Blog and photographing

尋晚同林先生吹水,講起o個陣時大學時既記憶,好多大家都唔記得左。只不過係五年前既事,如果唔係有影相,我諗大家既記憶之中只係會醒起大家係一齊上過莊,一齊讀過書。其實o個段時間大家真係經歷左好多野。影相同埋寫 blog 真係好重要同埋有存在既必要,就算一張好無聊既相或者一段好低 B 既 blog 文,都會 induce 無限回憶。呢方面唔可以懶惰。

New weapon today!

 我尋日做o左件好肉赤o既事,突然間覺得自己好有錢,去買o左部單鏡o黎玩。俾個 sales 又話加呢樣,又話加果樣。攪到頭都大埋。 But, anyway, 而家總算拎o左部相機番屋企。

 夜晚拎住部機,係又影唔係又影,覺得自己真係攝影師上身咁。要有o的攝影o既觸角。haha~ 影完o的相出o黎一睇,真係好似其他人咁講…「嘩…」o左一聲,眼都大埋。呢部機影相真係好鬼過癮,唔知乜事影o下影o下咁就影五百幾張喇。睇住o的成果,忽然間又覺得,肉赤得o黎又幾值得。而且覺得自己好鬼型添! wahahaha~

 我要搵下 lovely waiting 做o下 model 先,部機幾靚都係假,最緊要影得佢靚。

Hidden Mickey Snapshot 大賽

今期 milk 講:影o的 mickey 相 (唔係真係影MICKEY,係影o的形態似佢o既相。例如:三個圓形都得) 寄返去。 題目:HIDDEN MICKEY 尺寸:不限 顏色:彩色或黑白 格式:菲林或數碼 交件方法:將作品及填上個人資料 (name, address, tele) 的回郵信封,寄 "魚則"魚涌英皇道 1067 號仁孚工業大廈9樓MILK編輯部。信封面註明 [HIDDEN MICKEY SNAP SHOT大賽] 收。 或者 將數碼相及個人資料 email to theochan@milk.com.hk 。 每週冠軍好似有4張香港迪士尼優先入場卷