再戰海洋公園
經過咁大場大雨之後，我同 lovely waiting 終於係今日成行去海洋公園喇。其實今次我想去o既原因，係我好想睇o下水母館點樣，我覺得o的水母好鬼得意的說，哈哈~
一早起身就去o左荃灣等埋 waiting 出發喇，但係就係呢個時候落o左一場豪雨，即刻個心都沉o左一沉，個天唔係咁玩我嘛…？好彩皇天不負有心人，全日我o地都唔太受落雨o既影響呀。
我地坐o左一輪車之後再等o左一陣終於o係大樹灣入口入去，估唔到原來集古村維修緊，咁我地o的時間未多o左好多？既然係咁，我地就去o個個原本無打算入去o既紅鸛池打個轉，因為雀仔呀、昆蟲呀，都無乜興趣，而且上次先去過添，haha~
只係行o左兩步，係我咁精靈o既眼睛觀察下，俾我見到遠處有隻變色龍係正前面o既路中心望住我o地…你都未話唔得人驚… haha~ 當然我o地就無再向前行，急急腳就鬆人喇！
就係咁，係估唔到o既情況下，我地就咁快要上登山電梯上山喇。今次我o地好成功去o左上次無去o既太平洋海岸睇 waiting 最鐘意o既海獅，我o地仲俾o左錢喂o野佢食添~~! 哈哈，但係未喂前 waiting 話驚喎，因為o的海獅伸個頭出o黎叫，都幾得人驚。o個度派o的魚好鬼難聞o架，成陣魚腥味… waiting 喂完海獅唔拿拿聲洗下手都唔掂…
睇完海獅之後我o地就去o左o個個海洋摩天塔，我上到去都係純粹涼下o個jar~ haha~ 不過講真個景又真係唔錯喎~ 之後終於去我想去好耐o既水母館，入面真係好靚呀，o的水母隻隻都透明，漲o下漲o下咁好過癮o架，o係o的燈光o既照射下，佢地真係好鮮豔，好靚。
帶住依依不捨o既心情要同o的水母say goodbye 之後，我地就去睇埋我一直都無去過o既日本花園。真係好呀，終於同 waiting 去o左日本，但係點解無o左和服樣o既 lovely waiting 架！ haha~ 之後好快咁睇完個鯊魚館同埋食o左個雞扒餐之後，我地要去坐定定睇海洋劇場 show 。 waiting 話喎，點解上次o黎呢個咁重要o既 show 都可以唔睇o既呢？ haha~ 所以話今次係專登為o左睇呢個 show 同埋鯊魚館都不為過。雖然呢個 show 我都睇過幾次喇，但係唔知點解次次睇親都會覺得好新鮮，可能真係關靚人靚景事掛~ haha~ 靚人唔駛講喇，坐呢度睇 show 個景真係唔錯，望住個大海之餘，又睇到o的海獅同海豚精采o既表演。
其實海洋公園真係幾多o野睇，出面雖然好熱，但係可以選擇入去o的展覽館度睇o下魚就可以舒適一番。睇完 show 我o地就行去黃金景點海洋館喇！入面o的魚好似成幅畫咁，我換轉個心態去睇呢個魚缸就覺得佢好完美，但係唔知點解成日有條好樣衰o既魚跟住我o地，haha~ 而且呢個海洋館有好大意義呢，哈哈。
睇完呢個館之後就到今日o既戲玉喇！哈哈~我o地見到好多攤位遊戲，首先用o左廿蚊拋o左o的無可能會拋得中目標o既波仔…之後 waiting 話佢玩過o個個拋波入鐵桶o既遊戲喎，咁未俾十蚊去玩o下囉，我拋o左兩個都拋唔中，點知俾佢一拋就拋入o左喎！好開心咁就拎o左個公仔喇，但係大家要記住，好開心o個個只係 waiting 喇，佢意氣風髮個樣幾得戚呀~ hahaha~ 係，知你勁喇。但係程程愈行就愈唔順氣喇，唯有再回頭去試多十蚊，你o地話喇，無理由我會拋唔中o架嘛！如果就咁走o左， waiting 睇o黎會笑足我成個 week 添！結果係點？請睇左圖喇！嘩哈哈哈哈~
玩完呢個之後，我o地玩完摩天巨輪就搭登山纜車去另一邊山喇。我o地去o左大熊貓園睇安安同佳佳o既優閒樣， waiting 仲發現佢o既作息時間同佳佳有得 fight ，話佢自己係一隻熊貓同埋海獅o既混合體，只係加上一個人o既外表咁話。好快去玩埋兒童王國o的遊戲之後，就帶住非常疲倦o既身軀行出海洋公園喇。雖然時間都仲係早，但係因為計埋上次o黎海洋公園，我o地都差唔多玩哂佢o地o的設施喇。
搭車搭o左去旺角搵o左間 cafe 飲o野同食o左件 cake 就係咁講o野喇，晚餐我o地再去o左蒜頭屋度食飯，兩個人真係無可能可以食得哂佢o地o既二人餐o既……
今日真係開心到暈。
