我成個大人咁。
今日夜晚老豆請左我地去打邊爐，我一個人遲o的先去。行過樓下o個個籃球場，見到一個男仔背住個籃框、企o係右面鎖匙圈第三隔、上身擰轉條腰、下身仍然完封不動，就咁練射波…
呢個未就係我地早年玩「怪招 O.U.T. 」臭宇既絕技之一黎咩？Out 左唔少人架喎…haha~ o個陣時真係傻更更，無野玩玩埋呢o的好白痴既野，但係點解有人係度練習呢招怪招既…唔通呢個人係當年迷戀臭宇球技既 fans 黎！？【幾時會有 fans 練我招界外A位三分球？嘿嘿~ XDDDD】
又諗起中五中六時有日一早去新屯打波，鬥緊波時俾尹仔聽到對手話：「喂~ 未復當年之勇。」一個當時廿幾歲既後生仔，唔夠我地打，係未復"當年"之"勇"。 XDDD 聽起上黎真係笑爆嘴。
食完野返屋企從阿媽口中話我知…之前阿爸問佢我好似成個大人咁…um, 問得好奇怪…有o的稀虛咁。係讚我大個仔定點？似乎好似係佢覺得自己老左。
