Year: 2008

　　次次都係要等收假先可以 update o下呢度，不過今次放假就嚇親屋企人。點解呢？因為佢地都怕我俾人抄o左，係呢o的咁o既經濟氣候下，如果我唔係要考試讀書，講真我都會唔放假拼表現，醒醒定定唔好做被人裁o個個。 　 　話說早兩日我公司就傳出裁員消息，我當時o係 Training Centre 同同事一齊上堂，放 break o既時候就去八卦吹o下水咁。 Carol 姐就話 FI (負責 audit financial institutions o既 group) o個邊傳o左炒o左幾個。我當時就心諗呢次金融海潚攪到銀行金融o個邊立立亂，FI o個邊人咁多炒o下都正常。可惜我就諗唔到居然會燒到我o個邊，其實金融海瀟同樣攪到其他行業無哂 IPO o即，我o個 group 都未又係大把人 vacant 無o野做！當日就好似戰亂空襲咁，呢邊又聽到炒幾個，個邊又聽到抄幾個，仲要即時遞信執o野走，真係心都慌埋。老實講，大家都擔心會唔會有電話叫我o地都 返公司傾計。好彩一日咁就過去，so far 我o地 training 緊o既同事六位都無電話，但係就無老定到，因為又傳呢幾日地震會陸續有o黎… 　 　到左今日，心仍慌，但係其實驚乜？自問工作盡心盡力，責任感加零一，平時行為規距，除左有一排成日遲到 (因為前一晚好夜走) 。雖然係咁，但係公司卻可以用無限個理由炒你，某個經理睇你唔順眼可以係 managers meeting 提你個名出o黎討論o下，有人插幾刀而無人保o既話就好似我個 department 被裁o既幾位同事咁o既o下場……唉！我相信公司而家一定愁雲慘霧，所以我都無返過去，唔想知得太多而令到個人無哂 mood 。呢幾位同事都曾經同我共處過，一齊打過 Interdept basketball league ，又一齊去過南京做o野。 Anyway, 家o下可以做o既只有祝走o左o既幾位同事前途似錦。 而我當然唔可以坐以待斃，令自已處於無哂選擇o既境地，我可以 plan 定最差o既情況係點，做定計劃，plan 定下一步行動。但係而家我又未考到牌，係呢間公司又只係做得一年多，又未儲緊錢讀書，情況真係幾差。放心喇，論工作表現，我心中都有個底，今次應該未到 我。不過點知 Department…

　呢排個市好似過山車咁千幾點上上落落，少o的心血都嚇死。唔知係未我呢行o既關係，公司同事差唔多個個都會玩股票。可惜o既係我個人真係非常細膽，玩過一次之後就一直都無再入過股市，經常都覺得將o的血汗錢放入去好唔可靠。而因為我讀書o既關係，其實都叫已經學識o左點參與。算喇，都係性格使然，都係睇o下個市，做o下花生友開心o的。 　香港人我諗都無乜邊個唔認為入投資銀行係一個幾理想o既職業，天之驕子，收入豐厚。但係我真係無膽之餘亦都無乜野心，總認為人在高處不乘寒。就算好多同事o係公司學滿三年師轉職 ibanker，表面非常風光，都動搖唔到我呢個想法。個人都係想平平穩穩，拾級而上，有穩定o既根基再挑戰極限。但係我當然都有睇下 ibank 行係乜前景，總唔能夠斷自己米飯，但係當次按爆o左，Lehman 兄弟, bear 同埋大摩攪到而家咁，真係撞哂鬼。而家睇新聞真係好似睇戲咁。 　今日就睇戲，聽日分分鐘殺到埋身，始終而家o的公司將o的 risk 係咁 diversified，一間謝o左，會連累另一間，一行謝o左，會連累另一行。而家通行都謠傳會 labour cut, 搵人o黎 axed。其實老實講，呢排真係多o左好多人無o野做坐豬肉檯，小弟下個禮拜都係咁。都係醒醒定定，努力工作保住份工之餘，都要比心機進修。多幾張沙紙保住個 market value，真係大吉利是被 axed 都有本事有出路先。 　題外話，細妹畢業終於搵到工簽約。入o左物業管理呢行，就住關心o下佢o既關係，都有做o下 research, 了解就業前景。發覺又真係唔錯，由較低級o既屋宛管理，到商場管理，再到地區性物業管理發展，遲o下大陸發展成熟，仲可以殺出去。條路真係可以行到好遠o下，仲幾專業添，有得發展！

  Cab-driver told: If at 3 a.m. someone calls a taxi, and NOBODY is DRUNK at the moment – it clearly means that they are accountants/auditors. 的士司機話：如果有人半夜三點鐘叫左架的士，而當時無人飲醉，唔駛解釋，佢地好明顯係會計師/審計師。  　Archhhhh.呢句野未必可以成立，因為我以前做野間公司唔太容許我坐的士番屋企。因為o的客仔負擔唔起，又或者我地會圍唔到皮…不過而家可以話係好處(壞處)既係，我而家有呢個"待遇"。工作左半年，已經試過坐的士番屋企五六次，每一次車錢都要成三百蚊。但係對而家o的客仔o黎講，呢o的真係細數目。 　其實真係無錯，呢個時間無飲醉而要返屋企o既，我相信九成九係行家…… 

  　唔經唔覺已經係新公司做o左半年o野喇，呢半年其實真係過得好充實，算係領教到大 firm 做 audit o既 audit approach 跟 procedures 係點。係之前間公司，待o左半年多o的就感到好似無咩可以再學咁；而家留係度，又覺得o的o野學極都學唔完。一日廿四個鐘係呢度係唔夠用o既…只係覺得o的同事個個都身懷絕技，唔係有o的記憶力超勁，就係兩文三語超哂班，又或者係讀書研究型o既學者咁，仲有o的做o野非常醒目，problem solving skills 超勁咁。週圍都臥虎藏龍，要每一個人都拜師學藝，或者偷學一招半識，睇o黎都唔係一段短時間做到o既o野，我諗我仲有好一排要係呢個少林寺度鍛鍊。可能我真係會留係度 「三年 for 考牌、十年做 partner 」都未定。Anyway, 而家我又做得滿意，同事對我又非常好，又感到o的 managers 對我感覺唔錯，自己受到重視，而待遇又唔錯。除o左辛苦之外，我都未搵到o野挑剔。 　早一排用 *.jpg o黎 search 公司其中一個 server o黎消磨時間【因為剛交完功課，等緊老闆 feedback】，俾我搵到大老闆 Carlson Tong 個background 同埋佢屋企係邊，haha~ 而家五十幾歲，廿幾年前畢業就加入o左 KPMG London，做o左幾年就 second 番o黎 Hong Kong ，只係用o左十年時間就做o左 partner ，之後平步青雲做過會計師公會副主席、證卷交易所 director 、而家係 KPMG China and HK o既 Chairman 同埋大有錢佬一個…點樣有錢法？因為我知到佢住係 Pokfulam Villa…