有張海報既膠紙，求奇痴住就用住先喇。
　我地影左好多呀！有花花之友、如廁、爬牆、魅力男、靈異、佛達魔、修女也瘋狂、時光隨道，影左百幾張相呀，熙影左一陣就無電，我都影左幾個鐘就無電喇。
　影影下我同小丸就感嘆喇，一年後我地影o的乜？小丸影個大氣球、我企o係條馬路度影鐘樓？
[##_1L|136686.gif|width="300" height="225"| _##]　行左幾個鐘，食完十蚊飯，我地又再影過，但係今次我地影得無咁有興致喇，因為好多好多人，要搵好景都好麻煩，去到月明泉度等時…見到一個考完 Doctor 既男人一個人黎影畢業相， set 好哂腳架，一部好舊既菲林機…係度同班大家族等呢個位，我地唔知佢既存在，就腳快快霸左黎影先喇，影完諗住走，佢問熙可唔可以幫佢 press button 喎，咁應承左佢就o係度等喇…佢好無奈見住我地等，我地又好無奈唔好意思同佢講我地想走，但係一班又一班大家族莫視佢既存在，佢一早 state 佢係下一位，但係無人理佢…所以話，影相霸位呢家野真係要人強馬壯先得。
　最後佢都唔好意思話搵個第二個人影，我地就去左隔離排隊喇。我番住佢等左好耐都未影得喎，叫人幫手都叫左兩三個喇…「一個人畢業相真悲哀…」我不其然諗到。小丸聽到我講咩，就話即刻打電話俾佢，幾時都出黎搵我，熙又跟住和應，哈~ 三條友都好。再望過去時，佢已經成功影到相喇。再望過去，佢已經唔o係度lu。
　影完好多相都差唔多五點幾，我地去銅鑼灣食飯，因為阿媽靠熙賺左少少既關係，今餐我話係我負責，就去左食日本野，我地食到呢…俾個姐姐話：「入紙仔可以填數字架。」跟住就填數字入單，野食擺到成檯都係…
[##_1R|610304.gif|width="350" height="263"| _##]　因為無叫野飲，所以我地之後去左阿貓地灘飲野同玩貓，去之前去左世貿打左兩鋪機，用左六蚊不過好值，個人鬆左好多。去到阿貓地灘，叫左杯焦糖 coffee ，都 ok 好飲呀，見到o的貓！果然好得意呀！肥到o的貓丫！好笑。不過唔知點解熙去邊隻貓度，邊隻貓就走左去，唔通真係因為佢對腳中左貓地雷，o的貓驚左佢，連個膠都唔俾佢？哈哈~
　考試期間去玩左成日，不過玩完好 relax ，真係好耐好耐都無試過咁鬆過喇。係喇，跟住繼續努力！

真係咁衰格架喎！
諗住留個言俾雞翼，
寫好哂野， press submit 掣，
我未 login 所以要去 login page,
寫好哂o的野居然話o個個 page 唔見左，
真吹漲！

唔知呀，好抆！好似 oscar 咁話，
(考試) period 到，情緒病，又黎。
成年無樣野可以順利咁做到既，
個天咁對我，係未想我厭世？

講完就算，
我要發脾氣呀！
XXXXXXXXXXXXX!!!