Year: 2006
Thoughts about…
-
Discovery Bay
今日去左愉景灣出 Job，第一次入到去呢度，感覺好新鮮呀。 個人覺得呢度一o的都唔似香港，入面全部都係外國人咁，周圍o的設施佈置都好歐式既。最令我感到特別既地方係呢處彷彿係一個獨立既私人區域咁，成個愉景灣由一條隧道出入，穿入呢條隧道就好似進入左另一個世界，我就即刻諗起 Big Fish 個畫面，一個個獨立既 village 。入面o既人個個都好優閒咁帶住o的狗仔散步，周圍綠草如茵，好舒服咁。 係呢個獨立既區域入面，係 car not allowable 既，出面既車唔俾駛入去，入面只可以以哥爾夫球車代步… 點解呢個咁美好o既地方，美景良辰，日落黃昏，浪漫非常之時，我身邊既竟然係另一個 department 既 senior 黎？
-
Have a nice day, but a bad week
呢個 week 做野忙到 luc 碌咁濟，本身份野我自己又趕、Manager 又趕我、Seniors 又催逼我、個客又日日打電話o黎問我做成點，之後仲發現 Tax rep 係不久o既將來都會o黎催我交貨﹐我感到好大既壓力，而且仲好無助。呢份 job 雖然學到o野，但係我對佢感到好煩厭，少o的耐性都死… 星期五仲要三份 job 同時處理，呢邊發現我外借左去隔離個 department 要簡介我個 job 要做咩；一面要趕住出份 accounts ；另一邊箱，又同另一個 client 電話 keep in touch 周旋緊佢個 situations… 人都癲… 星期六同埋 waiting 返 BU 拎畢業袍，見番唔少同學仔，好開心！不過感覺到呢日我好似矌工咁，當我o個組人成組都返公司OT，我粒聲唔出走左出黎，仲要手頭上成堆野要做，黎緊又不停有野做，我有o的內咎。好驚被隔離之餘，最唔鐘意o個種成身 work in progress 既感覺，攪到我成個禮拜都失眠，日日都訓得五個鐘，都係諗唔明o個幾十蚊去左邊…點算？因為我發現左個問題，一個無得返轉頭既問題，我預感到我唔盡快解決到呢個問題就有個大危機… 之後我整嬲左 waiting again, um, rite, again and again, 今次係我見佢最嬲既一次。我徹底地 hurt 到佢喇。我做緊o的乜野？fxxk shxt！o個晚係做人咁耐以黎最黑同白o既一晚，好 dull 。 今日一訓醒就去同阿婆同埋成班親戚飲茶，因為我帶埋o的袍同佢地一齊影相。係喇，感覺好舒服，o係我覺得我同家人好遠既時候，只係一件事，一個簡單既家庭活動，覺得好 warmth ，大家拉近左好多。我應該為呢種關係付出多o的。…
-
What’s happen?
今日莫名其妙地給人罵了一大頓，深切明白到同樣的做法在不同的處境下有如此極端的結果。原來就係咁飄忽。從此恐怕要有心理準備，免得好似今次咁嚇親了。 心理上的處理方法：好似當聽 client 電話咁，當所有野都係發up瘋。【亂咁寫表達錯誤，其實我想話係唔好將o的衰野成日諗住呢個意思…】慢慢咁練習，我o的 EQ 就會好快提昇。從而以後既事就會愈緊急愈冷靜。 積極o的o既思考方法：哲學性既角度，了解發生乜野事才作反應。 P.S. 周圍聽到既都係壞消息，心情有些糟… 之後無喇喇做錯o野，俾電話我捉o左入房扣查，點解我做完o的o野會乜都唔記得o既…？各位做 audit o既朋友，又有一個心得，記住o係呢個簽名落案做o野o既制度下，一定要記住自己做過乜o野，因為隨時會無喇喇被問及一個 job o既其中一部份有咩錯漏咁。今次事件又學會名唔可以亂簽，簽左就要負哂o的責任。而且今日仲交足學費。 夜晚成家人去左樓下茶樓打邊爐好 causal 咁慶祝老豆農曆生日，今日睇得出老豆真係好開心，原來只係我只要話去紅橋打邊爐咁簡單就令佢滿足哂。最後我找數前，老豆有個舊伙計咁o岩黎左又同佢吹下水，一邊讚下我呢個世侄時又當然會誇下自己o的細路有幾叻咁，老豆又開心o的。今日有個 nice dinner 。 聽晚表哥娶老婆，哈哈~ 補充一下：尋晚去o左陪尹仔同少文打波，好耐好耐無 meet 過o的 old friends ，但係真係 friends o既，無論相隔幾耐幾遠，友情都無可能會變，重拾番以前大家柴娃娃時o既感覺，好 simple 好 pure~ XDDD 相比起而家，而家太 complicated 喇，好人難做…… 整多張大家睇下。 :P
-
A Boyfriend?!
