ID Card Replacement
今日又橫風橫雨，我都唔知點我出親街，個天就打風咁樣架喎！我得番 13 日時間做學生jar, 好好地晴天多幾日，比我出多幾日街喇。
同Lovely Waiting 去荃灣o個度辦理更換身份證，本來扮得靚靚o既我o地，俾o的風雨攪到我地亂哂呀，我地搭的士都無用喇。呢個換領處位處一個個名好有趣o既商場－創意無限商場，但係就幾偏僻o下，所以入面人都無幾個咁，我地一拎 form 都好似無等過咁就可以入去見 staff 喇。我o係佢面前先填 form o既。
有一幕都幾 funny ，
我影完相要 check 手指模時個主任問我：「睇你張相，好似有o的高低膊喎？」
「下？可唔可以睇睇呀？」
「好呀，無問題，你行過黎呢邊~~」
「咁有無辦法幫我執執張相呀？」
「唔得既話可以幫你影過張o架，但係你要自己再就番o岩個位喇，不過你個樣影得 ok 呀，係個膊影到高低左。」
「係呀…」
「係呀，但係個樣真係影得 ok ，耳仔無高低到，我要話你知張相係咁o即，不過到時張相會縮細一半度，問題應該唔大。你影過張既話就未必影得番咁既樣架喇，你呢個樣真係 ok 。」
「咁呀？咁無問題喇，就呢張喇，唔該哂。」
佢係咁講我個樣 ok ，好似唔想我阻住佢做野，定係我o個個樣真係 ok ? haha~ anyway, 佢o個度人又唔多，o的 services 真係非常好喇。
我地只係用o左大約廿五分鐘就完成哂所有o野離去喇。
