Body Check
為o左解決我成日手震同埋心跳快o既問題，再加上中醫西醫都話我有機會係甲狀線分泌過多o既關係，咁我就聯同我阿媽聯絡我個保險經紀，就我要求入院做個 body check o黎過雙邊會談。好順利，我求醫之後，就由醫生指引我尋晚入o左深水步寶血醫院訓o左一晚【我今日六點幾先由澳門返屋企，食完飯八點幾就出發入院，細妹話我時間o岩o岩好！haha~ 呢o的o野要咁o岩o黎做乜？】。
阿媽細妹陪我安排入院，三人房 full o左，得番四人房，但係我入o個間房得一個人？咁未即係訓二人房囉。o個名住客係個阿叔o黎o既，我無同佢講過o野。成晚我有我玩部 mac ，佢有佢睇佢o既世界杯揭幕戰。「X你老母！」著住T-shirt 牛仔褲加對黑皮鞋o既四十來歲同房男房客，訓係張床度對住個德國球員對住龍門射唔入球發表o左佢o既意見。半場休息，原本一直訓o係床上面o既大漢起身，拎住包煙出o左房。十幾分鐘後，佢好似拎住o左包花生同埋一支酒返佢張床度努力。幾分鐘後，佢除o左件上衣，我偷偷地望見佢手臂上o既青龍…第二朝天未光齊我半醒下，睇到佢著番佢o的衫對鞋"角角"聲拎住包煙行到去房門口時輕嘆多一聲：「X你老母…」從此一去不復返。我間房變o左一間單人房~ XDDDDD
呢位阿叔真係輕裝咁o黎輕裝咁去，我諗佢都係o黎做 body check 掛，不過睇o黎佢成晚悶到抽筋頂唔順無人同佢講過一句o野而要急急腳走喇~ hahaha~ 成晚我只係聽佢講過三句：「X 你老母…」XDDDD
講番我o個疊先，我三點幾就訓著o左喇，因為尋晚o係酒店訓唔著o既關係，我o係醫院訓到成隻死豬咁。我剩係知半晚五點幾六點有個護士行o黎我左手床邊…：
護士：「我o黎幫你抽血o架…」
我完全未訓醒：「哦…」
護士：「【估佢已經做緊o野】你尋晚未拎部電腦入o黎玩o既？」
我：「唔……」
護士：「你係未拎o左電腦入o黎玩呀？」
我：「係呀…係呀…無玩lu…」
護士：「點解無玩o既？」
我：「無玩？哦…無電嘛，放好o左lu, 唔會有人偷o架喇…」
護士：「係呀？咁你未係度叉電未得囉，拿，你七點至九點係度叉電喇。」
我：「【對眼從來無開過】可以叉電咩……？唔得唔得……姑娘話會收錢o架喎……」
護士：「我話得就得喇，我當睇唔到就得喇。」
我：「哦…好喇……抽血痛唔痛o架…？【同 lovely waiting 講時佢呢度開始爆笑~ XDD】」
護士：「下…？我就o黎抽完喇喎，放心喇，我打針好熟手，一o的都唔痛o架。你放鬆o的隻手喇，咁緊張做乜？」
我：「係呀…好喇…咁夠鬆未呀…？」
之後發生乜事我又乜都唔知喇，又再踏入昏迷狀態。大約九點幾，我又再次被叫醒！我睜開眼矇矓中見到個醫生同個護士：
醫生：「o的血驗o左喇，但係你甲狀線無問題，其他 check 過都無問題喎，不過好奇怪，你有少少貧血喎。」
我：「哦…係呀…貧血呀…無理由喎…我對手好震同個心臟跳得好勁o架喎…又會無事o既…」
醫生：「係呀？手震同心跳得快呀？咁可能其他地方出o左問題，一陣間再去驗真o的其他o野，我再幫你 check 清楚喇。」
我：「哦…好呀…唔該哂…醫生…」
當我準備再入睡o既時候，跟住醫生個護士去到房門口同我講：「你而家去刷牙洗面喇，一陣間好快有護士o黎叫你去樓下做 X光同超音波檢查o架喇。」唔係嘛…我好眼訓呀…不過我都乖乖地洗好面換好衫著定鞋等護士o黎。haha~
去到樓下，接待我o個位護士姐姐好靚女o架~ haha~ 佢地唔駛帶 mask ，所以我見到佢個樣囉。我同佢入到去間幾黑o既房，佢就話：「你除哂o的衫佢喇~~」下…？咁我問：「剩係除上衫唔駛除褲o架可？」 XDDDDD 我好似問得唐突o左o的…佢答我：「唔駛呀，剩係除衫同頸鍊就得o架喇。而家幫你照肺，你拍埋去塊板度攬住就得。」我照做喇。「你企高少少添喇，凍唔凍呀？好快就得~」我答：「唔凍呀，都 ok 」。之後就著返件衫訓o係度照 X-光, 又做心電圖，佢行開一陣前問：「你凍唔凍呀？」「唔呀, 仲ok」haha~ 之後等o左一陣我照o左好多張超聲波之後就同我講我可以返房lu。
呢一層/間醫院點解好似入o左o黎咁耐都無人咁…得幾個護士行o黎行去咁，真係一個病人都見唔到，我訓o左成晚只係接觸過o個位阿叔同埋幫我o既幾位醫務人員… Lonely 到呀…我又無起身叉到電喎，haha~ 咁唯有食o左個早餐無耐又食多個午餐 tum 下時間喇。
一個人悶o左好耐之後 call 阿媽後終於出得院，睇到o的初步o既 report 我除o左少少貧血之外我又乜事都無，好健康o下喎！ esp. 係膽固醇，desirable 係 below 5.17 ，我只係有 2.6x 。乜我日日食肉又唔食菜都係得咁少膽固醇jar~!!!?? 好健康~ haha~ 不過點解手震同心跳要 later 再覆診問o下醫生拎o左詳細報告後先知。
埋單七千幾！？好彩大部份有保險 claim o即…