呢排放工，見到 lovely waiting 黑眼圈一日比一日加大，眼袋一日比一日厲害……真係我見猶憐，仲要日日拎住部咁重既電腦【重唔緊要，但係個電腦袋stupid嘛… haha~ joke】，um, 講真真係好想幫o下佢手… 認真的，o係我眼中我知道 waiting 真係好辛苦咁捱緊，眼訓到佢成個人都落哂形，但係都要撐住喇，雖然真係唔知幾時先會捱完，但係慢慢就會習慣到，要比心機呀。 我呢一面首先要 relax 自己，發揮自己o既 EQ potential 對抗自己既壓力同埋疲累，亦都要比多少少耐性，同埋體諒大家o既生活、處境o既轉變，um, 無問題，我實做得到。 大家都要努力！Miss you dear! P.S. 呢幾日見到個同期o既男同事終日鬱鬱不歡咁，食 lunch 又寧願一個人自己對住個電腦食，睇到自己個影子。因為佢親愛o既女朋友已經返o左英國讀書，正常o黎講要成年先再返o黎。想當年， waiting 去o左地球o既另一邊 – 美國，程程o既鬱抑情況唔會比佢差喇，佢果然係好仔一個，香港唔係死哂o的好仔o既，起碼我識o既朋友入面，我認為係好仔o既絕對唔少！搵到一個路途上同病相憐o既朋友，同佢一齊分享o下苦況，果然病入高盲呀，希望呢個分享可以開解到佢喇。 唔好聽光良o的歌喇，會喊的。 →中秋節快樂
-
ZTHZ
中國2005年會計師事務所百強排名【節錄】 1 普華永道中天會計師事務所 2 畢馬威華振會計師事務所 3 德勤華永會計師事務所 4 安永華明會計師事務所 5 上海立信長江會計師事務所 6 信永中和會計師事務所 7 中審會計師事務所 8 岳華會計師事務所 9 中瑞華恒信會計師事務所 10 北京京都會計師事務所 11 天職孜信會計師事務所 12 江蘇公證會計師事務所 13 天健會計師事務所 14 利安達信隆會計師事務所 15 上海眾華滬銀會計師事務所 16 浙江天健會計師事務所 17 安永大華會計師事務所 18 中和正信會計師事務所 19 浙江東方中匯會計師事務所 20 大信會計師事務所 21 深圳鵬城會計師事務所 22 中天 華正會計師事務所 23 廣東羊城會計師事務所 24 中喜會計師事務所 25 武漢眾環會計師事務 26 上海東華會計師事務所 27 亞太中匯會計師事務所 28 北京天華會計師事務所 29 江蘇蘇亞金城會計師事務所 30 北京永拓會計師事務所 o個日老闆叫我入房傾計，就係話公司未來有新發展，轉緊型，話大陸總公司有新動向。今日上網做o左一輪 research ，佢所講o既o野似乎都有憑有據，我間公司【第廿二】執業o既係由中國財務部o既人出o黎，所以有財務部o既人撐腰，而大陸第五大o既立信長江係工程部出生既【大陸讀工程係好猛料既…】。講左一輪，原來係話，佢地一大班人，連同大陸第五大既立信長江、我地中天 華正、第廿三大廣東羊城攪緊合併，原因係應中國會計師協會o既意見【要求？】將中國本土會計師樓做大做強，而呢三間o野o既合併消息已經o係中國業內帶o黎震撼，因為合併之後o既公司規模將會超越第四大o既安永。而呢個結果亦都係大陸有關方面既目標【要求？】。老闆話佢呢排隔幾日就同北京個老闆梁春聯絡拎消息，話合併既通知將會o係兩個禮拜左右公布。合併之後，我地呢間香港唯一o既分所會有o的咩得益？