Year: 2010

Thoughts about…

  • Life is hard tho.

    —

    by

    tigerlazy
    in

    今日下午公司無同事無人陪要一個人食 lunch ，又去翻我個飯堂大會堂隔o黎o個個美心 MX 。當我一路排緊隊仲心大心細唔知食乜好o既時候，聽到後面有兩位先生幾令人會心微笑o既對話。 「你食乜呀？」 「最平o個個飯係乜？」 「就咁睇，雞扒飯就最平喇，27.5。咦……！但係無o野飲o架喎！」 「咁仲有無得揀呀？」 「見到有北菇蒸雞飯 29 蚊連o野飲！」 「咁都係算喇，雞扒飯飲杯清水算喇。」 我本來睇到個 30 蚊o既焗海鮮飯好似咁錯，起碼唔係我成日食o既六寶飯轉米粉咁悶先。聽完佢地講之後，同埋諗過o下其實個個餐咪又係一樣，所以就跟o左隊，叫o左雞扒飯加雜菇汁。 跟住我就聽到售賣員話一連三個菇汁雞扒。其實一直無留意開，原來我前面個位先生係叫o左北菇蒸雞飯，叫北菇蒸雞飯唔奇怪，奇係奇在原來佢叫一碗一早蒸好o既北菇雞飯加飯，我一直只知碟頭飯先有得添飯，唔知咁樣一碗 preset o既餐都有得加。最後我見餐飲部o既職員要拎多一個碗加多半碗飯俾佢。 前面位先生生活迫人，睇o黎要三餐當一餐；後面兩位先生算無可算，個半都係錢睇o黎真係無辦法，慳得一蚊得一蚊；中間呢位先生唔知幾時先上到車買到樓，真可悲呀。

  • Lau Fau shan – Seafood

    —

    by

    tigerlazy
    in ,

    老豆生日，為o左迎合佢o既口味，我o地一家入o左流浮山食海鮮。比我想像中又平又正！唯一美中不足係重頭戲o既炆魚頭因為店家同我老豆溝通有誤，制法唔o岩心水攪到成半碟無食到。月中會再o黎多餐勁o既！

  • Long-awaited

    —

    by

    tigerlazy
    in

    千呼萬喚始出來。 今年 Big 4 加薪好似好嚇人咁，有成六七成。但係我覺得今次咁「浮誇」o既加幅只係填補番上年加幅少o既補償o黎。以今年我o既年資同十年前同一個位比，相差唔遠。留係呢幾間公司度做o野，加幅高基本上係一個傳統o黎，我相信呢樣亦都係公司o既定位之一，佢地都係做生意，無人入去做o野，reputation 做得唔夠好，仲邊有錢可以賺。Partner 都係生意人，一早留意到市場個價位。如果唔 set 得高價仲會有咁多人擁住想入去咩？ 諗深一層，如果我用呢個人工做番我而家做緊o既o野，我都覺得會令好多人眼紅，我都係低調o的好。其實我要諗多一下，公司既然讓o左步俾我，我又點樣可以做番一o的表現去 reflect 番公司對我o既補償？我要證明一下我係值呢個價，而唔係白逗人工o既。 Do a great thing need 2 factors: A plan and not enough time. 係我低調o既時候，其實會令到自己好多情感表達唔到出o黎。人愈大似乎每一樣事同埋說話都需要更多 caring ，但係我完全 handle 唔到，我思想傾向愈簡單愈好，複雜o既事放係我檯前唔係同樣要我抽絲剝繭將事情簡化然後解決？又玄又禪o既行為超出o左我o既能力，但係或者我要有 improvement on this 。我對自己o既毅力有信心，只要件事有個方向我就要向前衝，免夜長夢多。我唔敢講我有o的乜o野係成功，但係我 set 俾自己o既 goals 每達成一樣都會有 sense of achievement 。呢種感覺以前鮮有發生，因為我以前經常 set 自己 as a outsider ，而家我想有o的成就，可以自己挑戰自己而成功o既時候，可以有幾多個人係會為我高興……自己暗自高興，唯有獎自己一件 Starbucks Blueberry Cheesecake 慶祝一下。如果大肆宣揚，抱住分享一下想大家一起成功，一起 happy ；到頭o黎只係自己無癮，聽到說話唔好聽，攪到自己好似想威想串想哂命，我又何時何曾做過呢一種人？自己唔係名校生無做過精英屋企又無背景經驗，真係唔識處理。 嗯，我而家個 plan…

