HKFRS 2010

今日做o既o野應係轉o黎呢個部門以o黎最悶o既工作,我要從最新o既 HKFRS 入面搵番哂o的唔係 effective beginning on or before 1 January 2010 o既段落出o黎,因為如果之後先 effective o既話,放上 intranet o既 standards 會有誤導 audit team o既危險。

但係當我做緊呢個非常沉悶o既工作之時,已經做到無乜反應,仲無端端食o左一野,真係不是味兒。應該我真係做錯o左o野先會有呢個評價,今次o既教訓係:我每發現某個方法唔可行o既時候,就唔應該繼續。應該諗o下仲有其他快好多o既方法,而唔係硬死死令成個 process 做咁耐。咁的而且確係有 point o既,我做o野係唔夠變通。

同日我入o左房同老闆講我手頭上o既 publication 因另一個老闆o既 confusion 而令我將會做得多o左o野。估唔到我一講到一半,佢就即刻打電話去趙另一個老闆。我企係度嚇o左一嚇。心諗:「我會唔會出事o架……」都係一句,o黎呢度 secondment o既我真係有免死金牌。同埋我之前o既幾項功勞為我加o左唔少分。希望我可以再繼續努力,更上一層樓!一直不斷聽英文電台同 BBC podcasts 既練習下,同呢兩個外籍老闆溝通竟然前所未有地毫無障礙,十分意外! Keep it up! I can do it.

就咁,今日o既工作實在太傷神。

U of London External Program – LLB

今日去o左金鐘聽o左個有關 LLB o既講座。

工作了差唔多四年喇,因為之前成功 second o左去 DPP ,一早無哂o既 ambition 番o左o的o黎。睇o左好幾本書,主要係自傳同埋工具書之類,有o的啟發--工作上唔可以 seat still and wait for chances to meet you。要 be alert 、主動出擊同埋 make progression.  The best is yet to come.

今日聽呢個 seminar o既主要目的係搜集資料用o黎決定係未 worth 用三年時間去挑戰自己。 LU 個 LLB 出o左名難,報名唔太難,但係報讀後o既三年先係最 tough o既時段。Frankly, 由我小學以o黎到我連個會計牌 (without 師 as long as I don’t recognize a CPA is valued anything by only completed a QP exam when compared to other qualification exams), 我都隨隨便便無乜 strategies 去追求一o的學術成就上o既o野。留o左係 DPP 呢個 technical dept 一段時間後,我終於發現同埋見到一o的 advisors/professionals 本身應該要有o既能力。我想成為佢地一份子,appreared talented 同埋可以認同自己真係有料而唔使再扮有料。

方法就係要令自己 look different 同埋 actually be knowledgeable。培養一o的其他人所無o既o野出o黎, stand out。報讀 LLB 係我目前o黎o緊最大o既挑戰o黎,我要克服佢。

P.S. 要多謝阿 Wing 佢話我知有呢個 seminar ,如果唔係我真係會 miss 好多資料。

Time is so limited

Regular running 時拍一拍球場

今日無神神上完個 briefing 先知道係唔關我事o既,因為個 briefing o既 target audience 係只有 managers and partners 。個 briefing o既 topic 係講o黎緊新o既 e-audit method。我相信成場人一百個 headcount 最年輕應該係我喇,我自己一個人坐埋一二角,而係正我隔黎o個個係隔黎組o既 senior manager ,佢久唔久就望o下我,我眼尾都無理過佢。我絕對認為佢有諗過我係未白撞。無錯,我係白撞o既! haha~

不過今次真係無o黎錯,呢o的場面真係大開眼界。坐係度聽o下聽o下,我就雲游從佢地o既角度同心態去想象同代入o左佢地o既角色度,深深感覺到有一種無形壓力,完全唔同成班 Grade B 平時喂喂喂咁。呢度係一個成熟有趣而高質素o既學術研討會。

雖然係短短一小時,但係真係好震撼同埋有好多感想。

要去呢種聚會,本身一定要有專業背景,唔係裝出黎o既有自信,本身要有料,仲要反應快,有權威同埋語文溝通要見得人。
我時間真係好唔足夠,仲有好多野要學同埋需要將學識變成自己o既專長。如果第時有呢o的 briefing talk ,真係要擁躍o的參加,可以吸收到好多知識。

The main message is 英文、國語同埋因專業而帶黎o既權威級自信。要好好記住呢種患難感。

Three years an end?

做 audit 都做o左成三年幾喇,終於考完試拎得牌,算係繼讀完大學後完成o左另一個里程碑。帶係就換o黎一身病同埋無哂社交圈子,而家要開始諗諗o既係仲值唔值得留係 KP 繼續做?

