Month: April 2007

因為黎緊要溫書同埋更換 Host 既關係，從今日起本站要關閉大約兩個星期。 haha~ 不過我唔寫兩個禮拜，都無人知我係關緊站喇。

　今日執野時又發掘到o的好野！一本小學時班主任陳老師送俾我既故仔書－寶船，回味一下先。 

　今日完成左一個好重大既任務，就係陪埋 lovely waiting o的阿姨舅父行街。 　但係我就發現左自己有兩大缺點，第一，就係唔知 waiting Starbucks 要飲o的乜野，o係佢姨丈面前表現唔合格添。話說行到咁上下，大家都 tired 喇，想搵個地方去坐下飲杯野，去到 Starbucks 門口， Waiting 同佢阿姨就去左搵位，我就同佢姨丈去排隊買野飲喇， Waiting 好快就講忌廉碎冰……，跟住佢就話你知架喇就走左去。我一擰轉頭望個餐牌，即刻霧起一個 Question Mark，佢想要乜呀？？ haha~ 佢姨丈又已經叫完開始望住我喇喎，我又未搵到喎，我知道 waiting 唔飲 coffee 既，但係佢想要乜呢？之後唯有照版煮碗讀番 Waiting 想要o的乜野，但係似乎個 waitress 唔知我想要乜咁，我話「um. 係喇」結果大家都估到喇，買錯左~ haha~ um, 今日精神真係太差喇，反應好遲鈍，睇極都搵唔到除左 coffee 之外既野既…… 　第二就係唔認得 waiting 附近住既地方既路。話說 Waiting 姨丈 William 開車車埋我地由大埔去荃灣，由於 William 佢地係住將軍澳既關係，過左大老山 Tunnel 出梨木樹方向入錯左線，去到一個大家都認為就近目的地但係不知名既地點，係呢個時候， Waiting 個阿姨 Queenie 就問我：「Dennis, 你知唔知跟住點樣行呀？」「emmm, 唔好意思呀，平時我都係搭開巴士，唔太識呢一邊…」ohhhh~ 一個極佳既 checkpoint 拎分架嘛，白白浪費左添。呢件事之後令我重新審視過自己既定位：要對於路面情況同埋食肆地點敏感一o的先得，無論香港、台灣、寧波…任何一個我將要去既地方都要敏感一o的。此刻腦海中浮現出公司同事 Keith…

　終於番左黎香港喇，去左台灣做野兩個禮拜，辛苦就真係苦苦，不過真係學左好多野，見識左好多，尤其是"拜訪"左差唔多成十間台灣最大既高科技公司，第一次見識到公司原來係可以大成咁，規模原來可以發展到咁犀利，睇左好多電腦 system……呢個 job 去台灣呢部份得益唔少。 　o係每兩日踩一間公司場既情況下，我發現左一個台灣好奇怪既現象。就係無論上至 Project manager, legal specialist, MIS 專員, 各 sales department 既 manager，清一色係女仔黎既，本來我都無留意呢個情況，但係當某一日 Randy【五十幾歲既美國佬黎既，一個 technician 黎協助我地一齊做 audit 】問我幾呢隊清一色男仔 audit team ：「oh, what's the feeling today? each guy has two girls, right? hahahaha~」唔…我地得個笑字~ haha~ 話時話，唔通呢個就係 Randy 話「I love Taipei much more than Hong Kong.」既原因？ haha~ 士林夜市，我最 like 係飲苦瓜汁！ 　除左每一日o係個客既客個公司【應該係話佢地座 building】由上午八時工作到晚上七時之外，最多時間就係o係酒店同埋餐廳。酒店我地一人一間房，環境唔錯，座落台北鬧市，近捷運雙連站，馬偕醫院附近，我地每一日搭的士【因為呢度的士真係好平…】返去都係我練普通話既一個機會：「麻煩你去民生東路一段二十八號。」呢處去士林夜市只係要兩個捷運站，相當之近！ 淡水十蚊台幣雪糕，其實係融左，唔係會重高！又請留意下後面o個對男女…  　講真，好似 Justin…