今次o既旅行會首次帶我部 netbook 去，咁即係話我就算去到邊都可以 update 我個 blog 做到 discipline! haha~

旅行返o黎就要開始計劃一下我個睇書同埋讀書o既三年計劃！

向公司申請了一個禮拜大假，除o左用o黎尋晚睇埋 World Cup 決賽之外，就用o黎星期三上上海參觀世博。天氣實在太熱，要好好諗諗解決消暑同排隊時解悶o既問題。第一日o既假期，用o左去申請報讀個學位之外，就去o左教協選購旅行必需品，順手仲買o左一支 Neutrogena o既露得清淨涼去油光緊膚水，剛剛用後果然如 sales 姨姨個仔咁講，涼浸浸好爽，試用多幾日之後再睇o下推唔推薦俾朋友。 haha~

簡簡單單的一篇，無壓力無負擔就最好。要好好享受假期，先至再係一星期之後o既工作上打拼！

今日同 Lovely Waiting 去尖沙嘴行街食飯時途經海港城 Gateway 走廊o既展覽。見到賣相非常可愛o既小福士汽車，手痕之下拍o左幾張相留為紀念。

個人對 Volkswagon 呢間車廠o既車都幾喜愛，當中最歡喜係佢o既 Golf 系列，原因只係因為曾經坐過同事個o架，哈哈。不過，如果首選我最喜愛o既車款，始終都係 Audi A4 Avent ，無得變。

但係考o左車牌咁耐，無練過車。如果有機會俾o架車我玩，我都要練番好一排時間上公路時先唔會驚。不過我有無機會買車都係言之尚早。

我有太多需求同埋消費項目，但係無咁高收入呢。而家連平時幫我實行儲錢大計o既 Stanley Street 飯堂－－發記麵食都關門大吉，真係天忙我矣。

今日仲去o左 Starbucks 飲o左杯 Iced Latte ，見到個外籍人仕部 Macbook Pro 真係好鬼型！Apple 個 logo 好似 Ironman 個能源咁發哂光，仲要係 By Airmail。哈哈。唉，好多o野想買……

今日同Charles食飯，從佢身上學識o左一樣重要o既o野。

首先提o下個背景，在我眼中，佢唔得到同事o既認同同埋肯定，原因係佢平時o既行為古古怪怪，我行我素。導致包括我在內幾乎所有人都一律否定所有佢o既言論同埋建議，甚至連思考一下佢o既諗法都無。到而家，慢慢地連佢一講o野我地就即時無視佢咁。

今日咁o岩剩番我o地兩個人係公司，就一路食飯一路同佢講起讀書同埋會計知識呢方面o既o野，我有我自己o既見解，佢都有佢o既一套。當大家都表達意見時，我又顯露出我o既老毛病－－不許人否決我o既想法。

我堅持:

• 讀法律對我o地o黎講有益處。會計加法律，同樣 compliance o既o野，一樣 compliant 數，一樣 compliant 字，會互補互利。
• 香港讀會計的話，如果入到 Big 4 同埋考埋 CPA ，讀邊間大學，大學時就算 second low 都無乜大影響
• 出o黎做o左第一份工之後，履歷表寫o既係工作經驗、 qualification 同埋公司背景多過學業成績
• 我唔相信英國o的大學 master degree 只會選擇讀 U 時 second up o既學生，其他人無論點都唔考慮
• accounting 只係一個 transforming o既過程，由 physical transactions transform 做一堆 entries ，呢個 process 係一個 compliance 既過程，由 A 到 B，點解有得 creative?

Charles 聽完一堆我o既意見之後，佢都好有主見咁 response:

• 佢唔認同讀法律係咁重要，始終唔認同讀法律o既好處係邊。會計唔駛搭法律一樣可以好多樣化。
• 係英國的話，無 second up 會俾人認為係無乜用同埋唔算一個天才。因為普遍想法係「Third hon 係無天份讀書加懶惰；second low 係有天份讀書但係成日出去浦，完全唔讀書；second up 係有天份加有溫習讀書； first hon 係天才之餘仲要後天非常努力。另一方面無 second up 將來機會亦會少好多、評價會差好多。
• 英國o的出名大學， master degree 只會考慮 second up 或以上o既學生。
• 非常驚訝點解我o地咁多人無 second up
• 一個 1st honour 同埋 2nd up honour o既學歷會標籤o左一個人，仲會跟足一世。
• accounting 唔係死讀書，佢讀書時會自己先諗一下o的 standard o既存在原因，所有o野都要 make sense 先有用。