兩年前滿懷希望同自信入到呢間 firm 以為前途無限,一開波就拼命做,唔係自己自大,因為始終年紀較大,又做過o野有經驗,造到個 image 真係非常好。但係就咁被挑入先聲 team ,半年時間就好似泡沫爆破咁現唔形,唔夠料但係又身負重任,唔識做、學唔黎、真係做野做到唔訓都做唔哂。

個 image 一個月就無哂,個個 in charge 一下子就知我充大炮。身子捱壞了,暴瘦又精神緊張,率之而家要長時間食藥。

某一個星期五的下午,一個有實力o既 senior 著我去 pantry 坐坐,真情對話同我講那兩年大家對我的評價如何。我一直心知肚明自己表現,但係都忍唔到,就係個 pantry 度喊。實在忍唔住,一直受住極大o既壓力、一直覺得內咎對唔住隊 team 、一直覺得自己做到全力都唔會有好評價……就好似缺提咁散哂o的怨屈氣出o黎。無錯, senior 始終係基於無放棄我而做丑人,鼓勵我要爭氣。但係呢個始終係我其中一個選擇。

而家有個機會係度,公司有得 internal 做 secondment 去 techical department 一年,我已經打算嘗試一下。如果第時有機會,再試一試做 global secondment 對自己o既仕途應該仲有益處。

分亨一個故仔好適合而家o既我:

老鞏在貿易公司上班,每天總是埋怨懷才不遇。一天,他忿忿不平地向朋友小李抱怨說:「老闆總是不把我看在眼裡,我很想對他拍桌子,消我心中怒氣,然後辭職不幹!」

小李就反問:「你對公司業務全盤理解了嗎?」老鞏回答:「還沒有!」

小李笑著說:「君子報仇三年不晚!我建議你先將公司的貿易技巧、文書、老闆的經營理念、行銷通路等弄清楚,把公司當作免費學習的地方,等所有的東西都學會之後,再一走了之,這樣不既能出口氣,又有許多收穫?」

老鞏聽了小李的話,決定下班不急著回家,繼讀留在公司研究各種業務。

經過一年,小李跑去慫恿老鞏:「老鞏!你現在全部都學會了,應該可以走人了吧!」

老鞏搖搖頭回應:「你知道嗎?這一年來,老闆對我的態度簡直是三百六十度大轉變,還將公司最重要的任務交給我處理,不僅升官又加我薪水,我現在成為公司的紅人,我決定不走了!」

俗話說:「英雄不怕出身低。」一個人只要肯努力,就能戰勝先天不足與惡劣環境。科學家有新的發明,作家寫了好作品,商人的貨品大賣,都是經過長期辛勤的學習與磨練。所謂:「臺上三分鐘,臺下十年功。」一個人縱然一時得到了權力或地位,但若實力不夠,不肯繼續進修新知,未來將會被社會所淘汰。

真係要有積極o既想法繼續努力,不如俾自己一年時間去調理好自己身體同心理,再回來戰場努力作戰效果應該更好吧!

註:男人老狗,其實我真係一個好眼淺o既人。

Personal market

 呢排個市好似過山車咁千幾點上上落落,少o的心血都嚇死。唔知係未我呢行o既關係,公司同事差唔多個個都會玩股票。可惜o既係我個人真係非常細膽,玩過一次之後就一直都無再入過股市,經常都覺得將o的血汗錢放入去好唔可靠。而因為我讀書o既關係,其實都叫已經學識o左點參與。算喇,都係性格使然,都係睇o下個市,做o下花生友開心o的。

 香港人我諗都無乜邊個唔認為入投資銀行係一個幾理想o既職業,天之驕子,收入豐厚。但係我真係無膽之餘亦都無乜野心,總認為人在高處不乘寒。就算好多同事o係公司學滿三年師轉職 ibanker,表面非常風光,都動搖唔到我呢個想法。個人都係想平平穩穩,拾級而上,有穩定o既根基再挑戰極限。但係我當然都有睇下 ibank 行係乜前景,總唔能夠斷自己米飯,但係當次按爆o左,Lehman 兄弟, bear 同埋大摩攪到而家咁,真係撞哂鬼。而家睇新聞真係好似睇戲咁。

 今日就睇戲,聽日分分鐘殺到埋身,始終而家o的公司將o的 risk 係咁 diversified,一間謝o左,會連累另一間,一行謝o左,會連累另一行。而家通行都謠傳會 labour cut, 搵人o黎 axed。其實老實講,呢排真係多o左好多人無o野做坐豬肉檯,小弟下個禮拜都係咁。都係醒醒定定,努力工作保住份工之餘,都要比心機進修。多幾張沙紙保住個 market value,真係大吉利是被 axed 都有本事有出路先。

 題外話,細妹畢業終於搵到工簽約。入o左物業管理呢行,就住關心o下佢o既關係,都有做o下 research, 了解就業前景。發覺又真係唔錯,由較低級o既屋宛管理,到商場管理,再到地區性物業管理發展,遲o下大陸發展成熟,仲可以殺出去。條路真係可以行到好遠o下,仲幾專業添,有得發展!

Professional brothers

 

Cab-driver told:
If at 3 a.m. someone calls a taxi, and NOBODY is DRUNK at the moment – it clearly means that they are accountants/auditors.

