實在太開心喇…呢個網站整左幾年，今日終於突破左二萬人次呢個大關！ 但係都唔知邊個咁好彩踩中二萬入黎，我只係得個二萬零一…如果有二萬人既 cap 圖，有野送架嘛~~ 哈哈~

　今日返完工就去左 join 埋阿飯、阿 Wing 、秀嗡同埋 waiting 食飯呀，去左旺角o個間沙嗲王，我第一次去，點解樓下好似o的 XX 夜總會咁既佈局？ haha~ 今日番工實在太 tired 喇，連拎相機出黎影低o的美食o既耐性都無呀，所以…sai 哂添。但係值得要提o既係o個度既襟掣 order 食物相當之先進！最後我想玩多o野叫人黎埋單o即，點知有個姐姐唔成全我。阿 Wing 又會咁早食完飯既，我覺得個白咖哩豬扒飯係幾好食。

　之後我地再上秀嗡介紹o既 cafe 飲杯野，但係此時我發現個個都好似好 tired 咁，點睇都好似無線劇集o的演員吸完毒品咁既樣，當然包括我在內，所以我都忍唔住陰陰嘴笑左出黎，下次我地再約過出黎喇！ 

　btw, 今日係我同 waiting 既二十二個月紀念日，真係話咁快就二十二個月，多謝哂 lovely waiting 呢二十二個月o黎o既關心同愛護，我會好珍惜你o架~~ 程程錫哂你~~~ XDDDD 

我個網站就黎二萬人次喇！我而家睇仲有九個位，唔知邊個咁好彩踩中二萬呢…？

【以下內容係表達我對 waiting 既思念，如果你無興趣知我地既 sweet dream ，你就唔好睇落去喇…】

　今日搭巴士望出窗外，見到一個女仔著住件黑色 Mickey Mouse T-shirt 喎，件 T-shirt 既背脊係印有好多白色既字咁既。第一眼望去：「YI~!! 呢個咁似 lovely waiting 既！」真係望多兩望之後，我先知我太掛住 waiting 喇，睹物思人認錯人……

　好掛住你添……好唔想返工，我想陪 lovely waiting …。 

　呢段時間，專登安排好多野做分散心神，但係好似過份地多，攪到乜都做唔切，樣樣都好趕，結果樣樣都做唔哂，開夜做攪到身體好弱，一個惡性循環o黎！總之係咁/下次既話，我會選擇將o的工作打散，樣樣都慢慢做，選擇多o的時間諗我o既 lovely waiting …，做耐唔耐都做下既思婷漢。

　身體真係好弱，下次都係未攪…一個 week 點做得哂補習, 返工, OT, QP questions, 整中學個網站？好 tired 呀！有 waiting o係身邊就好喇…

　搭車番工，我成日都係度偷望，唔係因為天氣熱睇人著小背心之類既野。係我會o係架巴士度見到一對對情侶拖住手坐埋一邊訓覺，感覺好似好平凡咁，但係我會諗有緣可以一齊，有緣可以搭埋呢班車，有緣可以拖住手一齊去返工，努力為未來。呢種緣分要好好珍惜，同埋我心底裡感受到佢地既 sweet 。雖然我知有得揀…我同佢地都唔想搭咁耐車返工……(一.一; )

　唔知點解，返工個 Keith 成日問我點同女朋友分配時間見面，星期六日唔得，平日又要返工，又要溫書，今日仲聽到我話要補習添！我答佢：「星期一、四、五夜晚我地安排左見面架，而家女朋友未訓工，佢有時都會黎搵我食 lunch 。」我心裡好明白除左呢o的， waiting 為我仲付出左好多。