Review analysis

仲有唔夠一個月 2011 就完,我年頭承諾左自己既目標做左幾多同埋仲有幾多做唔成?不彷用五分鐘回顧一下…睇下呢個月可以補做得番幾多。

Objectives of 2011:

  • 學最好o既英文、睇最好o既英文、聽最好o既英文、講最好o既英文、寫最好o既英文、諗最好o既英文
  • 係呢度跌低,要係呢度企番起身!
  • 準備成為一個出色o既會計師
  • 安居樂業
  • 應麥玲玲o既預言!
  • 法律與我
  • 家庭關係
  • 身體健康 workout
英文係今年裡面做得最唔達標既一項,我抽唔到自己每日睇 SCMP,其實係連報紙都睇唔到。亦都唔可以每日聽英文電台(好似歲月神偷個仔咁,每日都開住個收音機聽英文電台)。雖然我有做到功課搵到一個好岩我駛既 CNN TV channel,但係我無盡到力去每日聽。如果要加多的機會講,公司有兩個Senior Manager 講 native English ,不過我唔係下下都敢用英文同佢地溝通,我認我衰左。
係呢度跌低,係呢度企係身;對呢一點,我可以話達左標,可能係我好運或者有少少努力俾人見到,我係 dept 裡少數拎到 high performer 既一份子。我唔會認叻,因為我有一排先叫叻。不過總算付出左既得到人認同。
一個出色既會計師,我認為一個出色既會計師。要做到有認同感同埋執行能力和影響力唔會差得過醫生同律師。我係呢一方面仲未得到認同,要多加努力。
安居樂業,一切按步就班,萬事俱備,只欠東風。
麥玲玲既預言應驗左!haha~ 我同 lovely waiting 訂左婚!
法律與我,今年一定要考得成試,要再加把勁,做好o的 time management ,唔可以再浪費時間 hea hea hea,一定可以同時溫得到書、處理好婚禮同埋工作。程程你一定會做得到。
家庭關係,我目標中要安排家庭旅行終於辦妥,我覺得令到一家人有左個共同話題。而訂婚呢件事亦到令成家人團結左,我希望可以持續向好!keep it up! 不過要達到呢個目標,離開 audit 既工作之後可唔可以做到?
身體比起五年前差左好多,本身o的遺傳病亦要繼續醫,呢一方面可以講係唔合格。養身呢個話題會係明年程程最大既挑戰!

Ka Ling’s wedding

今日去左嘉玲個 wedding, 雖然係係大埔遠左o的,不過同左幾個都攪緊結婚既莊友商量左好多意見。返到屋企即刻 update 左個 schedule ,攪到三點鐘,終於度好個 budget 。不過個 budget 都好 preliminary 下,最重要係要黎 compromise 跟住唔好轉黎轉去o的 planning 。要多多享受攪結婚既過程,呢個都係對自己對 waiting 既承諾黎既。

Election

20111201-001918.jpg

好累,無力又好眼訓。但係望到枱頭呢堆信件,又不期然望多一陣–如果我繼續做上去,先做到好似d4咁,再做到floor partner咁,除左錢,係未我想要既野?

Guests to be invited

終於,係定好個日子同埋夜晚親戚圍數之後,我地開始計劃一下會請幾多朋友同埋同事去下午個個 cocktail 。所選既全部都係我地共同同埋各自相熟既朋友。無計,我地都希望 share 我地既 happiness 俾我既最好既同事朋友,不過當然無在列既唔係我無地無當你係朋友喇, you know… 我地 budget 有限,而且唔想咁高調……

參觀了八月居個場地,好一般•••

20111211-003014.jpg

You can’t give up.

我要熱愛我o既工作,工作先會做得好。

DSC_0434.jpg

我一早就 setup 好o既 objectives ,半年就快過去。有需要做一個檢討同埋微調。

我呢半年都努力地去改變自己去適應呢個環境,朝住目標同埋終點進發。但係每行一步,阻力都好大,工作煎熬得我好緊要,快連思考寫一下 blog o既能力都無埋……精神又好差,休息唔夠身體都唔好。每日起床都無厘神氣;壓力大到透唔到氣。

係2011年跑步o既途中,望住一條直路,又轉個round之後,都係思考唔到終點仲有幾遠。缺乏力氣時慢慢開始迷失。

但係我真係跑步時唔係都一直鼓勵自己o既咩?--我無速度、無體能,但係我有毅力!我可以跑完一個圈又一個圈,點解2011年跑步o既路程而家去到一半,就想放棄了?

2011 my friend.

一段時間無再寫 blog ,因為經歷了一個小低潮。

一直都不停同身邊o既人講我無得再過朝九晚六o既生活喇,因為我去 DPP secondment 個 program 正式結束,而家又要過番以前o既工作環境,真係怕適應唔到。同埋工作氣氛消極,要重新認識新同事,重新認識新工作方法,同打過一份新工無乜分別。

最後一定係用一句總結睇怕我都頂唔到好耐,要搵定工快o的離開先得。幾乎日日都係咁講,講到好悶,所以更加唔想係自己個 blog 人度寫出o黎。

不過呢個星期出o左一隻 job ,遇到個新同事令我有新o既感受。

佢令到我覺得自己對 audit 好似重拾到一o的興趣,有信心同動機去做好呢份工。我似乎仲有好多o野未學完。我返番去唔係回到起點,應該係有機會可以由起點開始,俾多次機會我用最佳姿態跑上終點!

