Year: 2007

今日， Grand Hyatt Dessert Buffet ㊣呀…… 又 romantic 又 delicious! haha~

報左名去學車，而且仲辭埋職…last day 係十四號…

　今日放 QP 成績， FM 咁就死o左。我永遠都係o係人地個個都覺得易o既 subject 上面觸礁o既，所以知我o既人…總會發現我總係神經緊張咁，因為我永遠都係衰o係呢o的情況上面…… 　番到屋企溫書，裝o左個 e-book 版o既 HKICPA Member Handbook ，會自動上網自己 update o的 standard 架喎！非常之有用。之後一路溫書一路 web surfing ，無端端睇到奇女子狄娜o既生平同埋佢當年明報o既電子版專訪。睇大國崛起時見過佢o既風範，詞峰好銳利。引起我o既興趣去睇呢個專訪，睇得出佢係一個自 信心爆棚o既人，好有自己o既一套，佢話自己係一個實幹型o既理想主義者，一個好有型同埋inspiring o既 term ，哈哈~ 就咁俾佢個 character 吸引住。因為我所缺o既就係佢呢種利害。 　佢話自己當年同泰國總理細佬行得好埋，見盡d高官同埋政要，講軍政、講經濟，對方個個以為佢只係一個無知細路女，但係佢 就話全部都睇哂入眼裡面，冷眼旁觀。所以話呢，認同o既我早排慢慢植入o左一種理念就係話：唔係講要攀龍附鳳，但真係要接近o的上面o既人，見得多，聽得 多，明得多，自己個世界觀先會變大…先會知道自己條路應該點行，慢慢度出點樣先行得最 efficient 。 　炒o左個考試，無 ruin 到自己個 planning o既， 只係 delay o左o即。 Keep on going. Dennis Leung! Never give up.

　今日不約而同地有幾位朋友講過關於儲錢有成績o既o野… 　首先 Lunch o既時候同埋一齊入職同一間公司既大學同學食飯，言談間講到當初一齊入o黎o既其中一位同事，有次有意無意之間自爆自己呢一年內儲左成廿萬o既現金，問個上司買唔買匯豐好。 　首先唔理佢真定假好【講真…我信佢有，因為知佢無乜駛費】，大家同時一齊入黎做野…點解佢儲到錢，我仲係得個少少…？係佢得定我差呀…講真真係係時候要認真檢討下自己。 　又九點幾臨放工時，朋友話佢前女友【應該同我同年】，做左兩年野，就儲左成十幾萬…而家獨力入左手開始供樓咁話。嘩…係真 唔係呀？開始供樓…一個係o係我四年後先安排好既計劃，聽到後都唔好話唔令人沮喪，大家一齊起步，居然人地咁快理想達到…【話時話… Lovely Waiting 都已經係一個小富婆喇…】 　自己一直有個好似織田信長咁崇高而又看似不可能o既夢想，而呢一年間都努力緊咁去 achieve it ，錢途又未有前途都未有，但係而家睇睇下個儲財成績表，好似無其他人咁標青喎…自己有無定錯方向行錯路架…？ 繼續守住做 long term investment 定放棄左佢好？

　嘩，頭先諗住開個 office 2007 個 words 做o的o野，想開個新檔案時發覺而多左個 icon ，按左落去先知原來而家已經可以用 MS office o黎寫 Blog 直接 submit 上server ，MS 真係乜都俾佢玩哂喇。 　呢排做野做得非常唔開心，可能只係自己做衰左自己個 reputation ，又或者呢排無咩 motivation 去做o野。Whatever it is, 工作就要 professional ，俾o的熱情落去o的工作度。唔好俾班同事睇死你做唔到o野。帶定個眼鏡，睇清楚我既能力係邊度喇……