我同佢講o左成個小時，其他我o地各有各講，大家都溝通唔到。不過我今次係佢o既諗法度確係有o的得著。尤其是佢唔死讀書呢一方面，令佢讀完o既o野可以識得應用，因為佢 put 過 effort 去思考 standard 係未 make sense 呢個問題。另外佢亦都提醒我今次讀 LLB ，不成功便成仁。點都要最少拎個 second up, 如果唔係就會第一個俾 Charles 恥笑！

好記得三年前我個grademate – Ms 卜弗o係一個聚會上同我o地分享話佢有個 senior 傻o左，剛剛升o左職做高級審計員，部門主管安排o左一個位置俾佢坐，所以佢就好開心咁同卜弗講：「做o左三年終於有個位坐喇！」我o地一眾初入職o既 A1 真係不明所以，當o左一個笑話o黎聽。而我當時就心諗，個做法就似 iPhone 3.0 Steve Jobs 終於賞賜o左個copy and paste o既function 俾你，大家歡喜若狂咁。真係奇奇怪怪。

三年後o既今日，我轉o左dept 之後，一下子升o左呢，有o左自己張檯不特止，仲係一張同 manager 同 size o既辦公檯。而家久唔久都有的舊部門o既同事行過o黎探我時順便睇o下我呢張檯：「嘩，你就好喇，張檯咁大張！」「唔係喇…哈哈…」我通常都係咁答。以前坐得多豬肉檯 common table ，我反而鐘意果種可以好open for discussion o既氣氛。當而家大家都坐埋去 senior 檯、自己個位度。大家同事間o既溝通少了，不過有個不爭o既事實係真o既，大家都好忙，無時間溝通咁多喇。

今日賓利又 last day 我又去o左一餐飲茶同埋食o左一件蛋糕，呢幾個月差唔多個個禮拜都有人走，真係好「興奮」。我個舊部門睇o黎好快就會解散。

Anyway, 祝各位同事 all the best! 前程似錦！

http://farm4.static.flickr.com/3602/4616036700_3b245f84af_o.jpg

Waiting 終於o係今日去完湖南返o黎，而佢個好朋友兼好同事有個 farewell party 咁o岩係今日開，所以佢一落機，返到屋企沖o左個涼我地就約埋去用一個小時行街同見下面咁。然之後我就送佢去 party 我就去我最鐘意去o既 pacific coffee 飲杯 latte 再送佢返屋企。

一個人靜靜咁睇下書，思考下真係好嘆，見到隔o黎有男仔好用功咁溫習做功課，就諗起以前自己讀書真係讀得好唔專心、唔夠全面，再坦白o的講真係浪費o左o的時間。

而家距離三十歲唔係差好遠，要係呢個分水嶺之前好好安排時間。

決定好要去讀個法律學位，要好好的讀，但係怕會遇到好多問題。衷心希望可以有o的前輩或者師兄可以俾o的指引我，如果到開學時都無朋友可以問，不如主動去搵大學時o個 professor Daniel 同 Davy 求教？

BTW, 屋企買o左個24寸螢光幕之後，好耐都無用過1024×768 呢個解像度o黎睇網站。早排買o左個netbook，而家睇番，自己個blog 都係用呢個resolution睇最靚，最親切！

工作了差唔多四年喇，因為之前成功 second o左去 DPP ，一早無哂o既 ambition 番o左o的o黎。睇o左好幾本書，主要係自傳同埋工具書之類，有o的啟發－－工作上唔可以 seat still and wait for chances to meet you。要 be alert 、主動出擊同埋 make progression.  The best is yet to come.

今日聽呢個 seminar o既主要目的係搜集資料用o黎決定係未 worth 用三年時間去挑戰自己。 LU 個 LLB 出o左名難，報名唔太難，但係報讀後o既三年先係最 tough o既時段。Frankly, 由我小學以o黎到我連個會計牌 (without 師 as long as I don’t recognize a CPA is valued anything by only completed a QP exam when compared to other qualification exams), 我都隨隨便便無乜 strategies 去追求一o的學術成就上o既o野。留o左係 DPP 呢個 technical dept 一段時間後，我終於發現同埋見到一o的 advisors/professionals 本身應該要有o既能力。我想成為佢地一份子，appreared talented 同埋可以認同自己真係有料而唔使再扮有料。

方法就係要令自己 look different 同埋 actually be knowledgeable。培養一o的其他人所無o既o野出o黎, stand out。報讀 LLB 係我目前o黎o緊最大o既挑戰o黎，我要克服佢。

P.S. 要多謝阿 Wing 佢話我知有呢個 seminar ，如果唔係我真係會 miss 好多資料。

今日無神神上完個 briefing 先知道係唔關我事o既，因為個 briefing o既 target audience 係只有 managers and partners 。個 briefing o既 topic 係講o黎緊新o既 e-audit method。我相信成場人一百個 headcount 最年輕應該係我喇，我自己一個人坐埋一二角，而係正我隔黎o個個係隔黎組o既 senior manager ，佢久唔久就望o下我，我眼尾都無理過佢。我絕對認為佢有諗過我係未白撞。無錯，我係白撞o既！ haha~

