Category: website
Thoughts about…
-
Blog and photographing
尋晚同林先生吹水，講起o個陣時大學時既記憶，好多大家都唔記得左。只不過係五年前既事，如果唔係有影相，我諗大家既記憶之中只係會醒起大家係一齊上過莊，一齊讀過書。其實o個段時間大家真係經歷左好多野。影相同埋寫 blog 真係好重要同埋有存在既必要，就算一張好無聊既相或者一段好低 B 既 blog 文，都會 induce 無限回憶。呢方面唔可以懶惰。
-
Site improvement project – Phase I
呢幾日回顧o左一下我個 blog 。慢慢習慣同發覺我部 netbook 同埋呢個 WordPress 簡直係天生一對。 要重拾寫作o既動力係唔容易o既，套用一個可能無乜關係o既老套話：創業難，守業更難。 創作網站係一下子o既事，我以前可以差不多不眠不休一個星期學習同不斷嘗試就可以出一個新 design 出o黎。但係總結咁多年經驗最困難o既唔係創作網站，而係要諗點樣維持一個網站。因為程程我係一個無乜內涵而且一o的都唔 funny o既人。 翻睇自己之前寫o既o野，目的係乜o野？有做過乜o野去改善同埋維持質素？真係無。不如將呢五百五十八篇文章、七個專題重新篇寫、批改、結集、condensed ，再做一個感想出o黎，名為 “Site rebuilding project” – Phase I 。先從內容整頓著手，再o係 Phase II 從 design and structure 向 fancy, beauty, stylish and creative 出發。 睇o黎愈o黎愈有趣了！都係 netbook and Windows XP 用o黎做文書比較實用。 P.S. 其實…非常唔好意思咁講…而家睇到o既呢一個版面重只係得大約 20% o既完成度。根據當初o既計劃同構思，我仲有成 80% 未實行。所以呢個 project 講真要改版面都唔會再大改，我諗會換一換個色調，重新上過一次色，改善同完美整個 blog 都已經係一個大工程o黎。
-
Firefox + WordPress
今日見 Firefox 有得 update 就跟住佢去 update ，之後就順手去睇下佢有無o的乜野好玩 add-on 咁。俾我發現到一個超級方便既plugin ，而且初次使用後果然真係幫到我好多。 其實我而家好多時唔係唔想上網/打中文字/生活唔如意咁，只不過呢排真係好眼訓，日日唔係安排去做o野跟住發覺做唔地要 OT ，就係要為應付考試而要不停讀書。我仲想有多餘時間去研究下投資咁樣，等我儲到足夠既 saving 就要計劃儲大佢，我好想靠到自己能力成為一個 CPA 之餘更成為一個外國 MBA 畢業生。um, 我要試圖改變自己o既命運。 就係因為呢排太多野做，每一日番到屋企都呆左，個腦又實哂，連熙由 Australia 返左黎我居然忘記同埋唔知道。更何況每一日都上黎呢度入呢個網站， login as admin ，再諗下今日又咩好寫咁？ 但係頭先發現到個正野： Performancing https://addons.mozilla.org/firefox/1730/ OakFlickr4PFF https://addons.mozilla.org/firefox/3359/ 呢兩個 Firefox 既 plugin 方便我寫 blog 同埋upload blog image 上 Flickr 。一 click 差唔多完成哂我想做野既。 我用得好爽。 好快大家會見到呢度日日更新既情況再次出現。 hahaha~
-
only 20001
實在太開心喇…呢個網站整左幾年，今日終於突破左二萬人次呢個大關！ 但係都唔知邊個咁好彩踩中二萬入黎，我只係得個二萬零一…如果有二萬人既 cap 圖，有野送架嘛~~ 哈哈~ 今日返完工就去左 join 埋阿飯、阿 Wing 、秀嗡同埋 waiting 食飯呀，去左旺角o個間沙嗲王，我第一次去，點解樓下好似o的 XX 夜總會咁既佈局？ haha~ 今日番工實在太 tired 喇，連拎相機出黎影低o的美食o既耐性都無呀，所以…sai 哂添。但係值得要提o既係o個度既襟掣 order 食物相當之先進！最後我想玩多o野叫人黎埋單o即，點知有個姐姐唔成全我。阿 Wing 又會咁早食完飯既，我覺得個白咖哩豬扒飯係幾好食。 之後我地再上秀嗡介紹o既 cafe 飲杯野，但係此時我發現個個都好似好 tired 咁，點睇都好似無線劇集o的演員吸完毒品咁既樣，當然包括我在內，所以我都忍唔住陰陰嘴笑左出黎，下次我地再約過出黎喇！ btw, 今日係我同 waiting 既二十二個月紀念日，真係話咁快就二十二個月，多謝哂 lovely waiting 呢二十二個月o黎o既關心同愛護，我會好珍惜你o架~~ 程程錫哂你~~~ XDDDD