晚晚 OT 到十二點，連寫野既時間都無喇…

　大家日日通勤中既朋友，有無發覺呢排成街都係壞車？當我今朝又試遲到十數分鐘先去到灣仔o既時候，就諗係未呢排太熱，連架車都頂唔順，中途壞左？如果係條高速公路壞車，要落車指揮或者等救援時，企o係俾o的熱到可以煎雞蛋既馬路上，蒸溶埋都似……呢排日日都好似山長水遠咁周圍去，真係好怕熱。好似今日返屋企時o個o架巴士，雖然已經無乜冷氣，一路坐一路出汗，仲傳來陣陣燒焦左既氣味，不過咁都無壞到車，唔駛中途換車，算係真係好好彩喇…… 　可惜今晚太夜返屋企，食唔成上海野！  　突然間腦海傳黎深圳既福田區、鹽田區、台北內湖區、天津狗不理咁，腦中資料散亂，神智不清，睇黎我就黎痴線喇~~~

　Yeah~ 聽日又廿一日喇！即係第三十三個月紀念日呀！不過頭先邀請 Waiting 去食飯時，就食左個檸檬…唉，唔話有少少心淡就假既。不過星期五都要出街食飯聽日又要出去確係唔係幾好，umum~ 聽日屋企無飯食，阿媽細妹出 trip ，老爸可能自己返大陸，就算唔番都話唔會留到我九點食飯，呢個世界真係人情冷暖，唯有自己走去美樂食上海菜，o個度o既回窩肉飯真係諗起都流口水，再加幾 粒小籠包，㊣呀！呢個紀念日應該過得幾不平凡…不平凡先係人生！ 　今日又上左大陸做野，熱到好似翻煎牛肉飽咁，間山寨廠無冷氣，個人濕左又 煎翻乾，乾左好快又濕番， lunch 時飲左兩大罐王老吉， for favorite！哈哈。雖則話返大陸每日有 incentive 二百幾蚊，但係一o的都唔易賺……而且全日一直汗流浹背既我都唔知幾盼望個天下大雨，可以降一降溫，消一消暑，可惜一切總唔會如我所願。 　 返到屋企仲有好多野要做－－一切食鐘既野，但係 you know, 而家我對眼眼都睜唔開，有心無力，真係做鬼做馬咩。都係 plan 下 next week 去台灣既 business trip o的野點做好過，做定o的 preparation 。就算早幾日聽o左個 briefing, 個人始終未有足夠信心可以完全 handle 得黎。唔關個人自信事，一o黎普通話唔係真係好掂，台灣人又好鬼醒目，好易俾人耍左我都唔知… 　Btw, next week 有三日台北兩日新竹，剩番幾日未定，用黎做 follow up. work hard, play hard man.

　今日端午節，但係無得去睇龍舟喇，有時間都要留o係屋企做野，但係點都好過去大陸出 job 既，haha。 　不過我都唔係全日留 係呢度既，我一陣要出去買兩件 shirts 同埋兩條褲去台灣時可以著足一個禮拜而唔駛洗衫，各位有邊個可以提議下o的款俾我，要又平又襟著架喎？我剩係識得買 G2000 ……仲有既就係，要做一o的 preparation 同埋執行幾個 mission. You know… Lovely Waitin's Bday is coooooming~~~! 　希望佢唔駛 OT and me too… haha~

　今日終於完成左第一個 workshop ，尋晚做左好多準備功夫，但係到上堂時居然無咩用，個 workshop seems 係最廢 among all the four 。Really disappointed 同埋覺得自己係度浪費時間添。唔慣得之 Waiting 話上 audit 既 workshop 係最輕鬆既， i believe so after experience it. 　嘩！熙個韓籍女朋友o黎o左香港，約左聽晚去食夜宵，introduce to me！突然間覺得自己呢一排國際化o左好多，見到好多美國人、中國大陸人、德國人【雖然都係講英文】、台灣人, etc，um, 襯機會繼續努力練好兩文三語，再加個法文。往上游~!!! 　今日又完成o左任務，係時候 praise o下自己，飲罐啤酒， relax 一晚先。 Good luck man. 　o 岩o岩拎到自己個 schedule ，星期一晚同熙 and his gf 夜宵，星期二八成要上大陸 audit one day【you know, there are no public holiday…