其實早排都一直擔心自己係未無才能，無公司會要我呢種人咁，所以上兩個禮拜開始，就 send 左幾封電郵去o的 local audit firm 試下 interview ，睇下自己係未有 market 咁。 　上個 week 見 JIJIS 有間 Kenneth Chau 係 audit firm ，用 google 起左呢個 certifed public accountant 個底之後，就決定寄左電郵去試下。點知上個禮拜四，上 ethics tutorial 之前，有個人就覆我話想約我星期一去 interview 。個電話內容其實都幾搞笑。節錄精華如下：「你無寫 expected salary ，你想大約幾多人工呢？」「我想 $8500 呀。」 「但係我地公司只係 provide 得 $7500 喎，咁唔知你點睇呢？」 「emmm, 咁可唔可以俾個機會我試下 interview 先呢？」 「ar, 好呀，無問題喇~~ 就XXX….」 　咁我就應約星期一朝早九點半去左佢間公司 interview 喇。多得 lovely waiting ，我o個日都覺自己執得有幾分俊朗~ XDDD 　去到做個 test … 有 form 5 level 既trial balance 做 balance sheet + income statement ，用部電腦係度俾我打篇英文信，我偷偷地 download 左個九方打埋篇中文信，再做多五條 journal entries ，同埋七個中譯英、七個英譯中既 accounting terms 。用45 分鐘完成佢…好 terrible ，趕到我嘔血咁濟。 　之後去見o個個 余先生 (senior audit manager) ，佢好鬼後生，我諗佢得三十歲度，不過呆呆地…應該係因為做左六年 EY 之後攪成咁。一見面就o係我面前改我頭先份功課，我滴哂汗…好彩俾我 balance 到個 balance sheet 同 income statement ，但係我錯左o的 formatting 既野，o的翻譯又錯到七彩，好彩其他都算全對。 　攪掂完就問我，叫我用英文介紹下自己，我太眼訓，講得好差，唔知自己講緊乜；叫我用普通話介紹下自己，我忘記左要準備，所以up左兩句就 i am sorry；跟住叫我講下 strength and weakness ，呢次慢慢講，都算係咁；跟住問埋我 career path 咁，我就話考牌之後進修，再之後繼續做 audit 但會考慮下轉去做 bank 咁，佢就呢一點叉左我好耐，認為轉 field 無咩可能咁。 　之後傾下講我 expected salary again, 我話要 $8500 ，佢話佢地新入職係 $8000 ，但係 JIJIS 就寫 $7500 咁，過左三個月 probation 就會加人工 $500 ，再問我 $8000 得唔得？我答佢…「umm, 因為我住得遠，要搭車貴，又要還錢俾政府…$8000 係 minimum 喇。」說係上黎誠懇有禮，XDDD 佢應該都感受到我既困難。 　之後再講幾時 date available 咁，我話最早六月一號，佢話有無可能早o的…我話要 honour project present. 所以無得早，不如三日後覆你咁。我呢個 applicant 真係要求多多~ XDDDD 　三日後，禮拜四我諗住打番俾佢話唔得，都係要六月一號先返到工。佢就打電話黎話取錄左我，叫我星期六去簽約，我又試多多要求，話可唔可以遲o的覆佢？佢俾我一日時間。 　就咁，我尋晚就考慮左好耐…經過一晚既折騰，我有以下幾個結論：廿五人既公司未符合我想要公司既規模。我覺得自己係有能力做到大公司既。 上環既寫字樓感覺一般…佢地對我既忍讓同待遇真係幾好…人工都係咁上下喇。呢間公司似乎學唔到我想學既野。我擔心雖然我有能力，但係之後仲會唔會有咁既機會…？ 　最後，我都係有o的意興闌珊，我仲覺得明天會更好既！所以今日成朝我都無回覆佢，到最後，我已經諗定計點樣 reject 佢好，諗定話：「多謝你俾個機會我，唔好意思，我都係想多o的時間考慮下。」食埋飯再同佢講。點先俾佢捷足先登！就係頭先，佢兩點幾打黎話：「你好，我係余生呀。」我就補番句：「唔好意思，我都諗住打黎答覆你架喇。」余生聽落去有o的平靜咁：「關於份工我見你好似無乜興趣咁……所以我都 contact 左其他既 candidate 喇。」我：「呀，係呀？其實我都決定左架喇，咁好喇，唔該哂你呀。」 　Good~~ 終於 finished 呢件事喇！今次真係學左野仲令我信心大左好多。要積極o的再搵份好工先！ 　其實，佢想唔想請我，我又想唔想做，一早就應該決定左。 　佢想唔想請我：我講成咁，好彩份 test 做得唔錯，佢仲花好多時間同我講佢公司點樣點樣好咁、再最後送埋我出門口o個下，又問我覺得佢間公司點，我覺得佢好大機會想請我。 　我想唔想做：我做 test 時見到佢間公司既員工…佢地真係有o的 tired ，個個都無黎神氣咁，雖然眼望落去個個都係廿幾歲，但係個個都無左份朝氣同抱負咁，無乜 working team spirit ，同埋見到佢地做野 discussion 時都有o的見外咁。我覺得我有機會會俾佢地感染到頹哂……個心一直決定左，但係唔想 waste 一個機會咁。 　而家咁樣最好！

This entry was posted on Friday, April 7th, 2006 at 2:02 pm and is filed under Life whereas tagged with nothing. You can follow any responses to this entry through the RSS 2.0 feed. You can leave a response, or trackback from your own site.