  • Sooner than later

    —

    by

    tigerlazy
    in

    當我轉o左去 technical department 之後，陸陸續續有好多公司朋友問我當時點樣轉過去同埋聽到唔少「你就好喇！」咁樣。亦都有唔少同事走o黎問我仲有無空缺同埋機會。我一一回覆佢地話佢地自己試試 send 個 email 去 partner 度碰碰運氣吧。始終佢地唔係跟住人地當初 sent 出大家都同時收到o個個 offer email o既 procedure 做 application ，而家好難再有步署喇喎。 就咁樣過o左大半年，以我所知o既朋友都有五六個 sent o左 email 都係一直無回音，石沉大海。早兩日，有個 batch mate 亦都係之前問過我之後 sent email 過去，而家得到 partner o既回覆話可以同佢見o下面。我都登佢開心，因為始終都可以有人成功o左，同時亦反映到個 partner 真係幾好人。但係今日睇到佢個 facebook 話佢幻想破滅，睇o黎成事o既機會真係唔高。老土o的講句，就算幾有熱誠、條件再幾好都好，蘇州過後無艇搭呢句話係無講錯o既。當有機會出現o既時候，唔襯早去決定同埋早著先機o既話，再去重做呢件事情將會困難百倍。想當初我本身根本無乜 competitive edge ，讀書又唔係非常勁，做o野又無試過 SP+ 。好彩o既係我當時反應快，可以數日裡面即刻回覆到個 application ，唔係其他人咁諗搵人做o左士頭卒先咁樣。結果平平無奇o既我成功越過其他二十幾人而而家坐o左o係個位度。搵o岩o左自己最適合做o野o既環境，而家係能力上仲得到肯定，自信心都翻o左o黎。 機會o黎到要把握唔夠，仲要係最早o個個把握先可以有著數。 共勉

  • Planning?

    —

    by

    tigerlazy
    in , ,

    而家o係新部門度做o野，過住o的 regular o既工作時間，所以有多餘o既時間我都會去o左九樓個休息間度睇o下報紙咁。信報、經濟日報、明報一一都會去望o下。有時候見到一o的好 informative o既資訊時【例如我最近非常關心o既係買樓、股市消息、法津會計等等o既範疇】，好想摘錄落o黎for later information 卻苦無對策。一o黎無可能剪o左公用o既報紙，咁其他人就無得睇；二o黎無可能o下o下走去影印，咁影完又要搵地方整理，同埋咁樣一張紙第時都唔慌會拎番出o黎睇。 結果俾我搵到辦法。最近係 iPhone 度買o左個 TurboScan 呢個 App ，可以利用 iPhone 個影相功能加埋個 program 演變成一部流動 scanner ，影完相只需兩三下 button，佢就會自動修位同埋較好 high contrast 令字體清晰同埋減少變形咁。然之後可以直接轉做 pdf 再 send email 出去。配合埋 Evernote 呢個多方位整合文件整理系統，而家我真係資訊爆棚。 haha~ 一切都好簡單方便，又達到目的唔浪費時間。 Everything is planned 、 無乜 surprise 做人先至可以更安心同埋平和。上次去上海遊世博，我同上司同事講我太匆忙所以無乜度過行程，引o黎佢地幾大o既反應，話我完全唔似無 planning 。我凡事都想做到有 planning ，就我工作檯面同埋平時交上o既 delivables ，好易會俾其他人見到時認為我做事好有 planning ，呢點我都覺得自己做得幾好。但係本身做人做事 execution 能力麻麻，就算有幾好o既 planning 都好，事情最後都未必辦得成功；相反 lovely waiting…

  • Site improvement project – Phase I

    —

    by

    tigerlazy
    in

    呢幾日回顧o左一下我個 blog 。慢慢習慣同發覺我部 netbook 同埋呢個 WordPress 簡直係天生一對。 要重拾寫作o既動力係唔容易o既，套用一個可能無乜關係o既老套話：創業難，守業更難。 創作網站係一下子o既事，我以前可以差不多不眠不休一個星期學習同不斷嘗試就可以出一個新 design 出o黎。但係總結咁多年經驗最困難o既唔係創作網站，而係要諗點樣維持一個網站。因為程程我係一個無乜內涵而且一o的都唔 funny o既人。 翻睇自己之前寫o既o野，目的係乜o野？有做過乜o野去改善同埋維持質素？真係無。不如將呢五百五十八篇文章、七個專題重新篇寫、批改、結集、condensed ，再做一個感想出o黎，名為 “Site rebuilding project” – Phase I 。先從內容整頓著手，再o係 Phase II 從 design and structure 向 fancy, beauty, stylish and creative 出發。 睇o黎愈o黎愈有趣了！都係 netbook and Windows XP 用o黎做文書比較實用。 P.S. 其實…非常唔好意思咁講…而家睇到o既呢一個版面重只係得大約 20% o既完成度。根據當初o既計劃同構思，我仲有成 80% 未實行。所以呢個 project 講真要改版面都唔會再大改，我諗會換一換個色調，重新上過一次色，改善同完美整個 blog 都已經係一個大工程o黎。

