今日又溫馨又快活，好耐無試過咁 relax 去玩喇。

　我本來同 waiting 約好o左日子今日去玩，但係我o地o既決定徘徊係去長洲好定係去迪士尼好，因為好似無耐之前先去完迪士尼，所以就諗住去長洲玩喇。我都做o左少少 research 長洲有乜好玩，但係到朝早上到車見到前面個男人睇o個份報紙，俾我留意到迪士尼做緊個 Halloween Ad. 喎，就心諗 waiting 應該幾想去o架喇…

　見到 waiting 我試探性地一問，waiting 果然心繫迪士尼，haha~ 我地就即刻轉向搭車出發去迪士尼喇。因為我地無預過會去，所以我地無夾到時間、又無買定票、 waiting 又無準備到佢o的出門幾寶添！但係好彩今日有少少天陰。 

　而o係車上面就夾好，今日o既重點係影 Disney Friends o既一系列 Halloween 裝扮相同埋買 Halloween 紀念品呀！一入到去見到吸血彊屍裝扮o既 Mickey Mouse ， Waiting 就成個彈彈下咁……(一.一) 又唔見佢見到我彈彈下喎…haha~

　睇 米奇幻想曲 show 時唱到 "…for you and me…" 時睇到我眼濕濕，o的歌真係好鬼好聽o架。

　又玩巴斯光年星際歷險， waiting 就弱o左少少，得 39xx 分，我成 99xxx 分，成廿八倍。無問題無問題，開槍打怪獸就等我o黎保護你喇，拎起筆 waiting 先勁好多o架嘛~ haha~ 之後玩多次，waiting 進步o左有四萬，但係程程已經十四萬喇~ hohohoho~ 唔好賴o的機器唔掂喇。

　玩埋新遊戲全方位接觸o既幸會史迪仔 Stitch Encounter 同埋馳車天地 Autopia， Stitch 做得好好！同埋賽車都唔錯。

　入o左去出口處無遠o既迪士尼壞蛋的家，o係等o左好耐喎，大家都好疑惑唔知係度等乜o野，等叫到我同 waiting 入去o既時候，只係見到一個男職員係度，環境就好似下面張相咁…

　Waiting 係一個警覺性好高o既人，一見到個"公仔"就話：「佢識"肉"o既！！！」個男職員就話唔會唔會，率之我地就埋位拍o左呢張相喇，當拍完o既一刻， waiting 鬆懈o左起身o既時候，個"公仔"就大力咁行埋佢度喇，嚇到 waiting 成個人抱頭彈起o左，從未聽過佢咁大聲咁：「呀~~~~~」 XDDDDDD 我笑到肚痛咁濟~ XDDDD 之後我有扶起佢同好認真咁同個 Captain Hook 話你嚇親佢喇！ haha~ 之後都好和氣咁同佢合照多一張咁~ haha~ 走o個陣時終於知道點解等緊o既時候有咁多尖叫聲喇… XDDDD

　A very nice day. And it's worth for the ticket. Happi

　今日放工時間就神神秘秘咁鼠左出去，會合 waiting 行街街喇。

　今次周年紀念我都無點準備到，都唔知 waiting 會唔會有o的失望。見無咩地方好去，因為大家都眼訓又唔想行得太遠，就去 cwb 行o下街，好舒服咁食餐飯咁靜靜地慶祝喇。

　大家即場"送"對方禮物，呢個早前協定o左o既方案雖然無哂神秘咁，我o地仲一次求奇個一次，但係真係無時間o既，好快會有下一次補數~ haha~

　收到個我極之鐘意o既袋，而家搭車返工終於坐底時，終於有o的o野攬住訓覺喇，話時話，個袋真係手感一流！之後我地去o左食峰壽司同埋義順雙皮燉奶。o岩o岩好 full ，就慢慢搭車行返屋企lu~

　眼訓都寫唔到太多o野住，但係好值得一提o既係 waiting 欠我o野呀~ haha~ Those you promised when you went back home o既呢~ hohohohohohoho~

P.S., 今日俾管理層召見，講o左十五分鐘，我人工有兩位數增幅~!?? (@.@) 但係都無咩興奮o既感覺。十五分鐘o既講話都似預o左我會走咁…anyway, 都未必o架喎…

P.S., Just visit 完一個 website ，感到有無比既屈辱，怒火中燒，睇怕今晚都訓唔著……

　其實我一直都同o的堂阿哥佢地唔熟，有 gathering 多數都係阿爸自己一個去，細個o個陣時反而會周不時join下，仲覺得明哥個老婆好靚(haha~好耐之前有提過~)，但係自從伯娘過o左身之後就少去好多喇，所以其實我懂事之後對阿伯o的仔女都了解唔深，最清楚o既都係最大o既堂家姐，因為印象深刻：佢嫁o左個瑞典男人，移民埋過去兩個一齊都做護士，生o左個男 baby 勁得意，金髮的，叫天詳。其他o既，只係記得o的堂阿哥【有六個兄弟姊妹…】應該係結婚約埋哂係葵涌間美心包哂成場擺酒【同一個地方飲o左三次喇…】…

　上次未講過堂阿哥買o左o架 Benz o既，突然間有種衝動去了解多o的呢個堂阿哥，就用 Google 神去起佢底之餘，仲問下阿爸阿媽咁，唔…

　o係o的網站度講佢o的威水史時，覺得佢背後好似發哂光咁，好勁好得……當最後o係香港管弦樂團(Hong Kong Philharmonic Orchestra)個網站度見到佢張相時，我就彷彿感受到佢以前所做o既努力同埋付出o既血汗咁……【同埋…燕尾服好鬼型仔o既o即，haha~】因為我同佢地同一個背景出世，彷彿一樣o既家庭生長，我出過o既努力只係得而家咁o既成就，而見到呢個堂阿哥咁樣，我就似親切體驗到佢點樣得到佢而家o既一切喇…

　幸福係要由自己爭取的，就o黎廿四歲喇，唔可以再胡胡混混咁。再成熟一o的，把握多o的機會，努力加油，目標清晰，我無理由做唔到的！

　p.s. 唔知點解 Def-link 一定要用英文先 function 到，所以專登 post 個香港管弦樂團英文名出o黎…