Objectives of 2011:

  • 學最好o既英文、睇最好o既英文、聽最好o既英文、講最好o既英文、寫最好o既英文、諗最好o既英文
  • 係呢度跌低,要係呢度企番起身!
  • 準備成為一個出色o既會計師
  • 安居樂業
  • 應麥玲玲o既預言!
  • 法律與我
  • 家庭關係
  • 身體健康 workout

Life is hard tho.

今日下午公司無同事無人陪要一個人食 lunch ,又去翻我個飯堂大會堂隔o黎o個個美心 MX 。當我一路排緊隊仲心大心細唔知食乜好o既時候,聽到後面有兩位先生幾令人會心微笑o既對話。

「你食乜呀?」
「最平o個個飯係乜?」
「就咁睇,雞扒飯就最平喇,27.5。咦……!但係無o野飲o架喎!」
「咁仲有無得揀呀?」
「見到有北菇蒸雞飯 29 蚊連o野飲!」
「咁都係算喇,雞扒飯飲杯清水算喇。」

我本來睇到個 30 蚊o既焗海鮮飯好似咁錯,起碼唔係我成日食o既六寶飯轉米粉咁悶先。聽完佢地講之後,同埋諗過o下其實個個餐咪又係一樣,所以就跟o左隊,叫o左雞扒飯加雜菇汁。

跟住我就聽到售賣員話一連三個菇汁雞扒。其實一直無留意開,原來我前面個位先生係叫o左北菇蒸雞飯,叫北菇蒸雞飯唔奇怪,奇係奇在原來佢叫一碗一早蒸好o既北菇雞飯加飯,我一直只知碟頭飯先有得添飯,唔知咁樣一碗 preset o既餐都有得加。最後我見餐飲部o既職員要拎多一個碗加多半碗飯俾佢。

前面位先生生活迫人,睇o黎要三餐當一餐;後面兩位先生算無可算,個半都係錢睇o黎真係無辦法,慳得一蚊得一蚊;中間呢位先生唔知幾時先上到車買到樓,真可悲呀。

Long-awaited

千呼萬喚始出來。

今年 Big 4 加薪好似好嚇人咁,有成六七成。但係我覺得今次咁「浮誇」o既加幅只係填補番上年加幅少o既補償o黎。以今年我o既年資同十年前同一個位比,相差唔遠。留係呢幾間公司度做o野,加幅高基本上係一個傳統o黎,我相信呢樣亦都係公司o既定位之一,佢地都係做生意,無人入去做o野,reputation 做得唔夠好,仲邊有錢可以賺。Partner 都係生意人,一早留意到市場個價位。如果唔 set 得高價仲會有咁多人擁住想入去咩?

諗深一層,如果我用呢個人工做番我而家做緊o既o野,我都覺得會令好多人眼紅,我都係低調o的好。其實我要諗多一下,公司既然讓o左步俾我,我又點樣可以做番一o的表現去 reflect 番公司對我o既補償?我要證明一下我係值呢個價,而唔係白逗人工o既。

Do a great thing need 2 factors: A plan and not enough time.

係我低調o既時候,其實會令到自己好多情感表達唔到出o黎。人愈大似乎每一樣事同埋說話都需要更多 caring ,但係我完全 handle 唔到,我思想傾向愈簡單愈好,複雜o既事放係我檯前唔係同樣要我抽絲剝繭將事情簡化然後解決?又玄又禪o既行為超出o左我o既能力,但係或者我要有 improvement on this 。我對自己o既毅力有信心,只要件事有個方向我就要向前衝,免夜長夢多。我唔敢講我有o的乜o野係成功,但係我 set 俾自己o既 goals 每達成一樣都會有 sense of achievement 。呢種感覺以前鮮有發生,因為我以前經常 set 自己 as a outsider ,而家我想有o的成就,可以自己挑戰自己而成功o既時候,可以有幾多個人係會為我高興……自己暗自高興,唯有獎自己一件 Starbucks Blueberry Cheesecake 慶祝一下。如果大肆宣揚,抱住分享一下想大家一起成功,一起 happy ;到頭o黎只係自己無癮,聽到說話唔好聽,攪到自己好似想威想串想哂命,我又何時何曾做過呢一種人?自己唔係名校生無做過精英屋企又無背景經驗,真係唔識處理。

嗯,我而家個 plan 仲未夠顧及得全面,有需要時要微調一下。自問已經盡自己最大能力做好一切條件可以令 technical dept 長期收留我,而客觀o黎睇反應都好正面。如果 technical dept 都係唔收留我o既話,我都預備好兩個方案! Yeah~

好多說話唔知可以同邊個講,唯有寫出o黎,唔知邊個會睇,後果會係點…anyway。