Month: July 2006
Thoughts about…
-
Fill with loneliness
今朝好悶咁又要番工，番到去好悶咁拆 schedule, 周圍o的人都唔講野o既… 放工禽禽聲執野走，諗住行到街上面會 feel 到熱鬧o的，但係拎住太多野唔想行，一出 office 就上左架村巴番屯門，架村巴差唔多空車咁車我走… 去到屯門又唔經市中心，又要專登搭多程輕鐵去市中心，有個阿媽帶住幾個細路又唔理，幾個細路愈玩愈狂，尖叫，我感到好煩厭…唔係厭個細路，我係厭個老母。 之後去到市中心，戇居居咁拎左回鄉卡、試褲買褲、去大拇指用筷子食左個炒意粉【都唔知點解條筷子我？】就返左屋企神奇地想佢有人時就無人。 繼續戇居居地坐係度上網，無聊到訓著左，訓醒覺，阿媽同細妹就去左睇戲叫我食自己，老爸去左個 fd 度食飯。我七點半去補習，唔，補完習去邊樹食飯好呢？ 而家剩係諗起以前成班 fd 去o個度食公仔麵既地方。um, 補完習去o個度食個麵都好，僻下o的悶氣。 The Blue Man said, "The only time we waste is the time we spend thinking we are alone." 咁樣即係話 My life is really a waste…
-
西褲
今日放左工一支公去市中心買多兩條西褲當校褲返工，因為 G2000 去到 final sales 嘛。點知原來我真係太遲黎，o的褲全部斷哂碼，我心諗：唔係咁黑仔嘛？專程黎到唔通買唔成？我搵一搵之後，俾我發現o的斷碼褲我好似條條都o岩 size 咁，試完呢條又o岩，試o個條又o岩，唔通我自己有 model 身形？ XDDDDD 我唔駛點搵 size 之下仲有得揀下款，睇見其他男人就真係慘，試都無得試，哈哈。結果我用左一個超級優惠價買左兩條褲返屋企。神奇既係，個 sales 哥哥話我呢兩條褲 fit 到連長度都唔駛改，每條收廿蚊既費用都慳埋，真係好似度身訂造咁。 我沾沾自喜地拎住呢兩條褲返屋企。
-
One and a half month
返左工就o黎個半月喇，不過所有o野都仲未係完全上得哂手，因為之前 department 有o的混亂，個個 department o的規矩都有o的唔同，攪到我又要學過哂o的o野。 我終於知道我自己o係屬於邊個一部門，我o個個新部門o黎，係專責負責公司既美國聯營機構遞過o黎 clients ，即係話…我將會處理幾多 compliance audit o既o野－－美國 standard 轉去香港 standard 或大陸 standard 諸如此類。將會同我而家做o既 SME (Small and Medium-Sized entity) 好唔同，個 senior 仲話呢個 department 將會處理好少 SME 既 job… 咁即係點？即係話我呢個新 department 會主力處理外國客喇。 因此，我又有好多新既挑戰… Manager F【一個個樣日日要著到好 formal ，講野似足 lovely waiting 既女人，我只係同佢講左幾次野，就聽佢講左好多次好多次要我多o的自信多o的自信多o的自信！】要我襯機會操掂國語【當然…仲有多國語言…】，佢話會 assume 我英文係得架喇，今日佢一埋黎就話 Dennis 你電腦掂唔掂？為左迎合佢，我諗左一個幾自大【同有自信心一線之差。】既答案：「emmm~ 我認為我比一般人好o的喇。」佢教我話，做人謙虛唔緊要，做野就一定要有自信心，主動，因為有能者居之！聽佢講野，我好似日日都o係度打緊仗咁。「輸人都唔可以輸陣呀嘛！你明唔明我講咩呀？」呢句口頭禪聽到我入哂腦喇… 我返工一向恤衫西褲加條領呔仔，我見其他同事剩係得恤衫西褲就算，雖然我唔鐘意唔帶領呔，但係我一直認為公司係有彈性既政策黎。早幾日聽番，我先知其他同事係無問題既，但係因為我呢個 manager 既關係，我呢個 department 全 department 都要著得肆肆正正…難怪我個 Senior L…
-
only 20001
實在太開心喇…呢個網站整左幾年，今日終於突破左二萬人次呢個大關！ 但係都唔知邊個咁好彩踩中二萬入黎，我只係得個二萬零一…如果有二萬人既 cap 圖，有野送架嘛~~ 哈哈~ 今日返完工就去左 join 埋阿飯、阿 Wing 、秀嗡同埋 waiting 食飯呀，去左旺角o個間沙嗲王，我第一次去，點解樓下好似o的 XX 夜總會咁既佈局？ haha~ 今日番工實在太 tired 喇，連拎相機出黎影低o的美食o既耐性都無呀，所以…sai 哂添。但係值得要提o既係o個度既襟掣 order 食物相當之先進！最後我想玩多o野叫人黎埋單o即，點知有個姐姐唔成全我。阿 Wing 又會咁早食完飯既，我覺得個白咖哩豬扒飯係幾好食。 之後我地再上秀嗡介紹o既 cafe 飲杯野，但係此時我發現個個都好似好 tired 咁，點睇都好似無線劇集o的演員吸完毒品咁既樣，當然包括我在內，所以我都忍唔住陰陰嘴笑左出黎，下次我地再約過出黎喇！ btw, 今日係我同 waiting 既二十二個月紀念日，真係話咁快就二十二個月，多謝哂 lovely waiting 呢二十二個月o黎o既關心同愛護，我會好珍惜你o架~~ 程程錫哂你~~~ XDDDD