首先，肯定會有好多大陸遞過o黎o既大 job 做【基於我地係香港分部o既角色，佢地話我地學美國 GAAP,or else會快o的【well…香港 GAAP 我都未攪得掂…】，so 呢一類型o既 job 會遞俾我地，幫o的大陸大客攪外國既業務發展。】 ；另外，大陸咁多國企o既上市 IPO ，一定會俾自己友跟番；又老闆話佢已經俾大陸個梁春摧佢快o的擴大規模，因為之後會有好多機會，準備好先可以接o黎做。可能因為咁，呢排我坐緊個風水位成日見到有班友行黎行去－接待客人【見到好多人種…美國高佬？黑人！大陸女強人！？】我呢個風水位成日就o係度及o野~XDDD 又我呢三晚連續 OT 到十點鐘都重見到o的老闆們留係度… 我o個陣聽完第一個感覺就係：你同我講呢o的o黎做乜呢…？第二個感覺就係：感覺好似打緊三國志咁，非常之 funny。第三個感覺係：你攪到我好想快o的 prepare 好自己迎接更大o既挑戰。之後佢就入左正題，話公司加左我人工。 上網睇完有關既報導同分析之後，覺得間公司發展得咁快真係 very good 呀，無錯我係俾佢 impress 到架，因為無論點樣我都有得益，接觸多o的先會學多o的o野！之後又諗到，點解我望o既o野全部集中哂o係大陸？不過其實，而家o係香港做o野，唔望住大陸，望住邊度？其後又關心到，我只係o岩o岩過o左三個月 probation 無耐o既新仔，老闆同我講呢o的 strategy planning 令我有o的耐人尋味，雖然我一方面覺得呢o的 planning 好o岩我脾胃。 我駛唔駛調節一下我個 career plan ？Anyway, 點樣都好，當然係為自己著想，我或者諗到我應該點做。…
-
Hong Kong Disneyland
今日又溫馨又快活，好耐無試過咁 relax 去玩喇。 我本來同 waiting 約好o左日子今日去玩，但係我o地o既決定徘徊係去長洲好定係去迪士尼好，因為好似無耐之前先去完迪士尼，所以就諗住去長洲玩喇。我都做o左少少 research 長洲有乜好玩，但係到朝早上到車見到前面個男人睇o個份報紙，俾我留意到迪士尼做緊個 Halloween Ad. 喎，就心諗 waiting 應該幾想去o架喇… 見到 waiting 我試探性地一問，waiting 果然心繫迪士尼，haha~ 我地就即刻轉向搭車出發去迪士尼喇。因為我地無預過會去，所以我地無夾到時間、又無買定票、 waiting 又無準備到佢o的出門幾寶添！但係好彩今日有少少天陰。 而o係車上面就夾好，今日o既重點係影 Disney Friends o既一系列 Halloween 裝扮相同埋買 Halloween 紀念品呀！一入到去見到吸血彊屍裝扮o既 Mickey Mouse ， Waiting 就成個彈彈下咁……(一.一) 又唔見佢見到我彈彈下喎…haha~ 睇 米奇幻想曲 show 時唱到 "…for you and me…" 時睇到我眼濕濕，o的歌真係好鬼好聽o架。 又玩巴斯光年星際歷險， waiting 就弱o左少少，得 39xx 分，我成 99xxx 分，成廿八倍。無問題無問題，開槍打怪獸就等我o黎保護你喇，拎起筆 waiting 先勁好多o架嘛~ haha~…
-
A warm and carefree night