的士司機話:如果有人半夜三點鐘叫左架的士,而當時無人飲醉,唔駛解釋,佢地好明顯係會計師/審計師。 

 Archhhhh.呢句野未必可以成立,因為我以前做野間公司唔太容許我坐的士番屋企。因為o的客仔負擔唔起,又或者我地會圍唔到皮…不過而家可以話係好處(壞處)既係,我而家有呢個"待遇"。工作左半年,已經試過坐的士番屋企五六次,每一次車錢都要成三百蚊。但係對而家o的客仔o黎講,呢o的真係細數目。

 其實真係無錯,呢個時間無飲醉而要返屋企o既,我相信九成九係行家…… 

Half year at KP

 

 唔經唔覺已經係新公司做o左半年o野喇,呢半年其實真係過得好充實,算係領教到大 firm 做 audit o既 audit approach 跟 procedures 係點。係之前間公司,待o左半年多o的就感到好似無咩可以再學咁;而家留係度,又覺得o的o野學極都學唔完。一日廿四個鐘係呢度係唔夠用o既…只係覺得o的同事個個都身懷絕技,唔係有o的記憶力超勁,就係兩文三語超哂班,又或者係讀書研究型o既學者咁,仲有o的做o野非常醒目,problem solving skills 超勁咁。週圍都臥虎藏龍,要每一個人都拜師學藝,或者偷學一招半識,睇o黎都唔係一段短時間做到o既o野,我諗我仲有好一排要係呢個少林寺度鍛鍊。可能我真係會留係度 「三年 for 考牌、十年做 partner 」都未定。Anyway, 而家我又做得滿意,同事對我又非常好,又感到o的 managers 對我感覺唔錯,自己受到重視,而待遇又唔錯。除o左辛苦之外,我都未搵到o野挑剔。

 早一排用 *.jpg o黎 search 公司其中一個 server o黎消磨時間【因為剛交完功課,等緊老闆 feedback】,俾我搵到大老闆 Carlson Tong 個background 同埋佢屋企係邊,haha~ 而家五十幾歲,廿幾年前畢業就加入o左 KPMG London,做o左幾年就 second 番o黎 Hong Kong ,只係用o左十年時間就做o左 partner ,之後平步青雲做過會計師公會副主席、證卷交易所 director 、而家係 KPMG China and HK o既 Chairman 同埋大有錢佬一個…點樣有錢法?因為我知到佢住係 Pokfulam Villa Cecil 度…趙苑…趙世曾o既鄰居,三千尺樓市值五千萬!我要加油呀~~~~~!

會計方法與會計市場

Do you know what is accounting? To the shame of being an accounting student for almost 2 years, I don't know. Here is an inspired article to read.

  人們談論「會計」這兩個中文字時,常常混把「會計」工作、方法、過程(即動詞)與其職業、職務(名詞)混淆起來,常常要「承上轉下」仔細閱讀,才知道他說的「會計」是指什麽。   不過,外文也會出誤會。比如,國際上許許多多的會計師事務所所進行的絕大多數的工作,是審計工作(香港習慣稱為核數),會計師事務所的誕生和存在,所以眾多會計師事務所的湧現、執業,客觀上形成了一個「審計市場」,這是鐵一般的事實,但不知什麽緣故,竟把這一「審計市場」說成是「會計市場」!   中國自西周時代,已萌芽了會計方法─雖只是「上進下支」的單式記賬;及至宋代已有了「存該賬」和「收支賬」的複式記賬方法,比一四九四年威尼斯學者巴素勞(Luca Paciolo)發明的近代複式記賬法(即借貸記賬法)早了三百多年。有方法出現,就有人使用、所以說,會計方法的出現,才產生專門使用會計方法來謀生的職業─會計人員。會計人員初步是為企業管理服務,特別是工業革命以後,出現了現代工業企業,經濟愈發展,企業分工愈細微,為企業理財、做賬、反映企業經營狀況及其經營成果的專業會計學科分類也更細緻,會計專業人士不斷提高自己學識,不斷尋找發揮自己能力的職位,這就自然而然產生了「會計市場」─會計專業人士出售自己的會計知識的地方。   及後,企業愈來愈大,股東也愈來愈多,甚至上市。眾多投資者再不能都一一參加企業管理,於是出現了以專業會計師組成的會計師事務所,從事企業營運效果的審計工作,所以會計師事務所的會計師實際上應該正名為「審計師」;不過,由於其所服務的機構名叫會計師事務所,國際上習慣把他們都稱為會計師(或者執業會計師),所以大概十年前,中國也同國際接軌,讓註冊審計師與註冊會計師合併,統稱為註冊會計師了。會計市場也發展成新的審計市場。會計人員用會計知識從事審計工作─會計師新的分工。   《職業會計師國際教學大綱》要求每一位會計師都要通過學習明瞭會計方法和會計職業的誕生,會計師的分工、職業道德、對具體會計準則的需要,影響會計的國際組織(即國際會計準則委員會聯合國國際會計和報告標準政府間專家工作組)以及他們的職能,不懂得會計和會計市場的昨天,就不了解會計和會計市場的今天,更無法創造會計和會計市場的明天!   會計方法演進是以會計準則的誕生和國際化的演進為代表的,會計市場演進(其實是審計市場誕生)是以會計師事務所的誕生,大型國際會計師事務所的離離合合為代表的,中國也不能迴避這一進程。