尋晚寫日記同執o野攪到成六點先訓咁濟，又凍冰冰喎，我訓又訓唔著，仲要猛諗o野，卒之天光先訓得著。
　本來今日約o左 Waiting 出街賀我o既生日o架，不過因為一些我估唔到o既理由去唔成添，哈哈哈~~ 都幾得意o架，原來我有o既問題，唔單止得我一個煩惱。
　咁今日就留o左響屋企過生日喇，哈哈，卒之都係無變呀，要同部電腦過生日~ 上o下網、打o下機咁，幾 free~ XDDD 不過我一o的都無唔開心，真係o架，我好驚 Waiting 會因為咁而驚我唔開心呀，呢幾日已經日日都出街喇，今日可以靜靜地咁留o係屋企過生日，係一種享受o黎o架，而且我知你都好無奈o既~ 最重要係我發覺我地都需要俾返o的時間屋企~ XDDDD 原來兩方面o既屋企都有個 big gap o係度，但係睇o黎我o個邊易攪好多。
　唔知點解有種擔心有人會話 Waiting 呢樣o個樣咁！邊個俾我知你o地有咁諗過o既，麻煩你自己掘定自己個墳墓喇。都係唔好喇，大吉利是，好似好衰咁，新年就講o的咁o既野，麻煩你自己找到你去另一個天地時自己理想o既五星級之家喇。

　其實過o左今日我先知…其實唔係我瞞住我屋企人…而係我屋企人瞞住我…我不嬲都係全在佢o地o既鼓掌之中。
　結果生日就趁阿媽去o左打麻雀，間屋得我同細妹o係度，決定執o野喇，因為我都 quit o左 hall 喇，成屋都係我o的o野，都係時候整理o下，但係當我拎住本來o係 hall o既一大堆有關我o地o既相片同埋禮物時，就諗到我無可能將呢o的o野收埋o係櫃桶o架喎…乜 Waiting 好唔見得光咩？唔得喇，係時候要o係新o既一年做一o的成熟o的既決定喇，卒之我將所有既o野都放哂o係我好開揚o既書檯上面，公仔、相、紀念品，無一樣有漏呀，我擺到明想將件事o係屋企通天o架喇，哈哈，執好就俾我阿妹見到：「嘩~! 駛唔駛咁揚呀？好想俾阿媽知道咩？」跟住佢就好順手咁拎起我同 Waiting 三個月影o既o個張卡喇。「咦~!? 都幾大對眼，幾靚喎，不過都唔夠我靚。」「你慳o的喇，拜託你收番五六十磅身先再講o野喇。」「超~! 我瘦o個陣時都唔知幾得，大把人追呀。」「都無你咁好氣…」「佢叫咩名o既o即？住邊o架？」係咁問，係咁問，之後都唔鬼理佢喇。
　到後尾阿媽打完麻雀返o黎，細妹就開始玩o野喇…指住我o地張相就o係度講：「阿媽你睇o下~~~!!」阿媽邊行o黎行做家務邊講：「你唔好當我傻，我一早就知喇。」攪到我勁無奈，不過又勁開心，因為我可以將呢件事俾o左佢o地知，哈哈，不過唔知佢o地點睇，阿媽好似唔多想提個女仔咁，不過就有陰陰嘴笑囉。笑咩就唔知喇，我始終都係唔敢正面同阿媽提呢件事咁，怕羞唔知點講咁，究竟佢點睇呢…？諗諗下最好係拜託阿妹問佢，再叫阿妹話我知，咁樣o的意見好似真確好多。
　不過我想講o既係…我估計我阿媽其實早於我入 Hall 前已經知道我點諗，因為我提過話我寧願入 Hall 都唔願買電腦。呢句o野都幾震撼o架。不過好老實咁講，我當時都只係好想試一試宿舍o既滋味，當然有少少其他o既因素在內，不過最主要o既原因都係想試o下獨立o即。
　唔…有o的擔心，我究竟夠 qualification 未？我要醒目同長大喇。要迫自己去成長。