西褲

　今日放左工一支公去市中心買多兩條西褲當校褲返工，因為 G2000 去到 final sales 嘛。點知原來我真係太遲黎，o的褲全部斷哂碼，我心諗：唔係咁黑仔嘛？專程黎到唔通買唔成？我搵一搵之後，俾我發現o的斷碼褲我好似條條都o岩 size 咁，試完呢條又o岩，試o個條又o岩，唔通我自己有 model 身形？ XDDDDD

　我唔駛點搵 size 之下仲有得揀下款，睇見其他男人就真係慘，試都無得試，哈哈。結果我用左一個超級優惠價買左兩條褲返屋企。神奇既係，個 sales 哥哥話我呢兩條褲 fit 到連長度都唔駛改，每條收廿蚊既費用都慳埋，真係好似度身訂造咁。

　我沾沾自喜地拎住呢兩條褲返屋企。