今日同 lovely waiting 行番當日我地行過o個條路。
無錯呀，以後叫你行o個條路，
都應該會有o的o野喎。
哈哈~
不過純粹想去食甜品 or 食飯都得o既o即。
記住唔好成日以為我叫你行就一定會有o的o野黎嚇到自己。

諗番起o個日，
行路隔左個人咁。
唔唔唔之後，
我地行得近o左o的。
而家好似愈行愈近添。
呢條路永遠都行唔完，
一真都無盡頭就好喇。

好想補番一直都無講出口o既o個句：
「你可唔可以做我女朋友呀？」
XDDDDD

未到情人節，但係已經受到情人節既感染，點算？ (^+++^)
p.s. 因為有人”唔唔唔”，我就開心番，好想再次日日寫日記，哈哈~

今日有大件事發生！
係我梁程程約左同 granduncle 同 grandauntie 食飯既大日子，
waiting 諗住好睇o的，
已經幫我度好哂去買少少食物去送俾老人家。
但係運滯o既程程居然黑到連間鋪頭都執埋粒，
結果就迫住要兩手 fing fing 去奧海城食飯喇。
去到一早約定既金滬庭吃飯，
呢間鋪頭好受歡迎，一早就已經大排長龍，
派哂飛等位。
我去到既時候【因為諗住買野行左幾個圈， waiting 佢地又早到左。】，
就見到 waiting, waiting 細妹, 同埋 grandauntie o係度喇。
我自我介紹叫阿程【諗住用 Dennis 好似易明o的嘛。】，
再講清楚o的話自己係工程o個個程咁喇。
【及後愛人話我唔好咁白痴咁講喎，咁我呢個開場白用過好多次架嘛，因為個個都會問我邊個程咁既。】
等左陣 granduncle 都出現埋喇。
【原來佢用左十五分鐘買左七百幾蚊衫… (ToT )】
到咁上下上次見過既 waiting 姑姐都黎左。
入左去之後， waiting 就幫手叫左八個送。
【special for waiting 細妹：糖醋排骨, 窩貼, 小籠包, 鎮江燒肉, 紅油炒手, 叉子, 紅燒牛柳絲, 揚州炒飯, 賽磅蟹。我無唔記得喎。】
可能張檯大張o左o的，同埋今次真係有o的唔知講乜野好既感覺。
好難可以放聲講野…
不過好快咁就過左呢難忘既個幾鐘頭。
我同 lovely waiting 之後仲有節目架！
諗住去返荃灣睇戲。
買左票未夠鐘，
我地就去玩可以重拾童真既冒險樂園 Jumpin Gym ，
玩左好多遊戲， waiting “look” 中 100 分，我o係第二部又拋左個 100 分，各賺對方叻仔/女。哈哈。
之後就去睇戲，o個套春田花花幼稚園。
唔~ 有o的位幾好笑既， esp. 詹瑞文o個一 part ，
但係其他位就核突o左o的。又切 pat pat ，又哈佛畢業去”莊飯”咁。
Anyway, 今日好愉快~ 哈哈~