Month: October 2006

　拎左畢業袍咁耐，今日番去大合照喇，但係我唔知去邊邊好，最後只得一幅大合照…點算好？   　p.s. 尾二o個張相，係 BU ACCT Grasshoppers ，上 auditing 時曾經大膽許下宏願，不久將來成立一家－－林陸梁會計師事務所。專係公司註冊處門口度搶客仔~ 我諗仲要加少少美色引誘先得~ XDDD Bless us, peers~ 

　呢幾日日日都 OT 趕 job ，晚晚成十點幾先走得，點幾兩點先有得訓。今日星期六，當然無得例外，都 OT 左成個鐘先走，但係都唔知點解做極都做唔完… 　做到咁上下就走o左，去左同 waiting 行左一陣，食左個幾難食既仙棕林，為既原來係杯野飲…ors…諗住買計數機買唔成，想買o個隻款好似停左產。行一陣都幾好呀，呢排有o的意欲買個 NDSL 玩下添。 　之後就返屋企，食完餐飯之後就到今晚既戲玉－－鳳凰山之旅，尹仔佢年年都攪個行山團，但係我次次都無去呀，見好似好耐都無行過山咁，同埋最重要係想同尹仔 and 山羊 and 班 fds 聚舊咁。點知大家仍然好忙，但係都無損失到，見到尹仔同山羊都已經非常滿足喇！ 　先去左同 MK 一間 cafe 同山羊攪生日會喎，尹仔幫佢攪架，搵我做神祕嘉賓，拎住個蛋糕嚇完全唔知我會出現既山羊一跳喎。我乜都無準備到，仲一身行山 look ，感到有o的唔好意思呀。不過 outcome 個氣氛唔錯呀，幾個男仔一齊玩到傻哂，佢地準備o左o的禮物幾有心思，haha~  　俾我地勸服之下，山羊連佢o的 group project 都放棄左，陪我地一切上山！半夜一點，齊集o係東涌警署之後，就開始上去個山腳喇。  　其實呢段行去山腳既路係可以搭車既，但係我地習慣性地都會途步行埋佢，都要行成個鐘頭既，幾晚無訓既我，成程都唔想出聲，默默地向前行。一個鐘頭後終於去到山腳，但係我已經半死喇，好眼訓，對腳勁 tired 。好想就地訓覺， haha~   　咁我當然無咁易放棄喇，話哂都係以前賤行者既成員，有返咁上下耐力。跟住隊尾一步跟一步咁，幾個鐘頭不知不覺咁就過左去喇，無驚無險，上到半山頂既一個涼亭度，呢度原來已經聚集左唔少人係度，眼太黑唔見佢地，但係耳聽到佢地講野，似乎女多過男。而我地呢 team 人，因為有o的頂唔順，我就係頂唔順既其中一個。分開左兩 team ，其中一隊行多四十五分鐘上山頂，另一隊好似我地咁，就留o係度等日出。上其實去到呢個亭既我，今晚已經足夠喇，haha~   在雲層中的我… 　呢度大風到人都吹暈，因為已經有返咁上下高，而且對住個海無遮無掩，o的凍冰冰既海風直吹上黎。我唔得喇，身子弱加上有次難忘既經驗，今次帶左老豆件羽絨上山！但係寒冷既強風徹底將我吹倒，不只我，連本來註守係度既男女都抵受唔住，半夜就落左山。我都選擇避開，不過只係將個 back pack 放係頭後面，穿起羽絨，躺在草地上，靜靜地被四周既黑幕同一望無際既星星包裹著對抗寒風。一眼望去，真係好似 Disney 阿拉丁個畫面咁，但係呢個唔係動畫黎，係真實的。慢慢我就咁訓著左。 　訓左成個鐘後，一陣冷風凍醒左我，發覺而家仲凍左一倍有多！其他朋友個個凍到攬埋一舊，仔細o的望下，先知我地而家係雲層入面，濕度極高，當然亦都加倍地凍…凍到成個人硬左。咁樣處於凍冷冷既狀態，又一個幾鐘。  　等到天光，見到個紅色圓圓既太陽，好似係我地腳下咁，天氣開始和暖，大家都慢慢恢復番知覺，周圍行下，欣賞下破撓既景色。之後就落山喇，唔明點解山羊突然間患上畏高症？喂，咁點落山呀？好彩好快佢就克服到喇。 　落到去，搭巴士去東涌，食個早餐，等花店開門之後，就歸家喇。一訓訓左六個鐘，不過當然地係唔夠喇。

