Urban Kitchen
今日要去灣仔聽o個甚麼 QP o既 orientation session ，所以就早o的約埋 Lovely Waiting o係銅鑼灣行陣街先喇，因為太早同埋一陣個 session 太 late 既關係，我地決定食o的o野打定底先。就o係 Sogo 附近上o左呢間 Urban Kitchen 喇。
呢段時間又係 tea time ，咁就o岩我地喇，唔可以食得太飽今晚食唔到飯，又唔可以唔食o野餓住個肚喎。 Lovely Waiting 點o左個賣相非常非常非常之靚o既牛扒包。 XDD 我o個個係雞翼咖哩角，無謂提喇，都唔知自己o個日做乜咁叫。
Waiting 個牛扒包個汁非常之特別，而且個包皮亦非常之有質感！但係塊牛扒好似整過o左龍，用刀切用牙咬都有少少難度。但係整體o黎講呢個 dishes 係值得一試o架！雖然我叫o的o野食好普通，不過質素都非常之好，叫o左o個杯奶茶仲又濃又滑添。
o係呢間 cafe 度食野都係一種享受o黎o架，個佈置有兩個好似磨菇o既餐檯，入面好似好私人咁。但係最衰喇，俾人坐哂，好彩我地都可以坐o左係窗邊睇住 Sogo 對出條馬路o既人景o即。
地址：銅鑼灣怡和街 2-6 號英光大廈 4 樓
電話：28816981
