Month: September 2006

　今日放工時間就神神秘秘咁鼠左出去，會合 waiting 行街街喇。 　今次周年紀念我都無點準備到，都唔知 waiting 會唔會有o的失望。見無咩地方好去，因為大家都眼訓又唔想行得太遠，就去 cwb 行o下街，好舒服咁食餐飯咁靜靜地慶祝喇。 　大家即場"送"對方禮物，呢個早前協定o左o既方案雖然無哂神秘咁，我o地仲一次求奇個一次，但係真係無時間o既，好快會有下一次補數~ haha~ 　收到個我極之鐘意o既袋，而家搭車返工終於坐底時，終於有o的o野攬住訓覺喇，話時話，個袋真係手感一流！之後我地去o左食峰壽司同埋義順雙皮燉奶。o岩o岩好 full ，就慢慢搭車行返屋企lu~ 　眼訓都寫唔到太多o野住，但係好值得一提o既係 waiting 欠我o野呀~ haha~ Those you promised when you went back home o既呢~ hohohohohohoho~ P.S., 今日俾管理層召見，講o左十五分鐘，我人工有兩位數增幅~!?? (@.@) 但係都無咩興奮o既感覺。十五分鐘o既講話都似預o左我會走咁…anyway, 都未必o架喎… P.S., Just visit 完一個 website ，感到有無比既屈辱，怒火中燒，睇怕今晚都訓唔著……

　其實我一直都同o的堂阿哥佢地唔熟，有 gathering 多數都係阿爸自己一個去，細個o個陣時反而會周不時join下，仲覺得明哥個老婆好靚(haha~好耐之前有提過~)，但係自從伯娘過o左身之後就少去好多喇，所以其實我懂事之後對阿伯o的仔女都了解唔深，最清楚o既都係最大o既堂家姐，因為印象深刻：佢嫁o左個瑞典男人，移民埋過去兩個一齊都做護士，生o左個男 baby 勁得意，金髮的，叫天詳。其他o既，只係記得o的堂阿哥【有六個兄弟姊妹…】應該係結婚約埋哂係葵涌間美心包哂成場擺酒【同一個地方飲o左三次喇…】… 　上次未講過堂阿哥買o左o架 Benz o既，突然間有種衝動去了解多o的呢個堂阿哥，就用 Google 神去起佢底之餘，仲問下阿爸阿媽咁，唔… 　o係o的網站度講佢o的威水史時，覺得佢背後好似發哂光咁，好勁好得……當最後o係香港管弦樂團(Hong Kong Philharmonic Orchestra)個網站度見到佢張相時，我就彷彿感受到佢以前所做o既努力同埋付出o既血汗咁……【同埋…燕尾服好鬼型仔o既o即，haha~】因為我同佢地同一個背景出世，彷彿一樣o既家庭生長，我出過o既努力只係得而家咁o既成就，而見到呢個堂阿哥咁樣，我就似親切體驗到佢點樣得到佢而家o既一切喇… 　幸福係要由自己爭取的，就o黎廿四歲喇，唔可以再胡胡混混咁。再成熟一o的，把握多o的機會，努力加油，目標清晰，我無理由做唔到的！ 　p.s. 唔知點解 Def-link 一定要用英文先 function 到，所以專登 post 個香港管弦樂團英文名出o黎…

今日考既試不值一提喇，當 tired 到爆咁返到屋企時又收到張廢紙，原來係封追債信，香港最大既債主o黎追我數，唔… 每三個月 $1823 ，還足五年…周身債… A demand note for the first repayment instalment will be sent to you shortly. Please note the repayment conditions printed overleaf.  My god, (T^T)  我好苦呀…

聽日要去呢度考試，點解我要去咁遠考架…？ 

呢排做野溫書成日孤伶伶，覺得自己好可憐咁，就萌生了好多買野既念頭，又想買 NDSL ， 又想買 N70 ，仲想買手提袋同埋一件型褸咁。 型褸 但係當今晚溫完書歸家行過見到一個人 driving 呢架車時，諗法就唔同哂。   Merceded-Benz Viano 3.5  見到呢架車，好羨慕添，好認得堂阿哥都有呢架。當時見到佢咁型，我就心諗：「我都一定要買到一架。因為佢實在太 attractive 喇…」之不過o個陣時唔知道個價錢…um, 我一定要加油先得。 搭車就一路諗：  Merceded-Benz Viano 3.5 $728,000.00 樓一層 $2,000,000.00 成家立室 $1,000,000.00 MBA 一個 $300,000.00 CFA+CPA $30,000.00 加加埋埋成 $4,058,000.00 ，無錯既，可以用o黎做十年目標，買得幾多得幾多！所以而家o的 NDSL ($1,800.00)、Nokia N70 ($2,180.00) 、手提袋 ($1,000.00) 、型褸，一o的 mood 想要都無哂喇… haha ……仲有爆多 motivation 去溫書，仲好想 OT 添！【火】 haha~

　大家近來生活點樣？又就o黎中秋喇，o黎個大團聚好無呢？ 　整理一下自己個 calendar 時，發覺唔經唔覺返o左工三個月喇，好似好快就過o左咁，回顧一下，比起三個月前仲係學生o既時候望o既o野已經完全唔同哂。有o的無奈，但係又有o的期 待，明白我要飛黃騰達，但係而家留起度做野，逐漸有少少迷失【慢慢融入o左係一個圈子裡面】，我要記住仲要 enhance 競爭力 advance higher! 　有血有汗的成功請o左一個禮拜大假，但係…用o黎讀書。今日去o左自修室，就勉懷一下數數自己有邊幾處地方仲可以保留住學生o既身份： 八達通優惠；應該十月度就無埋lu… 畢業典禮 ；十一月是嗎？ QP；我係一個 student member… 好似無喇… 　雖然似係無o左學生o既身份，但係我今日仍然要去自修室續証、尋日要去公共圖書館同班會考生爭凳仔。何解？ 　唔係OT就係溫書，唔係溫書就係OT。我睇自己係為未來鋪路，人地睇我係這又何苦呢？ 　Super tiring!! 休息時分諗住透過電話唱支歌仔俾 waiting 聽，有哂心理準備之後點知一開聲就入唔到 Key。我咁做又何苦呢？ haha~