　呢個 week 做野忙到 luc 碌咁濟，本身份野我自己又趕、Manager 又趕我、Seniors 又催逼我、個客又日日打電話o黎問我做成點，之後仲發現 Tax rep 係不久o既將來都會o黎催我交貨﹐我感到好大既壓力，而且仲好無助。呢份 job 雖然學到o野，但係我對佢感到好煩厭，少o的耐性都死… 　星期五仲要三份 job 同時處理，呢邊發現我外借左去隔離個 department 要簡介我個 job 要做咩；一面要趕住出份 accounts ；另一邊箱，又同另一個 client 電話 keep in touch 周旋緊佢個 situations… 人都癲… 　星期六同埋 waiting 返 BU 拎畢業袍，見番唔少同學仔，好開心！不過感覺到呢日我好似矌工咁，當我o個組人成組都返公司OT，我粒聲唔出走左出黎，仲要手頭上成堆野要做，黎緊又不停有野做，我有o的內咎。好驚被隔離之餘，最唔鐘意o個種成身 work in progress 既感覺，攪到我成個禮拜都失眠，日日都訓得五個鐘，都係諗唔明o個幾十蚊去左邊…點算？因為我發現左個問題，一個無得返轉頭既問題，我預感到我唔盡快解決到呢個問題就有個大危機… 　之後我整嬲左 waiting again, um, rite, again and again, 今次係我見佢最嬲既一次。我徹底地 hurt 到佢喇。我做緊o的乜野？fxxk shxt！o個晚係做人咁耐以黎最黑同白o既一晚，好 dull 。 　今日一訓醒就去同阿婆同埋成班親戚飲茶，因為我帶埋o的袍同佢地一齊影相。係喇，感覺好舒服，o係我覺得我同家人好遠既時候，只係一件事，一個簡單既家庭活動，覺得好 warmth ，大家拉近左好多。我應該為呢種關係付出多o的。…

　今日莫名其妙地給人罵了一大頓，深切明白到同樣的做法在不同的處境下有如此極端的結果。原來就係咁飄忽。從此恐怕要有心理準備，免得好似今次咁嚇親了。 　心理上的處理方法：好似當聽 client 電話咁，當所有野都係發up瘋。【亂咁寫表達錯誤，其實我想話係唔好將o的衰野成日諗住呢個意思…】慢慢咁練習，我o的 EQ 就會好快提昇。從而以後既事就會愈緊急愈冷靜。 　積極o的o既思考方法：哲學性既角度，了解發生乜野事才作反應。 P.S. 周圍聽到既都係壞消息，心情有些糟…  　之後無喇喇做錯o野，俾電話我捉o左入房扣查，點解我做完o的o野會乜都唔記得o既…？各位做 audit o既朋友，又有一個心得，記住o係呢個簽名落案做o野o既制度下，一定要記住自己做過乜o野，因為隨時會無喇喇被問及一個 job o既其中一部份有咩錯漏咁。今次事件又學會名唔可以亂簽，簽左就要負哂o的責任。而且今日仲交足學費。 　夜晚成家人去左樓下茶樓打邊爐好 causal 咁慶祝老豆農曆生日，今日睇得出老豆真係好開心，原來只係我只要話去紅橋打邊爐咁簡單就令佢滿足哂。最後我找數前，老豆有個舊伙計咁o岩黎左又同佢吹下水，一邊讚下我呢個世侄時又當然會誇下自己o的細路有幾叻咁，老豆又開心o的。今日有個 nice dinner 。 　聽晚表哥娶老婆，哈哈~    　補充一下：尋晚去o左陪尹仔同少文打波，好耐好耐無 meet 過o的 old friends ，但係真係 friends o既，無論相隔幾耐幾遠，友情都無可能會變，重拾番以前大家柴娃娃時o既感覺，好 simple 好 pure~ XDDD 相比起而家，而家太 complicated 喇，好人難做…… 　整多張大家睇下。 :P   

　呢排放工，見到 lovely waiting 黑眼圈一日比一日加大，眼袋一日比一日厲害……真係我見猶憐，仲要日日拎住部咁重既電腦【重唔緊要，但係個電腦袋stupid嘛… haha~ joke】，um, 講真真係好想幫o下佢手… 　認真的，o係我眼中我知道 waiting 真係好辛苦咁捱緊，眼訓到佢成個人都落哂形，但係都要撐住喇，雖然真係唔知幾時先會捱完，但係慢慢就會習慣到，要比心機呀。 　我呢一面首先要 relax 自己，發揮自己o既 EQ potential 對抗自己既壓力同埋疲累，亦都要比多少少耐性，同埋體諒大家o既生活、處境o既轉變，um, 無問題，我實做得到。 　大家都要努力！Miss you dear! 　P.S. 呢幾日見到個同期o既男同事終日鬱鬱不歡咁，食 lunch 又寧願一個人自己對住個電腦食，睇到自己個影子。因為佢親愛o既女朋友已經返o左英國讀書，正常o黎講要成年先再返o黎。想當年， waiting 去o左地球o既另一邊 – 美國，程程o既鬱抑情況唔會比佢差喇，佢果然係好仔一個，香港唔係死哂o的好仔o既，起碼我識o既朋友入面，我認為係好仔o既絕對唔少！搵到一個路途上同病相憐o既朋友，同佢一齊分享o下苦況，果然病入高盲呀，希望呢個分享可以開解到佢喇。 　唔好聽光良o的歌喇，會喊的。  →中秋節快樂