  • Plan ahead for my trip 2010

    —

    by

    tigerlazy
    in

    今日訓醒覺就去o左 Lovely Waiting 度一齊度o下o黎緊去上海世博o既行程喇，我為o左要儲蓄實現我o既大計，勇敢地 ban o左 Waiting 話去 Starbucks 坐o既建議而去o左佢屋企樓下個會所度傾。大家整o下整o下就用o左三四個鐘，其實都唔知有乜結論，但係可以預期今次會又係一個好艱苦o既旅程，睇o黎要買定乾蘇餅預備打仗喇！ 今次o既旅行會首次帶我部 netbook 去，咁即係話我就算去到邊都可以 update 我個 blog 做到 discipline! haha~ 旅行返o黎就要開始計劃一下我個睇書同埋讀書o既三年計劃！

  • Personal discipline

    —

    by

    tigerlazy
    in

    利用公司o既方便 set o左個 auto alert Factiva 每日 update 兩次 news 去我個 email 度，今日就o係個 news 度睇到一則關於蔣介石日記o既新聞。內容主要講佢每次做決定【例如抗日戰爭】o既原因經過結果，佢本日本而家 keep o係 Stanford University o既 Hoover Institution 度，當中最吸引我o既係佢話每日寫日記 “regarded as an exercise in virtue and personal discipline”。就係呢句話，我成日講要令自己 self-discipline ，但係就連呢個 blog 都做唔好，仲講乜其他？ 向公司申請了一個禮拜大假，除o左用o黎尋晚睇埋 World Cup 決賽之外，就用o黎星期三上上海參觀世博。天氣實在太熱，要好好諗諗解決消暑同排隊時解悶o既問題。第一日o既假期，用o左去申請報讀個學位之外，就去o左教協選購旅行必需品，順手仲買o左一支 Neutrogena o既露得清淨涼去油光緊膚水，剛剛用後果然如 sales 姨姨個仔咁講，涼浸浸好爽，試用多幾日之後再睇o下推唔推薦俾朋友。 haha~ 簡簡單單的一篇，無壓力無負擔就最好。要好好享受假期，先至再係一星期之後o既工作上打拼！

  • Volkswagen Hong Kong Exhibition

    —

    by

    tigerlazy
    in

    今日同 Lovely Waiting 去尖沙嘴行街食飯時途經海港城 Gateway 走廊o既展覽。見到賣相非常可愛o既小福士汽車，手痕之下拍o左幾張相留為紀念。 個人對 Volkswagon 呢間車廠o既車都幾喜愛，當中最歡喜係佢o既 Golf 系列，原因只係因為曾經坐過同事個o架，哈哈。不過，如果首選我最喜愛o既車款，始終都係 Audi A4 Avent ，無得變。 但係考o左車牌咁耐，無練過車。如果有機會俾o架車我玩，我都要練番好一排時間上公路時先唔會驚。不過我有無機會買車都係言之尚早。 我有太多需求同埋消費項目，但係無咁高收入呢。而家連平時幫我實行儲錢大計o既 Stanley Street 飯堂－－發記麵食都關門大吉，真係天忙我矣。 今日仲去o左 Starbucks 飲o左杯 Iced Latte ，見到個外籍人仕部 Macbook Pro 真係好鬼型！Apple 個 logo 好似 Ironman 個能源咁發哂光，仲要係 By Airmail。哈哈。唉，好多o野想買……

  • Nice weather – learnt sth from peers

    —

    by

    tigerlazy
    in

    今日同Charles食飯，從佢身上學識o左一樣重要o既o野。 首先提o下個背景，在我眼中，佢唔得到同事o既認同同埋肯定，原因係佢平時o既行為古古怪怪，我行我素。導致包括我在內幾乎所有人都一律否定所有佢o既言論同埋建議，甚至連思考一下佢o既諗法都無。到而家，慢慢地連佢一講o野我地就即時無視佢咁。 今日咁o岩剩番我o地兩個人係公司，就一路食飯一路同佢講起讀書同埋會計知識呢方面o既o野，我有我自己o既見解，佢都有佢o既一套。當大家都表達意見時，我又顯露出我o既老毛病－－不許人否決我o既想法。 我堅持: 讀法律對我o地o黎講有益處。會計加法律，同樣 compliance o既o野，一樣 compliant 數，一樣 compliant 字，會互補互利。 香港讀會計的話，如果入到 Big 4 同埋考埋 CPA ，讀邊間大學，大學時就算 second low 都無乜大影響 出o黎做o左第一份工之後，履歷表寫o既係工作經驗、 qualification 同埋公司背景多過學業成績 我唔相信英國o的大學 master degree 只會選擇讀 U 時 second up o既學生，其他人無論點都唔考慮 accounting 只係一個 transforming o既過程，由 physical transactions transform 做一堆 entries ，呢個 process 係一個 compliance 既過程，由 A 到 B，點解有得 creative? Charles 聽完一堆我o既意見之後，佢都好有主見咁 response: 佢唔認同讀法律係咁重要，始終唔認同讀法律o既好處係邊。會計唔駛搭法律一樣可以好多樣化。 係英國的話，無…