Jun
23
好嬲呀！唔寫喇！
寫左成個鐘、成個 week 既野！一下子無哂！
聽日先再寫喇…
Archive for June, 2006
Jun
22
返工真係好悶呀，我諗其實個個都會滿腔熱誠咁對待自己既第一份工，但係當你返到公司發覺乜都無得做時，真係人都消極哂。
我悶到有次仲樽樽下添，係一個影印機前面，逢人必經既位置上樽樽下… haha~ 當我實在頂唔順走去個臨時o既 senior 度問佢有無野可以幫手，但係當我有呢個行動時，見到佢去左搵工具箱拎左個"羅絲批"出黎，原來佢無聊到要維修自己張 chair…~ haha~ 咁我都唔想再去煩佢喇，無野做，真係悶到震…
Jun
19
因為o岩o岩o個個 weekend 要溫書，禮拜日又要去上 workshop ，今日就好似無放過假連踩兩個禮拜咁，好眼訓，仲好 tired 添。咁眼訓、咁 tired 都仲要對住o的台面咁悶o既o野，好辛苦。今日 lunch 同 Tony 分享，發覺我地而家做既野其實一個中七學過 account 既學生都做得到、仲可以做得好，真係值得呢個人工既，咁我地讀多三年書又有乜野分別？可能只係單單我地有資格去考牌~ haha~
一放工就約左 waiting 去行街街喇，我地去左行尖沙嘴，我買左兩件返工校服衫同場一條皮帶之後就同埋 waiting have a nice dinner at Italian Tomato ，佢地o的蛋糕真係有返咁上下水準，今次 waiting 無揀錯 cake ，都 quite 好食架~ haha~ um, o個度有個 waitress 係 waiting o的師妹？但係 waiting 中學時咁出名，唔認得師妹都唔出奇喇。
食完野我地就行左一陣海旁，雖然幾熱【um, 真係幾熱…】，不過我覺得幾溫馨架。 waiting 可能只係諗到非常熱~ haha~
行左一陣我地就返歸喇，我倆都好 tired 呀！
