Year: 2007

Thoughts about…

  • Happy New Year to All of You

    —

    by

    tigerlazy
    in

    　之前因為要考試，所以連聖誕節都無得慶祝，更加唔好話整張聖誕卡出黎祝大家聖誕快樂，不過好彩仲有個元旦黎緊補返數！各位新年快樂呀，新既一年事事如意，同埋身體健康。  　Lovely Waiting 去左北京有一個禮拜喇，佢而家係上面好似受緊軍訓咁，無啖好食，又無覺好訓，最慘係凍到變雪條【佢自己形容】。點算？仲要捱多幾個禮拜呀！ My poor Waiting! 　o個邊箱慘無人道，呢邊箱我公司無端端要我放埋o的 annual leave ，攪到我呢幾日一支公放假放到一月一號，一月二號先返得工。無所事事，又寂寂寞寞咁，你話攪乜好？不過呢兩日都要去 body check ，一個係 AIA 加保單要我去驗一次身，另外一個公司我一早安排左 annual body check，係咁不停俾佢地抽我o的血走去驗……我仲有幾多血俾佢地抽……？

  • Christmas 2007 is cooooming!

    —

    by

    tigerlazy
    in

    　今年我同 Lovely Waiting 因為工作既關係唔可以一齊渡過聖誕同埋我既生日喇，所以早排我地提早去左影我地既聖誕相，每一年都影既海港城對出o既裝飾。 　Lovely Waiting 下個禮拜就去北京一個月做野，而家就被安排緊接住去南京做個幾月野，呢鋪真係天南地北喇……我希望可以趕得切返到香港過年喇。不過我而家又係一個 JunJun, 邊度到我話事幾時返。不過 Waiting 就慘，北方咁凍又趕唔切去佢姑姐個婚禮。不過最慘係我，我今年生日無得要 Waiting 陪我呀。好苦命呢。不過做o野係緊要o的o既！ 　而家到處收緊料到期時我地可以點樣聯繫，準備o左好幾個方案。  一：用我地既電話台 3 既長途電話服務，聽同事講佢地有 promote 一種 service 用超平價俾幾個月月費傾長途咁，未問詳情。 二：用 Skype 裝落我地個 PDA phone 度，跟住用 whatever 既 access method  連上 internet ，happy 又唔駛錢咁無限傾長途電話。不過呢個仲未試。 　睇o黎以後仲有大把機會遇到呢o的問題，一定要研究好最正o既方法。 

  • Popular Photography and Imaging

    —

    by

    tigerlazy
    in

    Partner Irene 請我地食 buffet  　溫溫下書感到好無聊，我覺得我o既生活裡面，其實係佔生活大部份既 audit 工作上，好似得數字同埋文字咁，係未攪到我左右腦發展唔平衡，埋沒o左我日常生活中左右手並用o既天份【其實我唔知有無關係, haha】。 　當我消化完第一本 Popular Photography and Imaging 之後，感覺到右腦好似 colourful o左好多，再睇番o的 CLP ，感覺完全唔同哂。之後我先發覺，要將自己個右腦滿足o左之後，左腦先可以慢慢活起o黎。 　睇 CLP o既時候，出現o左好多圖片係腦海裡面做插圖，一幅一幅咁攪到成段文當堂睇落好鬼順眼！ 　Popular Photography and Imaging, what a great magazine! 攪到我好想整部 Nikon D80 用o黎影相， Landscape, food, my lovely waiting, would be all sharp and beauty! 呢本o野帶o黎好多 great ideas and imaginative photos ，睇完真係好鬼滿足同開心，同本土o個o的真係差得遠。 其實講o左咁多野…可能只係我唔想睇 CLP 。

  • My christmas present 2007

    —

    by

    tigerlazy
    in

    　 今年聖誕節禮物入手！一個超級超級超級可愛o既自家制 Bear 呀！今年屋企隻 Mr. Bean Bear 唔駛再孤玲玲過 lonely Christmas 喇，有個新歡陪佢。 Waiting 成日問我佢值幾多分？十分裡面有一百分呀！佢好趣緻，而且 Waiting 既誠意係無價寶o黎。

  • Basketball League – Game 2

    —

    by

    tigerlazy
    in

    　今日再次同公司其他 Department 打Basketball League, 今次既對手係 dept 4 ，佢地出名快攻。 　我地諗好哂對策，而且 outcome 亦達到目標，不過就衰自己，首先我就無氣無力咁，隊友狀態都似乎麻麻。 　公司請o左o的專業既球證黎睇住我地場波，最抵死既係 Anthony 坐係佢地隔黎等換人時聽到佢地話：「又無氣，又唔準。依？呢個好o的喇！【講緊 Gary Li】唉，又唔入……」 　佢既評語可以總括哂我地今晚既表現！ haha~

