Jul
5
尋日 lovely waiting 生日，我好希望可以俾到一個最難忘既生日佢呀，不過失敗左，哈哈~ 都係我準備不足。希望下次會好o的喇。
放工就約左 waiting o係銅鑼灣等，一齊搭車去赤柱美利樓 WildFire 食飯呀，今日雖然熱左少少，但係一場黎到，就緊係要坐出出面 outdoor 望住海景浪漫一下喇，坐落愈黎愈黑，就發現有支 candle 仔~ 我第一次同 lovely waiting 食燭光晚餐！ haha~
叫左好多野食，通常我地都係咁樣，次次都會叫左好多野食，飽到行都行唔到先走【可能係因為呢個原因…我成為罪恢禍手…haha】，叫左個 adobo ，都唔知乜黎既，就試試，點知係非常之好食架！仲有一個 pizza ，大到我諗四個人食先得哂【但係今次我地得兩個人…】；同埋一個意粉。真係好飽…有o的爆肚既感覺，但係 waiting 期待既 dessert 先係好戲在後頭， haha~ 好甜好靚同埋好好食架！因為 waiting 生日既關係，呢個 dessert 係送既，仲有支 candle 仔俾 waiting 許願添~ 佢話佢唔記得左祝自己減肥愈減愈瘦喎，哈哈，咁即係許左乜野願呀？um, 但係講左出黎就唔靈，唔好講好o的。
食到好飽，拖住手仔行左陣就搭車回家lu~ hoho~ 希望 waiting 鐘意我既禮物同埋呢一餐飯喇。
地址：赤柱赤柱廣場美利樓201舖
電話：28136060