不過今次真係無o黎錯，呢o的場面真係大開眼界。坐係度聽o下聽o下，我就雲游從佢地o既角度同心態去想象同代入o左佢地o既角色度，深深感覺到有一種無形壓力，完全唔同成班 Grade B 平時喂喂喂咁。呢度係一個成熟有趣而高質素o既學術研討會。

雖然係短短一小時，但係真係好震撼同埋有好多感想。

要去呢種聚會，本身一定要有專業背景，唔係裝出黎o既有自信，本身要有料，仲要反應快，有權威同埋語文溝通要見得人。
我時間真係好唔足夠，仲有好多野要學同埋需要將學識變成自己o既專長。如果第時有呢o的 briefing talk ，真係要擁躍o的參加，可以吸收到好多知識。

The main message is 英文、國語同埋因專業而帶黎o既權威級自信。要好好記住呢種患難感。

今日放工前打開試算表做了一個個人財務分析，算了一算，原來由今日至我三十歲前，我要儲蓄 HKD789 per day 我先有可能三十歲前做到港版百萬富豪。呢個數字，我現階段就算每日唔食唔飲連一半都無可能達到。再計一計，原來我最近一年，財富增長只係多o左五萬蚊。究竟我o的錢用o左去邊？呢個時候，我購物儲單做 voucher 既習慣終於可以一用。 Easter Holiday 就做個簡單分析，試圖控制一下支出。

改善財政，除左控制支出亦要擴闊財源。要儲錢靠努力工作係學師仔呢幾年裡真係無可能，平均成本法定時定額投資股票呢個投資方法未必係最佳，但係如果改良一下，係 loss percentage reach 10% 時，同埋預料when loss will persist ，就開始減持出售風險高既持股。咁樣或者可以達到理想既理財效果。

我開始左兩個月，目標每個月一手入 A50，試一試應用一下呢個理論一年work 唔 work。

尋日婆婆生日，成家人上左佢屋企食左一餐飯，最近婆婆身體明顯轉差，希望佢快o的好返。再祝婆婆萬壽無彊、虎虎生威！

今天有小事數則：

• 本港受沙塵暴影響空氣污染爆標，以為今晚番風會有好轉，無料到頭先去跑步只係跑o左廿分鐘度，就攪到而家上氣唔接下氣，有輕微哮喘o既跡象：
• 我諗亦可能係因為今日係公司去 toilet 度走廊門壞o左維修o既關係，我條氣管先至會咁敏感。其實我都未明點解走廊門壞o左會有人去後面個電標盒度燒焊咁奇怪，而且係o係公司辦公時間成堆人係度兼且又密室o既情況下燒焊，我唔知隔o左一晚夜o的味會散o左未。但係公司o既工作人員係 identified persons，千萬不可得罪，哮喘都要死頂。
• 今日收到兩個朋友問我呢個小小 advisor 關於 US GAAP o既問題，一個係問 GAAP Comparison ，另一個就問 US GAAP disclosure ，可惜我工作o既範圍只係包括 IFRS, anyway, 都搵到一o的資料，希望可以幫到佢地。
• 而家可以每日準時七點走，八點幾番到屋企，好似好 free 咁。但係我反而似與世隔絕，其他朋友各有各忙，我連邀約o既勇氣都無。仲要鬼鬼祟祟咁唔可以周圍講，要低低調調唔好引人葡萄，我點解要咁樣對自己？今日o既結果，我係有付出過努力同埋 take 過 risk o既，或者大家睇得好簡單。不過呢樣o野，無人會有興趣知道；大家見到o既，通常只會係好o既一面。 Yes, 一個人o既努力係有限o既，努力付出後有無力感或者係o係我呢o的能力不足o既人身上尤其明顯，我只可以係某一o的認為值得o既地方盡情發揮。我唔需要人認同我樣樣都精通、樣樣都最醒、樣樣都唔犯錯，亦都做唔到，yup, I have been discourged. 【樣樣俱圓只會係一個普通人】；我目的係要係某一專長上徹底擊敗所有人、贏取到自己o既價值【哈佛…一書中亦有提到：成功，要將其中一項技能成為專長。 My words: Make a niche for myself】。我諗咁樣先可以最輕鬆又最快捷咁達到自己o既目標。 Mate, time will see.
• 朋友，機會係要o係所有都未有意識前去爭取既，當大家都有意識時，呢個只係一個被機會包裝過既陷阱。爭取前都要有適當既準備， sensitive analysis 一晚就要做好，仲要呢樣係一個個體行動，當大家都有意識時，機會只係一個被機會包裝過既陷阱。