Dec
4
尋晚同林先生吹水，講起o個陣時大學時既記憶，好多大家都唔記得左。只不過係五年前既事，如果唔係有影相，我諗大家既記憶之中只係會醒起大家係一齊上過莊，一齊讀過書。其實o個段時間大家真係經歷左好多野。影相同埋寫 blog 真係好重要同埋有存在既必要，就算一張好無聊既相或者一段好低 B 既 blog 文，都會 induce 無限回憶。呢方面唔可以懶惰。
Archive for the 'Photography' Category
Mar
30
我尋日做o左件好肉赤o既事，突然間覺得自己好有錢，去買o左部單鏡o黎玩。俾個 sales 又話加呢樣，又話加果樣。攪到頭都大埋。 But, anyway, 而家總算拎o左部相機番屋企。
夜晚拎住部機，係又影唔係又影，覺得自己真係攝影師上身咁。要有o的攝影o既觸角。haha~ 影完o的相出o黎一睇，真係好似其他人咁講…「嘩…」o左一聲，眼都大埋。呢部機影相真係好鬼過癮，唔知乜事影o下影o下咁就影五百幾張喇。睇住o的成果，忽然間又覺得，肉赤得o黎又幾值得。而且覺得自己好鬼型添！ wahahaha~
我要搵下 lovely waiting 做o下 model 先，部機幾靚都係假，最緊要影得佢靚。
Feb
5
今期 milk 講：影o的 mickey 相 (唔係真係影MICKEY，係影o的形態似佢o既相。例如：三個圓形都得) 寄返去。 題目：HIDDEN MICKEY 尺寸：不限 顏色：彩色或黑白 格式：菲林或數碼 交件方法：將作品及填上個人資料 (name, address, tele) 的回郵信封，寄 "魚則"魚涌英皇道 1067 號仁孚工業大廈9樓MILK編輯部。信封面註明 [HIDDEN MICKEY SNAP SHOT大賽] 收。 或者 將數碼相及個人資料 email to theochan@milk.com.hk 。 每週冠軍好似有4張香港迪士尼優先入場卷