今日放工時間就神神秘秘咁鼠左出去，會合 waiting 行街街喇。 今次周年紀念我都無點準備到，都唔知 waiting 會唔會有o的失望。見無咩地方好去，因為大家都眼訓又唔想行得太遠，就去 cwb 行o下街，好舒服咁食餐飯咁靜靜地慶祝喇。 大家即場"送"對方禮物，呢個早前協定o左o既方案雖然無哂神秘咁，我o地仲一次求奇個一次，但係真係無時間o既，好快會有下一次補數~ haha~ 收到個我極之鐘意o既袋，而家搭車返工終於坐底時，終於有o的o野攬住訓覺喇，話時話，個袋真係手感一流！之後我地去o左食峰壽司同埋義順雙皮燉奶。o岩o岩好 full ，就慢慢搭車行返屋企lu~ 眼訓都寫唔到太多o野住，但係好值得一提o既係 waiting 欠我o野呀~ haha~ Those you promised when you went back home o既呢~ hohohohohohoho~ P.S., 今日俾管理層召見，講o左十五分鐘，我人工有兩位數增幅~!?? (@.@) 但係都無咩興奮o既感覺。十五分鐘o既講話都似預o左我會走咁…anyway, 都未必o架喎… P.S., Just visit 完一個 website ，感到有無比既屈辱，怒火中燒，睇怕今晚都訓唔著……
-
Admire
其實我一直都同o的堂阿哥佢地唔熟，有 gathering 多數都係阿爸自己一個去，細個o個陣時反而會周不時join下，仲覺得明哥個老婆好靚(haha~好耐之前有提過~)，但係自從伯娘過o左身之後就少去好多喇，所以其實我懂事之後對阿伯o的仔女都了解唔深，最清楚o既都係最大o既堂家姐，因為印象深刻：佢嫁o左個瑞典男人，移民埋過去兩個一齊都做護士，生o左個男 baby 勁得意，金髮的，叫天詳。其他o既，只係記得o的堂阿哥【有六個兄弟姊妹…】應該係結婚約埋哂係葵涌間美心包哂成場擺酒【同一個地方飲o左三次喇…】… 上次未講過堂阿哥買o左o架 Benz o既，突然間有種衝動去了解多o的呢個堂阿哥，就用 Google 神去起佢底之餘，仲問下阿爸阿媽咁，唔… o係o的網站度講佢o的威水史時，覺得佢背後好似發哂光咁，好勁好得……當最後o係香港管弦樂團(Hong Kong Philharmonic Orchestra)個網站度見到佢張相時，我就彷彿感受到佢以前所做o既努力同埋付出o既血汗咁……【同埋…燕尾服好鬼型仔o既o即，haha~】因為我同佢地同一個背景出世，彷彿一樣o既家庭生長，我出過o既努力只係得而家咁o既成就，而見到呢個堂阿哥咁樣，我就似親切體驗到佢點樣得到佢而家o既一切喇… 幸福係要由自己爭取的，就o黎廿四歲喇，唔可以再胡胡混混咁。再成熟一o的，把握多o的機會，努力加油，目標清晰，我無理由做唔到的！ p.s. 唔知點解 Def-link 一定要用英文先 function 到，所以專登 post 個香港管弦樂團英文名出o黎…
-
就死…
今日考既試不值一提喇，當 tired 到爆咁返到屋企時又收到張廢紙，原來係封追債信，香港最大既債主o黎追我數，唔… 每三個月 $1823 ，還足五年…周身債… A demand note for the first repayment instalment will be sent to you shortly. Please note the repayment conditions printed overleaf. My god, (T^T) 我好苦呀…
