Month: June 2007

　大家日日通勤中既朋友，有無發覺呢排成街都係壞車？當我今朝又試遲到十數分鐘先去到灣仔o既時候，就諗係未呢排太熱，連架車都頂唔順，中途壞左？如果係條高速公路壞車，要落車指揮或者等救援時，企o係俾o的熱到可以煎雞蛋既馬路上，蒸溶埋都似……呢排日日都好似山長水遠咁周圍去，真係好怕熱。好似今日返屋企時o個o架巴士，雖然已經無乜冷氣，一路坐一路出汗，仲傳來陣陣燒焦左既氣味，不過咁都無壞到車，唔駛中途換車，算係真係好好彩喇…… 　可惜今晚太夜返屋企，食唔成上海野！  　突然間腦海傳黎深圳既福田區、鹽田區、台北內湖區、天津狗不理咁，腦中資料散亂，神智不清，睇黎我就黎痴線喇~~~

　Yeah~ 聽日又廿一日喇！即係第三十三個月紀念日呀！不過頭先邀請 Waiting 去食飯時，就食左個檸檬…唉，唔話有少少心淡就假既。不過星期五都要出街食飯聽日又要出去確係唔係幾好，umum~ 聽日屋企無飯食，阿媽細妹出 trip ，老爸可能自己返大陸，就算唔番都話唔會留到我九點食飯，呢個世界真係人情冷暖，唯有自己走去美樂食上海菜，o個度o既回窩肉飯真係諗起都流口水，再加幾 粒小籠包，㊣呀！呢個紀念日應該過得幾不平凡…不平凡先係人生！ 　今日又上左大陸做野，熱到好似翻煎牛肉飽咁，間山寨廠無冷氣，個人濕左又 煎翻乾，乾左好快又濕番， lunch 時飲左兩大罐王老吉， for favorite！哈哈。雖則話返大陸每日有 incentive 二百幾蚊，但係一o的都唔易賺……而且全日一直汗流浹背既我都唔知幾盼望個天下大雨，可以降一降溫，消一消暑，可惜一切總唔會如我所願。 　 返到屋企仲有好多野要做－－一切食鐘既野，但係 you know, 而家我對眼眼都睜唔開，有心無力，真係做鬼做馬咩。都係 plan 下 next week 去台灣既 business trip o的野點做好過，做定o的 preparation 。就算早幾日聽o左個 briefing, 個人始終未有足夠信心可以完全 handle 得黎。唔關個人自信事，一o黎普通話唔係真係好掂，台灣人又好鬼醒目，好易俾人耍左我都唔知… 　Btw, next week 有三日台北兩日新竹，剩番幾日未定，用黎做 follow up. work hard, play hard man.

　今日端午節，但係無得去睇龍舟喇，有時間都要留o係屋企做野，但係點都好過去大陸出 job 既，haha。 　不過我都唔係全日留 係呢度既，我一陣要出去買兩件 shirts 同埋兩條褲去台灣時可以著足一個禮拜而唔駛洗衫，各位有邊個可以提議下o的款俾我，要又平又襟著架喎？我剩係識得買 G2000 ……仲有既就係，要做一o的 preparation 同埋執行幾個 mission. You know… Lovely Waitin's Bday is coooooming~~~! 　希望佢唔駛 OT and me too… haha~

　今日終於完成左第一個 workshop ，尋晚做左好多準備功夫，但係到上堂時居然無咩用，個 workshop seems 係最廢 among all the four 。Really disappointed 同埋覺得自己係度浪費時間添。唔慣得之 Waiting 話上 audit 既 workshop 係最輕鬆既， i believe so after experience it. 　嘩！熙個韓籍女朋友o黎o左香港，約左聽晚去食夜宵，introduce to me！突然間覺得自己呢一排國際化o左好多，見到好多美國人、中國大陸人、德國人【雖然都係講英文】、台灣人, etc，um, 襯機會繼續努力練好兩文三語，再加個法文。往上游~!!! 　今日又完成o左任務，係時候 praise o下自己，飲罐啤酒， relax 一晚先。 Good luck man. 　o 岩o岩拎到自己個 schedule ，星期一晚同熙 and his gf 夜宵，星期二八成要上大陸 audit one day【you know, there are no public holiday…

　哈哈，乜時間真係過得咁快呀？唔係 Oscar 係度留左個言，請真我一直覺得自己只係前幾日留左之前o個 post 。可能係因為返左工，時間一下子過得好快…唔經唔覺，尋日原來係我返工一週年紀念，尋日同 Lora 上 training 時講，我話我返工一週年喇，佢就有o的絃外之音咁講：「恭喜哂、恭喜哂~」 You know, That means I am getting older! 最記得我教完個 summer guy 做o野之後，比個 summer guy 話我：「果然經驗老到呀！」「我做左o岩o岩一年jar 喎。」「一年都好犀利喇！」「………」  　個多禮拜前知道自己無端端升o左職加o 左人工，haha~ 無喇喇就做o左 Senior Audit Assistant 1 ，你都未話唔得人驚，公司o黎o左一大堆新 Juniors 同埋 Summer jobs ，咁我升仙o既第一個任務就係教人做o野，我發覺自己教人做o野都有板有眼o架，起碼佢o地明先喇。 　仲有 o既就係…呢排我成日都同個 foreigner Randy 一齊返大陸【深圳附近】做o野，普通話好似練好o左好多，有時連個廠長都話你講普通話都唔錯喎，對我o黎講有幾大o既肯定呀！我一完成o左個 QP ，就要即刻去上普通話堂，背哂d拼音佢，要將普通話練成自己o既第二語言先得。但係o係另一方面，好不幸o既就係，我d 英文好似差到不得了，同 Randy 溝通我都表達唔到自己o既…我可能真係太眼訓喇，個腦真係擠唔出自己想要o既 vocab 出o黎，你話點好？ My translation skills are too…