Lagoon Cafe
今日我一個人去完灣仔攪掂好個特區護照之後，就要趕去屯門市中心攪埋個回鄉卡，因為咁o岩見今晚有時間，所以就約埋阿媽細妹去阿姨度睇 Da Vinci Code 喇。臨去之前，我地有四十五分鐘食我地個 dinner ，所以我就提議去上次阿熙、小丸同我食過o個間餐廳食個 quick dinner 喇。
我地三個都因為時間既關係，叫過最快既餐：鐵板西冷牛扒。細妹食得生野，五成熟；我唔掂，所以我同阿媽都叫o左六成熟。
我o個份扒真係大件夾抵食…$40 唔駛，包足料牛扒、飯、餐包、餐湯同埋一個凍飲。講非常好味又未算o既，不過我覺得賣相非常好，而且環境、氣氛o係屯門o黎講真係唔錯。
地址：屯門屯順街1號屯門市廣場1期高層地下UG18-23及25號舖
電話：24300663