  • Ill and seems never ends…

    —

    by

    tigerlazy
    in ,

    　工作方面一切總算安定落黎，但係壓力大左好多，時間亦愈黎愈唔夠駛，攪到訓覺時間愈黎愈少，由九月開始一直病到而家都斷唔到尾。 　黎緊仲有超級多野要做，舊公司o的o野一直斷唔到尾，又要考試又要學車，新公司又參加左個籃球比賽，又要 keep 住去打，我好想多o的時間陪下 waiting 呀！ 再咁樣落去我鐵打都唔掂，睇黎要放棄打籃球。 　個公司個 booking 已經去到一月尾，我真係要早返半年 plan 下我o的假期先得……

  • Halloween @ Disney 2007

    —

    by

    tigerlazy
    in

    補寫十月一日  　今日我地再次又 Disney 喇， Hong Kong Disneyland 就黎俾我地行到爛哂喇，哈哈。今次係為左佢新既 Halloween 節目而入場既，今次比上次真係準備多左好多， Halloween 氣氛濃厚呀！ 　從今天起我都愛上 Mickey Mouse 喇，佢真係好鬼鬼馬o既o即~ 非常識做！ wahahaha~

  • Last B-trip for UHY HK

    —

    by

    tigerlazy
    in ,

    距離 last day 仲有 4 日  　今日返公司都無乜做到野，只係準備下之後幾日要去台灣既工作。同埋買左 Huspy Kreme 既 Doughnuts 派俾同事食。當我派俾 partner 食時，partner 當然問下我幾時 last day 喇，又問我去得多邊到做野，仲問我「普通話講得怎麼樣」，我就回應返句「還可以吧」。haha~ 無錯呢，呢一年，自己最大既得著，亦都係 Fanny 適心既安排，自己既普通話確實講得好左好多，雖然仲差好遠好遠先達標。 　 之後一放工就 join 埋 lovely waiting 同 uni-mates gathering 。點下人頭先，有 Wing 同埋佢 bf Adrian, 蕉仔, 秀嗡, 阿飯, Tina, 同埋我同 waiting. 大家約左係 CWB Outback 食野，蕉仔整左支青島啤酒，支持國貨。秀嗡就問我入黎我間 firm 點樣？我話我咁o岩 quit 左，haha，阿飯, Tina, waiting 係咁講係咁講， Wing and Adrian…

  • Nearly the end of working at UHY

    —

    by

    tigerlazy
    in ,

    距離 last day 第七日 　本來今日係短週黎，但係因為黎緊o個個 week 要做去埋個台灣 trip 先可以 last day ，結果今日 manager 話要我地返去開個 briefing ，我地一行五人，三個今日短週，一個請左假，一個好想請假，結果返到去個個都無乜 mood 做野。 Lovely Waiting 都感嘆話，點解人辭職你辭職，你一個月通知仲要開 OT ，仲要去 trip 架？佢講得都唔錯，不過我覺得就算辭左職，一場主僕，唔可以話走左去就走左去架嘛，我o個一刻都仲係中天華正既員工黎架，幫得都要幫架……睇黎又一次意見 不合。 　呢個 weekend ，諗住去迪士尼，又諗住去海洋公園、大澳、Megabox、又一城、APM，結果…一切攪定之後決定去銅鑼灣阿貓地灘，點知去到先知閉門大吉。喂，好黑呀！！

  • Going to PRC’s village of concubine

    —

    by

    tigerlazy
    in

    距離 Last day 第八日 　今日真係無厘頭收到 call 話要上大陸深圳布吉做野，做邊公司都未知，上網搵下資料，剩係知布吉鎮係一條二奶村，haha。呢鋪真係烏下烏下，八點四十五分正坐定定o係羅湖口岸茶餐 廳食個餐蛋公仔麵，順手叫左杯唔錯既凍檸茶，結果等到十點十一點都仲未上到個 licensee 安排既七人車，個司機連深圳香格里拉酒店都唔知係邊，更惶論佢會知道邊到係交通樓。電話都就黎爆既時候先知個司機去左皇崗口岸，你話佢係未玩野？ 　 做到成四點幾，要執野返灣仔公司，原以為唔會再有機會返公司，無端端又返到黎。不過得一個小時就放工。呢一個小時做左乜野…？整理左小小 notes ，填埋d 返大陸既 disbursement 同埋 time sheet ，再去樓下三樓參加 partner 埋生日會，返返十二樓食左公司送既下午茶，收工！ 　今日 lovely waiting 個姑姐請佢兩姐妹去尖沙嘴 Cova 食 dinner ，我受到邀請架。不過尋晚訓得四五個鐘，又一陣鄉下徐同埋惡頂既汗味…都係透過 waiting 婉拒姑姐既好意喇。 p.s. 今日同事話我每次同 waiting 通電話【佢地稱呼呢個叫報到】時，都感覺到我好似我就黎要結婚咁，係咩？ XDDDDDD  Waiting 話叫我恨下先。