今日返左大陸 TCL 總部做左一天野，先發現點解深圳人原來已經咁普遍用普通話！唉…弊喇，而家過左河講野就口震震，不過就算口震震，我都好勇敢咁講，雖然自己唔知自己講咩之餘，亦都唔理對方聽唔聽得明。haha~ 大家諗起以前套港產片雞同鴨講就知我今日點用"普通話"同 TCL 班人吵架~ XDDDD 講到佢不明白我在說甚麼時，佢就要思索下，呢一刻我就一"龍"嘴上，叉住佢地把口！

　成功地要求 client 合作之後，我同採購部既經理一齊去銷售部睇 BOM Bill Of Material (Ref: stands4.com) ，十一樓負責操控電腦帶著幾分清純既姐姐：「依~~找不到的？沒理由的…」我: shit…她又再：「不是嘛~」<–每個字慢半拍，半隻字高一個音！我心諗：把聲駛唔駛咁溫柔呀…拎住個 mouse 隻手指尾都橋起？不用吧…？唔掂唔掂，拿拿聲抽三十個 sample 就落番十樓好過喇，寒到打震，都唔知點解佢附近o的男同事點解無結冰既。過左深圳河，彷彿成個世界唔同哂…

　點知有o的 sample 抽唔到就同個 manager 去十樓另一個 system check ，又見到另一位姐仔……sigh……好唔習慣呢種 working environment ，都係香港 office 好，男男女女都係咁 "man" ！ haha~ 呢度做野，點講呢，感覺係d女仔個個都懶係好清純，但係就奇怪而家已經無乜鄉土味o架喎！個個都好似嬌小柔弱咁既，連我呢o的性格偏中性既人都感覺到，明顯覺得香港o既女仔真係"與別不同"。如果某朋友上去做野，一定會好 enjoy ~ XDD anyway, 今天見到既真係上面o個層o個個溫柔，下面o個個可愛？ XDDDDDDD 拿~~~ 我名草有主，而且虛不受補，只係up下野，表達下意見咁jar~

　呢期又就黎考試，我覺得最難既 Financial Reporting 果然無令我失望呀，收到第三個 workshop 後既電話之後成個人醒左一醒。係喎，我咁驚佢，邊有可能可以面對佢？

　因此今日上之前報左o個科雞精班時特別醒神，好留心咁聽佢講野，我上堂學既根本唔係佢教既內容，內容駛鬼你教，三個鐘邊有可以學得熟學得精，呢o的o野只有靠自己。我想知道佢係點對待呢行既知識，佢點樣去運用呢種知識，可以點樣表達出一課關於會計書裡面既知識出黎。仔細觀察之後果然有所得著。

• 背後十年功，台上就一分鐘；見到佢身裁走樣、目光無神、皮膚粗糙就知學會計不可急於近利，慢慢學先會有所成，想快就唯有捱夜，時間一定要花！雖知要學識 depreciation 既 concept ，以為好似 division of labour, biodivisity 咁容易圖像化咁去理解嗎？
• 雖然細節之下表現出佢之前捱得好辛苦，但係就明顯見到佢而家係好自負咁對住我地：「你睇我幾勁！咁都識，你地唔係唔識嘛？」呢種感覺除左係呢位小姐俾我感受到之外， Stella 、多位 QP facilitators 都令我領教過。我覺得你串得好，學會計既人做野、計數、講野、表達真係快到不得了，最討厭就係 explain 同 disclose ，一 explain 同 disclose 就意味住有排做， We HATE it!
• 今日佢串串地，但係我又幾受喎，鬼叫人地落左咁多苦功落去，你就優優閒閒走去玩 Football Manager 2007 、仲 update 埋去 Version 7.01 添；人地對住 d consolidation 玩到出神入化時，隻 game 就提我話 It's time to change your underwear; A true Football Manager do not need sleep.
• 喂！大佬，都係呢句：人地識 conso 係大師、你唔識，就要黎學野架喇！ Bingo. 你惡你好野，但係唔好睇死我，等我立即開幾晚通宵攪掂 recognition, 用埋日頭蛇王熟哂d classification, 再 ko 埋個無敵 weekend 黎攻破個 measurement, 最後食住 cookies 餅懶係休閒咁睇埋 disclosure 。好快就會惡過你！
• 會計係一個惡性循環黎。喂、我醒過你呀~ 超！好威咩？我再勤力o的就勁過你，到時我就得戚過你。
• 人前就威風，背後就陰公；都唔知浪費左幾多青春對住o的識o左都唔明對自己有乜用o既知識，溫書做野攪到精疲力盡為既好似只係呢一把火咁。

　尋晚訓覺前睇左一本叮噹大長篇【我儲緊既全部都仲係叮噹黎，唔捨得flow them away】先訓覺，講到o的 robot 大戰地球人，科學家有科學家o既用處、醫護人員 of coz 有 definite 既作用、 soldiers 都有佢地既本能，會計師？算把喇你~

　p.s. 講完一大輪，翻睇時都似係一篇廢話，但係慢慢睇落又好似有 d meaning 咁喎，無錯喇！呢種就係我地 accounting o既感覺囉。睇住 d 客既垃圾 ledger 真係把鬼火想一野燒哂佢地費事係度督眼督鼻，但係佢地話我有錢俾你駛，你就要慢慢煲熟佢、砌靚佢：「吹得我漲咩？呵呵呵呵呵~ 」你睇下你呢張凶惡既嘴臉！ Anyway, 我始終對會計係幾有 faith 既~ haha~ 唔係話唔做會計可以做得乜呢種理論，只不過覺得自己幾 enjoy 係呢個 crazy/unpleasant 既 game 入面做一隻求生既蜢蟻~ haha~